Matáyɔ 11:5 - Ɔngana á Kɛ̌kɛ

⁵ Ɓakeíme-íme ɓáɔnaphi, ɓaɗɔti ɓátambi ánjá, ɓato á sǔ ɓáesokosei, ɓaɗakekanigi-kecue ɓáɔ́kaphi, ɓasí ɓájujúki ka kukuwa, ɓato á ɓuyɛnɛ ɓáɔ́ki Mbino-Ánjá.

Matáyɔ 11:5 Iomraidhean Croise

Matáyɔ 10:8

Óamisani ɓasambi, ójujúkisani ɓasí, ósokoseani ɓato á sǔ, óɓeagani ɓansombo. Ɓɔtɔi k'écici, gabani phɔtɔ k'écici.

Matáyɔ 11:4

Yéso áǒsikisia te: «Gǎni ɓóngoɗeɛ Yoáni nyɔngɔ nde ɓɔɔ́ki na nnde ɓɔɔni:

Matáyɔ 12:13

Mpɔ Yéso áongoɗea nkpa ndɔ gea: «Nanoa njaga akɔ!» Nkpa ndɔ áonanoa njaga akɛ, áoɓá ánjá ɓea njaga ímbɔ ɓaangbo.

Matáyɔ 21:14

Wandɔ, ɓakeíme-íme na ɓaɗɔti ɓáɔngɛndɛa Yéso suɓi éndu á Mokonga, áǒamisa.

Matáyɔ 5:3

«Maseye ka ɓundɔ ɓá na ɓuyɛnɛ á ka měma ka nyɔngɔ nde koɓoamɛ á na koba ande aɓɔ!

Matáyɔ 9:30

Mpɔ iso áǒkoɗokana. Yéso áɔ̌kɔkɔmɛa na nyɔngɔ gea: «Ɓókongoɗeɛ mɔnɔ nkpa.»

Málikɔ 7:37

Ɓakpa ɓáotangaaga phɛɛ. Ɓáogea te: «Aɔtɔtɔkisa kema bui ánjá phɛɛ. Ɓaɗakekanigi-kecue ɓá ye tɔ ɔɔ́kapha na ɓakauma ɓá ye tɔ ɔyɔnga.»

Málikɔ 9:25

Yéso áɔ̌ɓɔna usɛsɛ á ɓakpa n'aóyamea. Kaɓondɔ, áǒkea ɓansombo, áǒgea: «Ɓenu ɓansombo á ko kaúma na ɓunde á kanga ɔ́kapha nde ca! Nenósosi, júanani suɓi á miki ndee. Ɓókósikiɛmbɛ ye ka yɛ.»

Lóka 4:18

«Měma á Mɔkɔta amɔgɔni, amɔsɔmbu ka tɔ̌miaga á ɓato á ɓuyɛnɛ Mbino-Ánjá. Â phɔtɔ omoteka ka úbisa á ɓato á mekakɔ esa á juana aɓɔ na koɗa iso á ɓakeíme-íme, na phúia á ɓakusi ka kɔkɔɓɛ,

Yoáni 10:25

Yéso â gǎkɛ ǒsikisia: «Ne ye nongoɗi, ɓókóɓeekeɛ gǎkɛ. Ekuma nde nɛɔtɔtɔkisa k'ína á Abɛ, aunge amoɗigimisande.

Yoáni 10:38

Aoɓá na nɛtɔtɔkisi ndiu ekuma ndea Abɛ, nanga ɓókóomoɓeekea, cɔ, ɓeekeani ye phɔ́ ekuma nɛmɔ. Úbani na ɓɔ́ɔ́kɛ gea, ne suɓi á Abɛ na Abɛ a suɓi ani.»

Yoáni 2:23

Cɔ, ka matú ndɔ ɓî Yéso ɗátú na Yɛusalɛ́ma ka jaí á Pasáka, ɓakpa ɓásii ɓáomɓeekea, ka nyɔngɔ á ɔna á ketangaɔ nde ɗáɔtɔtɔkisa.

Yoáni 3:2

Cɔ, yɛ áombikia Yéso kǐpha áongoɗea: «Ngoisigi, ɓeoúba gea, Mokonga aámbé ɗáoteki k'aphe á goisaga asu ka nyɔngɔ nde, nkpa nnaɔtɔka n'atɔtɔkisi ketangaɔ ɓíndɔ ɔɔtɔtɔkisa, kaɓɛ Mokonga na nna kimoci na yɛ.»

Yoáni 5:36

Nyɔngɔ nɛmɔ nde ɓáɗigimisi a gǎkɛ ángbó phɛɛ kɔnyɛ́nya nnde á Yoáni-Mɓatisi. Ekuma nde Abɛ Mokonga amopi ka tɔtɔkisa í, ekuma ndɔ tɔ unge aomoɗigimisa gea, yɛ aámbé amoteki.

Yoáni 9:7

Aongea: «Cɔ, gǎ, ósokosɛ iso akɔ ka ntogɔ á Silɔámu.» (Kantíti á ina ndɔ Silɔámu, ande «Mmbé ɓánteki.») Keíme-íme áoga osokosa iso akɛ ka ntogɔ ndɔ, â ye tɔ oja n'aɔnapha.

Ekuma á ɓateki 2:22

Cɔ, Ɓaisilaɛ́li ɓaya, ɔ́kani phɔ́ nyɔngɔ nde: Yéso ɓa Najalɛ́ti, ande nkpa nde Mokonga ɗánsɔmbu ka úbisa anu base gea, ana ɓukpɛkpɛ á tɔtɔkisa á ketangaɔ ɗanga-ɗanga na mphangiɔ sɔsɔɓɛ anu ɓíndɔ ɓooúba sasanu.

Yakɔ́ɓɔ 2:5

Cɔ, ɓadani ékondi, ɔ́kani phɔ́! Nna phɔ́ Mokonga aámbé ɗáɛsɔmbu ɓaúki á ka mokonda gea, ɓáɓɛ ɓatɔi suɓi á ɓeekea na ɓátɔɛ phɔtɔ koɓoamɛ nde ɗáɛɓɔku ɓunde ɓánkondi?