Matáyɔ 11:6 - Ɔngana á Kɛ̌kɛ

⁶ Maseye ka nkpa nde káɗeketɛku ɓeekea nɛkɛ ka nyɔngɔ ani.»

Matáyɔ 11:6 Iomraidhean Croise

Matáyɔ 13:21

Nyɔngɔ kau kaɓɛ gǎkɛ na mǐgi suɓi aɓɔ. Ɓá tɔ ǒyamea ka Nyɔngɔ ndɔ ka mbenɔ ábɔa. Aoɓá ka mbenɔ á tambaga na ea á minyɔ ka phɔa Nyɔngɔ á Mokonga, ɓáogua mɔngɔ ímoci.

Matáyɔ 18:7

Ngomi ee! Ka ɓato á ka mokonda, ka nyɔngɔ á ephiphi ɗanga-ɗanga nde aǒgusa ka ɓojeɗe. Ephiphi ájeɗe káukɛku kiɗiana, a ndiu ngomi ka nkpa nde aɔmɓɛtɛkisa na dakɛ.

Matáyɔ 24:10

Ka mbenɔ ndɔ, ɓakpa ɓásii ɓásagande ɓeekea nɛɓɔ. Ɓátɔnganande na kangeana.

Matáyɔ 26:31

Mpɔ Yéso áǒgea ɓagoigi nɛkɛ te: «Kesande kǐpha ɓenu ɓɔbu ɓoguande ka ɓeekea nɛnu ka nyɔngɔ ani ɓíndɔ ɗáɓáɗundu suɓi á Ɓuku á Mokonga: ‹Nenkusande mɓondigi-ɓamɔgɔgɔ, na nsamba á ɓamɔgɔgɔ ndɔ ɓáphanjekanande.›

Matáyɔ 5:29

Aoɓá iso akɔ á nci á mǔku aunge aokongisa ka ɓojeɗe, ambe óphongotɛ ú, ómakɛ ɗanga n'oɓɛ. Akeni ɓúngisa gbútuka moci á nyama, kángá á makea á nyama akɔ bui k'ɛɛmbɛ á nsa nde nnaoimika.

Málikɔ 6:3

Nna phɔ́ nto á ɓɔi á mɔphɛkɔ aámbé? Muna Malía, muna-amakɛ na Yakɔ́ɓɔ, Yɔ́sɛ, Yúda na Simɔ́ni? Cɔ, ɓáwákɛ ɓáná ka ɔlɔ asu?» Kaɓondɔ unge, ɗáɓákámɓeeki.

Lóka 2:34

Mpɔ, Simɛɔ́ni áobisa njaga gǔ aɓɔ, áongoɗea amakɛ Malía ɓe: «Eya, miki nde abiki gea, Ɓaisilaɛ́li ɓásii ɓáguande, ɓuangbo ɓâ gǎkɛ ǒmesia ka nyɔngɔ akɛ. Aɓande gǎkɛ mphangiɔ nde ɓakpa ɓáyande.

Lóka 7:23

Maseye ka nkpa nde káɗeketɛku ɓeekea ani.›»

Yoáni 16:1

Ɗénóngoɗi nndɔ ka gea, ɓókoɗeketɛmbɛ ɓeekea nɛnu.

Yoáni 6:66

Kpanga á mbenɔ ndɔ, ka ɓagoigi nɛkɛ ɓásii ɓáǒjujia na ɗeketa á tamba kimoci na yɛ.

1 Ɓakɔlítɔ 2:14

Nkpa nde aseɓei tɔ ebigɔ nɛkɛ á kokpa, nnaɔtɔka n'aɓeeki nyɔngɔ nde atóki ka Měma á Mokonga. Nyɔngɔ ndɔ ande kobóbó ka yɛ. Nkpa ndɔ nnaɔtɔka n'aengekisi nyɔngɔ ndɔɔ. Nga, Měma á Mokonga tɔ unge aosópha aphe á tena á nyɔngɔ ánjá.

Ɓagalatía 5:11

Ɓaya, k'éme gǎkɛ, aoɓá n'ande ɗoni gea, nɛɔtɔmiaga kantíti á nyɔngɔ á ganja, ámbé ɓátómotambisagande ye goto ka nyɔngɔ éke? Atúoɓá n'a ɓó ámbé tɔ̌miaga á nyɔngɔ á kukuwa á Yéso ka moyangɔ, kátóɓɛku ye nyɔngɔ á kangea ɓakpa.

1 Pɛ́tɛɛ 2:8

Ɓáɗundu phɔtɔ ɔma nɛngbo gea: «Ɛtɛ ndɔ ande ɛtɛ á ɓɛtɛkisa. Ande ekǒngo á gusisa.» Ɓakpa ndɔ ɗáɓáɓɛtɛkani ka nyɔngɔ nde, ɗáɓáyé ɔ́ka á nyɔngɔ ndea Mokonga, na moangɔ ndɔ tɔ unge Mokonga ɗábisi ka phɔa ɓɔ.