Matáyɔ 12:4 - Ɔngana á Kɛ̌kɛ

⁴ Ɗáɓángi suɓi éndu ndea Mokonga, ɓáoea mokati nde ɗáɓábisi ka Mokonga, nanga mokati ndɔ, ɗákátú nɛɓɔ, tɔndɔ ka ɓatoɓeigi-phɛ́a sasaɓɔ.

Matáyɔ 12:4 Iomraidhean Croise

Matáyɔ 12:3

Yéso áǒsikisia te: «Ɓókótangimbɛ mɔnɔ nyɔngɔ nde Daúdi na ɓakpa nɛkɛ ɗáɓági, ɓî ɗátú na nja?

Matáyɔ 12:5

Ɓókótangimbɛ goto suɓi á ɓuku ɛ́ɔphi ndea Mósa gea, esa á saɓáto, ɓatoɓeigi-phɛ́a ɓunde ɓáɔɓɛɗanaga suɓi éndu ndea Mokonga, ɓáotingiaga ɛɔphi á saɓáto, kángá nndɔ ɓá á ɓojeɗe ka ɓɔ.

Málikɔ 2:26

Ɗátú mbenɔ nde Abiatáli ɗátú ngbɛga á ɓatoɓeigi-phɛ́a. Ka nyɔngɔ á nja, Daúdi ɗángí suɓi éndu ndea Mokonga, áoea mokati á ɔphɛɔ. Â phɔtɔ ǒgabea ɓakpa nɛkɛ. Nanga eea ndɔ ɗátú tɔ ka ɓatoɓeigi-phɛ́a sasaɓɔ.»

Lóka 6:4

Daúdi ɗángí k'éndu á Mokonga, áɔbɛɗa mokati ɔ́phɛ́ɔ áoea, â phɔtɔ ǒpha ɓakpa nɛkɛ. Mokati ndɔ ɗátú ndiu tɔ ka ɓatoɓeigi-phɛ́a ɓíndɔ ɛɔphi nɛsu ɗěsosi tɔ ɓɔ ka ea í.»

Ɓaɛbulanía 9:2

Kaɓondɔ unge ɗáɓácumi endu nde ɗáɓáphɛ̌ki na Ɛma. Ɔma á k'ama mosá-mosá éndu ndɔ ɗáɓáɔɔphana ɔma á kanga ɓojeɗe. Suɓi á ɔma ndɔ unge ɗáɓábisi ɔbɛa, mɛja na mokati ɔ́phɛ́ɔ ka Mokonga.