Matáyɔ 11:11 - Ɔngana á Kɛ̌kɛ

¹¹ Nenóngoɗi ɗoni gea, nna na nkpa nde aɓɔkɔtɛani ka mokonda nde n'aangbóngbó phɛɛ kɔnyɛ́nya Yoáni-Mɓatisi. Nkpa nde a gǎkɛ abɔbɔa phɛɛ ka koɓoamɛ ndea na koba, aámbé aangbóngbó kɔnyɛ́nya yɛ.

Matáyɔ 11:11 Iomraidhean Croise

Matáyɔ 11:10

Nga, Yoáni aámbé ɓáɗundu nyɔngɔ akɛ suɓi á Ɓuku á Mokonga gea: ‹Nenteki ntɔmigi-mbinɔ nɛmɔ mosá akɔ, aɓɔngisiagande aphe mosá akɔ.›

Matáyɔ 11:12

Kpanga ka matú ndɔ Yoáni-Mɓatisi ɗáphɛi na ka kɛ̌kɛnde, ɓakpa ɓáoyombokisa koɓoamɛ ndea na koba, na ɓato á ɓukpɛkpɛ ɓáunge ɓáokaɓa suganea í.

Matáyɔ 3:1

Ka matú ndɔ, Yoáni-Mɓatisi ɗáju ka nkanda ndea Yudɛ́a áɔphɛa ɓe:

Matáyɔ 3:11

Eme, neonóɓatisa ka iɓo ka phangia base gea, ɓosagi ɓojeɗe nɛnu. Mmbé a gǎkɛ obika mbusa ani, anoɓatisande na Měma á kanga ɓojeɗe na nsa. Yɛ, amɔnyɛ́nyi ka ɓoombia, kékeni na phúia ɓiato nɛkɛ.

Matáyɔ 5:19

Cɔ, nkpa nde aotingiaga ka ɓaniki ɛ́ɔphi nde, na phɛá á ɓadakɛ gea ɓágeɛ phɔtɔ ɓó, aɓande miki á nkpa ka koɓoamɛ ndea Mokonga. Nkpa nde a gǎkɛ oamba ú, na phɛá ɓadakɛ gea ɓágeɛ phɔtɔ ɓó, aɓande mokongo á nkpa ka koɓoamɛ á na koba.

Lóka 1:15

Nga, aɓande nto á ɓoombia k'íso á Mɔkɔta. Kánoɛeka tanda divai na etéte á makana bui. Atúmande na Měma á kanga ɓojeɗe n'a phɔ́tɔ suɓi á sɔphɔ á amakɛ.

Lóka 7:28

Nenógie, nkpa káɓɔkɔtɛanimbɛ mɔnɔ n'ana ɓoombia kɔnyɛ́nya Yoáni. Cɔ, mmbé a gǎkɛ miki ábɔbɔa ka koɓoamɛ ndea Mokonga aámbé anyɛ́nyi yɛ.

Lóka 9:48

Aǒgea te: «Nkpa nde ansesi miki nde k'ína ani, amosesi phɔtɔ. Nkpa nde amosesi, ansesi phɔtɔ mmbé amoteki. Nga, nkpa nde aǒdidisa sɔsɔɓɛ anu aámbé ande mɔkɔta.»

Yoáni 1:15

Yoáni ɗáɗigimisi nyɔngɔ nɛkɛ, áoaba n'ɛsɔ akpɛ gea: «Yɛ aámbé ɗɛ́yɔngi nyɔngɔ nɛkɛ gea: ‹Mmbé aobika mbusa ani, amɔnyɛ́nyi nga, ɗáendi mosá á ɓɔkɔtɛana ani.›»

Yoáni 1:27

Aobika mbusa ani, kékeni tanda koɗa á ngoi á ɓiato nɛkɛ.»

Yoáni 10:41

Ɓakpa ɓásii ɓáombikia, ɓáɔn'yɔngɛa: «Yoáni ɗákátɔtɔkisi tanda ketangaɔ moci. Kema bui nde ɗáyɔngi gǎkɛ ka phɔa á Yéso, ɗátú tɔ ɗoni.»

Yoáni 3:30

Cɔ, akeni ɓoombia nɛkɛ átáiɛ, nɛmɔ ádidɛ.»

Yoáni 5:35

Cɔ, Yoáni-Mɓatisi ɗátú ɓea ɔbɛa nde aoola na bɛnya. Ɓô ndiu oɓeekea ika na maseye ka mbenɔ ábɔa ka owanga ndɔ.

Yoáni 7:39

Yéso ɗáɔyɔnga ka phɔa á Měma á Mokonga, nnde ɓunde ɓámɓeekeande ɓátɔande. Mbenɔ ndɔ, Měma á Mokonga ɗákájumbɛ ka nyɔngɔ nde, Mokonga ɗákánɗokomisimbɛ Yéso ka ɓoombia.

1 Ɓakɔlítɔ 15:9

nga, nende miki sɔsɔɓɛ á ɓateki ɓɔbu. Kékeni tanda, ɓámɔɔphanɛ nteki ka nyɔngɔ nde ɗétambisigi kanisa ndea Mokonga.

1 Ɓakɔlítɔ 6:4

Cɔ, mbenɔ nde ɓooɓá na nyɔngɔ á tena í ɓínde, eke nde ɓooga na nyɔngɔ ndɔ mosá á ɓateni-nyɔngɔ, ɓunde ɓáná na kɔkɔta suɓi á kanisa?

Ɓaɛphɛ́sɔ 2:3

Ɓesu ɓɔbu, ɗéɓetú phɔtɔ ɓea ɓɔ, ɓéotambea ɓíndɔ nyama asu ɗátú osóɓotea, ɗéɓéɔtɔtɔkisa mɔphɛ á ka nyama asu na nnde á ka měma asu. Ka nyɔngɔ á tambea asu ájeɗe aunge, ɓékéólokɛku k'esúia ndea Mokonga ɓea ɓakpa ɓunɛngbo.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

2 Timɔtɛ́ɔ 1:10

Kɛ̌kɛnde, ɓonjánja-ékondi ndɔ aúbikani base ka kiɗia á Namisi nɛsu Kiísito Yéso. Yɛ aámbé agɔɓi ɓukpɛkpɛ á kukuwa, áosóphangia base enda á mɛyɔ ka Mbino-Ánjá nɛkɛ.

Ɓaɛbulanía 11:40

Cɔ, Mokonga ɗáangi ka phɔasu kema ánjá phɛɛ, ɗákákóndi gea ɓátɔɛ ú kángá á ɓesu.

1 Pɛ́tɛɛ 1:10

Ɓaɔtu-nyɔngɔ ndea Mokonga ɗáɓákaɓi bîbíbí na ianaga ka nyɔngɔ á ɓoamia ndɔ, ɓáɔɔtɔa nyɔngɔ ka phɔa egabɔ nde ɗóɓotú ɓato á tɔá í.