Matáyɔ 11:7 - Ɔngana á Kɛ̌kɛ

⁷ Ɓî ɓagoigi ndea Yoáni ɓásikianigi, Yéso áokpanga yɔnga ka phɔa Yoáni ka usɛsɛ á ɓakpa ɓe: «Eke nde ɓotóge kɔɔnjia ka nkanda? Manganga nde maphopho aoɗengisa?

Matáyɔ 11:7 Iomraidhean Croise

Matáyɔ 11:8

Cɔ, eke nde ɓotóge kɔɛnjia? Nkpa nde aɔ́li ngɔ́mbɛ ánjá? Ɓakpa nde ɓáɔ́li ngɔ́mbɛ ánjá, ɓáiki gǎkɛ k'éndu á ɓaamɛ.

Matáyɔ 12:20

Káɓúnɛku manganga nde ěgbuki, káimɛku ɔbɛa nde owanga í a phɔ́tɔ n'aojegia ábɔa. Ageaeka tɔ ɓó, na ka ɓî koɗoni amamagaeka.

Matáyɔ 21:25

Ani mmbé ɗámophi Yoáni kɔkɔta á ɓatisa. Ande Mokonga, kaɓɛ n'ande ɓakpa?» Ɓâ gǎkɛ okpanga yɔngaga sɔsɔɓɛ aɓɔ te: «Aoɓá na ɓegi te: ‹Mokonga aámbé ɗánteki›, ámbé asoúsiande gea: ‹Ka nyɔngɔ éke nde ɗóɓokómɓeeki gǎkɛ Yoáni?›

Matáyɔ 3:5

Cɔ, ɓakpa á ka Yɛusalɛ́ma, na ɓato á ka Yudɛ́a na ɓato á ka nji nɛngbo bîbíbí á iɓo Yɔɔdáni ɗáɓáoga mɔtɛ á Yoáni.

Lóka 8:18

Kaɓondɔ, ɛngɛphani mbenɔ nde ɓɔɔ́ka nyɔngɔ! Nga, mmbé ana ka kema aámbé ɓáyameande k'ínɛkɛ. Mmbé nna gǎkɛ na ka kema, ɓámutande n'ǐndɔ aně.»

Yoáni 1:38

Mpɔ, Yéso áǒpháia, áɔ̌ɓɔna ɓagoigi ndɔ na ɓáomɓea. Áǒɓúsia: «Cɔ, ɓookaɓa eke?» Ɓáonsikisia: «Lábi, (ande gea te, ngoisigi) ɔma á ɓoiki nɛkɔ a wani?»

Yoáni 5:35

Cɔ, Yoáni-Mɓatisi ɗátú ɓea ɔbɛa nde aoola na bɛnya. Ɓô ndiu oɓeekea ika na maseye ka mbenɔ ábɔa ka owanga ndɔ.

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

Yakɔ́ɓɔ 1:6

Ámɛmɛ ndiu ú na měma á ɓeekea, kángá á ngǎka. Nga, mmbé ana ngǎka, ande ɓea kɛtɛmbɔ á iɓo k'óɓenge, nnde maiphianɔ aoémisaga nci gbɔgbɔ.