Matáyɔ 11:12 - Ɔngana á Kɛ̌kɛ

¹² Kpanga ka matú ndɔ Yoáni-Mɓatisi ɗáphɛi na ka kɛ̌kɛnde, ɓakpa ɓáoyombokisa koɓoamɛ ndea na koba, na ɓato á ɓukpɛkpɛ ɓáunge ɓáokaɓa suganea í.

Matáyɔ 11:12 Iomraidhean Croise

Matáyɔ 11:11

Nenóngoɗi ɗoni gea, nna na nkpa nde aɓɔkɔtɛani ka mokonda nde n'aangbóngbó phɛɛ kɔnyɛ́nya Yoáni-Mɓatisi. Nkpa nde a gǎkɛ abɔbɔa phɛɛ ka koɓoamɛ ndea na koba, aámbé aangbóngbó kɔnyɛ́nya yɛ.

Matáyɔ 11:13

Ɓaɔtu-nyɔngɔ ndea Mokonga ɓɔbu, n'ɛɔphi ndea Mósa, ɓátɔ̌migi tɔ nyɔngɔ á koɓoamɛ ka gǎ jua ka matú ndea Yoáni.

Matáyɔ 3:15

Yéso áonsikisia te: «Ɓeekea phɔ́ tɔtɔkisa nndɔ kɛ̌kɛnde nga, akeni ɓégeɛ ɓó, ka tɔtɔkisa á kema nde Mokonga akondi. Mpɔ, Yoáni áoɓeekea ɓatisa akɛ.»

Lóka 13:24

«Geani ɓukpɛkpɛ anu ka ngia ka kǐo áɔkɔtɔkana. Nga, nenóngoɗi gea, ɓakpa ɓásii ɓákáɓande ngia kau, ɓákátɔkɛku.

Lóka 16:16

Matú ɛ́ɔphi ndea Mósa na ɓuku á ɓaɔtu-nyɔngɔ ndea Mokonga ɗáge osungiaga ka saga ndea Yoáni-Mɓatisi. Kpangea esa ndɔ unge Mbino-Ánjá á koɓoamɛ ndea Mokonga aúbikani, mpɔ nkpa buakɛ a tɔ ǒkukumisa ka gea ángiɛ kau.

Yoáni 5:4

nga, Malaéka ndea Mɔkɔta ɗáodida ka mbenɔ moci ka ntogɔ ndɔ, áoémisaga iɓo. Nsambi nde ɗáodida k'ama mosá-mosá suɓi á iɓo nde aoémanaga, ɗáoama ka kukuwa nɛkɛ, nanga áɓá kukuwa sina.]

Yoáni 6:27

Ɓɔ́kɔbɛɗanɛgɛmbɛ ka nyɔngɔ á eea nde aoújukana, áɓɛ ndiu ka nyɔngɔ á eea nde aoendisa mɛyɔ. Eea ndɔ, eme Muna-Nkpa, aámbé nenóphande nga, Abɛ Mokonga amopi kɔkɔta í.»

Ɓaphilípi 2:12

Cɔ, ɓadani ékondi, ɗɔ́ɓɔɔmɔ́ka na ne ka ɔlɔ anu. Kɛ̌kɛnde, atókeni ɓótútuisɛ gea ɓó ka ɓ'esa ndee nanga ɓî ne ɗanga na ɓenu. Bɛɗanagani ka nyɔngɔ á ɓoamia nenu na ɓánga na kɔɓɔɓɔkɔ.