Matáyɔ 11:21 - Ɔngana á Kɛ̌kɛ

²¹ «Ngomi ka ɓato á ka Koajíni! Ngomi ka ɓato á ka Bɛtɛsaída! Nga, ɗátúoɓá ketangaɔ ndɔ ɗágeani mɔtɛ-anu, ɗátú ogeana ka Tílɔ na Sidɔ́na, ámbé ɓakpa á ka nji ndɔ ɗáɓáɔ́li ngɔ́mbɛ á kekusa na bisa á ebǔ ka mɔ̌ aɓɔ ka phangia base gea ɓákěti tambea aɓɔ ájeɗe.

Matáyɔ 11:21 Iomraidhean Croise

Matáyɔ 11:22

Ka nyɔngɔ índɔ unge nenóngoɗi gea, esa á tena á nyɔngɔ, nyɔngɔ nɛnu aɓande akpɛ kɔnyɛ́nya nnde á Tílɔ na Sidɔ́na.»

Matáyɔ 15:21

Yéso áotóka wa, áoga ka ntanga-nji á Tílɔ na Sidɔ́na.

Matáyɔ 18:7

Ngomi ee! Ka ɓato á ka mokonda, ka nyɔngɔ á ephiphi ɗanga-ɗanga nde aǒgusa ka ɓojeɗe. Ephiphi ájeɗe káukɛku kiɗiana, a ndiu ngomi ka nkpa nde aɔmɓɛtɛkisa na dakɛ.

Matáyɔ 26:24

Muna-Nkpa akuande ɓíndɔ ɓáɗundu suɓi á Ɓuku á Mokonga ka phɔakɛ. Ande gǎkɛ ngomi phɛɛ ka mmbé antɔngi Muna-Nkpa! Atú ye phɔ́ oɓá ánjá ka nkpa ndɔ, ámbé ɗákáɓɔkɔtɛani.»

Málikɔ 3:8

Yɛusalɛ́ma, phaeka á ntanga-nji á Idumɛ́a, ntanga-nji á kubi á iɓo Yɔɔdáni na ɓunde á ka mpɛphɛ á ntanga-nji á Tílɔ n'índe á ka Sidɔ́na. Ɓɔbu ɓáombikia Yéso nga, ɗáɓáɔ́ki ekuma bui nde ɗátúogea.

Málikɔ 6:45

Kɛ̌kɛndɔ tɔ, Yéso áǒsosea ɓagoigi nɛkɛ ɓákambeɛ ka koko, ɓágɛ mosá. Ɓájabɛ na Bɛtɛsaída. Yɛ, áojiga mbusa ka ɔkɔana na ɓakpa.

Málikɔ 7:24

Yéso, atóki ye na Galiláya, áoga ka phaeka á ntanga-nji á Tílɔ. Akiɗi ye, áongia suɓi éndu. Ɗákákondi ɓakpa ɓáúbɛ nndɔ. Nanga a ɓó, nyɔngɔ á kiɗia akɛ áoúbikana.

Málikɔ 7:31

Mbusa á wa, Yéso áotóka ka phaeka ntanga-nji á Tílɔ, áɔnyɛ́nya ka Sidɔ́na, na ka Ntanga-nji nkama, ka gǎ jua n'etǔ Galiláya.

Málikɔ 8:22

Yéso na ɓagoigi nɛkɛ ɓáoga na Bɛtɛsaída. Kó, ɓáombikia Yéso na keíme-íme moci, ɓáonɗengemisaga gea te, ándungɛ ka yɛ.

Lóka 4:26

Nna na ka ɓɔ nde Mokonga ɗánteki Elía mɔtɛ-akɛ, â tɔ onteka mɔtɛ á nke á kekusa ɓa ka Jaɛpáta, nji á Sidɔ́na.

Lóka 6:17

Cɔ, Yéso áodida na ɓɔ, áomamaga ka ntánda. Wa, ɓagoigi ɗáɓádondani ɓásii. Usɛsɛ ángbó á ɓakpa na ɓátóki na Yɛusalɛ́ma na nji nɛngbo ndea Yudɛ́a, ɗáɓátú phɔtɔ wa, kimoci na ɓato á ka ntanga-nji á ka Tílɔ na Sidɔ́na.

Lóka 9:10

Ka ja aɓɔ, ɓateki ɓáɔntɔmiaga Yéso kema bui nde ɗáɓági. Mpɔ Yéso áɔ̌bɛɗa, áoga na ɓɔ sasaɓɔ bǎ á ntanga-nji nde ɓáɔphana Bɛtɛsaída.

Yoáni 1:44

Cɔ, Philípɔ ɗátú gǎkɛ nto á ka Bɛtɛsaída, ntanga-nji ndea Pɛ́tɛɛ na Andeé.

Yoáni 12:21

Ɓɔ, ɓáɔnsɛkɛɗɛa Philípɔ, nto á Bɛtɛsaída á ka Galiláya. Ɓáongea: «Mɔkɔta, ɓekondi ɓɛ́mɔnɛ Yéso.»

Ekuma á ɓateki 12:20

Yɛ Ɛlɔ́dɛ ɗáɛ̌ɓɛi phɛɛ ɓato á ka Tílɔ na Sidɔ́na. Kaɓondɔ, ɓɔbu ɓáoɓeekeana kimoci bika mosá akɛ. Ɓâ phɔ́ oga mosá-mosá mɔtɛ á Balástɔ, mɔkɔta á ɓakpa ndea moamɛ Ɛlɔ́dɛ, ɓáɔɔ́kana na yɛ. Mpɔ, ɓáɔmɛma ɓujɛjɛ mosá á Ɛlɔ́dɛ. Ɗáɓági ɓó ka nyɔngɔ nde, eea nɛɓɔ ɗáotóka ka nji ndea moamɛ ndɔɔ.

Ekuma á ɓateki 27:3

Mama í, ɓéojua ka Sidɔ́na. Wa, Yulíɔ áongea Pɔ́lɔ ánjá. Áonsosea gea, ágɛ ɛ́sɔnɛ ɓadakɛ, ka gea ɓámophɛ kema nde ana siki í.

Yúda 1:11

Ngomi aɓɔ ka nyɔngɔ nde ɓáɓi aphe ndea Kaína! Ɗáɓábɛɗanigi ájeɗe ekuma á imɔna ɓea Ɓaláma. Ɗáɓákɔndɔkani ka nyɔngɔ nde ɗáɓáyomboki ɓea nkpa nde ɓáɔmɔphana Kɔ́la.

Mphaniɔ 11:3

Nětekande ɓaɗigimisi nɛmɔ ɓaɓɛ na ɓáɔ́li ngɔ́mbɛ á kekusa. Ɓáɔtɔande nyɔngɔ á Mokonga ka ɓ'esa ɛlɛphu moci mia iɓɛ na nkama ngianjaga (1.260).»

Mphaniɔ 6:12

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ngianjaga (6), ɓaningina akpɛ phɛɛ áoɓá, maní áoinda ɓea bɔngɔ á kekusa, songe áotaneaga ɓea magia.