Matáyɔ 11:1 - Ɔngana á Kɛ̌kɛ

¹ Ɓî Yéso ɗágɔɓi phɛá á ɓagoigi nɛkɛ nkama na ɓaɓɛ (12), áɔmɛɛa wa, áoga ɔphɛa na goisaga á ɓakpa ka ntanga-nji ɗanga-ɗanga á kekanga ndɔɔ.

Matáyɔ 11:1 Iomraidhean Croise

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Matáyɔ 4:23

Yéso ɗátɔmbigi nji bui á ka Galiláya, n'aogoisaga suɓi éndu nɛɓɔ á madondanɔ ndea Ɓayúda ka nyɔngɔ á Mokonga na phɛá Mbino-Ánjá á koɓoamɛ. Kó, ɗáoamisa esambɔ ɗanga-ɗanga na kiɗɔti ka ɔlɔ á ɓakpa.

Matáyɔ 7:28

Mbusa á Yéso gɔɓa á yɔnga nyɔngɔ ndɔ, usɛsɛ á ɓakpa ɓáotangaaga phɛɛ ka nkókó á ɓɔphɛi nɛkɛ.

Matáyɔ 9:35

Yéso ɗáɔtɔmba nji na ntanga-nji bui n'aǒgoisaga ɓakpa suɓi éndu á madondanɔ ndea Ɓayúda ka nyɔngɔ á Mokonga, n'aɔphɛa Mbino-Ánjá á koɓoamɛ, n'aoamisa etéte á ngobo na kiɗɔti bui.

Málikɔ 6:12

Mbusa í, ɓateki ɓáoga, ɓáɔ̌tɔmia ɓakpa te: «Kětiani tambea anu ájeɗe.»

Lóka 23:5

Ɓâ ndiu osoea na yɔnga te: «Yɛ aeyombokisi ɓakpa na goisaga nɛkɛ. Atókpangi na Galiláya, áɔtɔmba Yudɛ́a bui na ka ɓî abiki ojúa wani.»

Lóka 8:1

Mbusa á wa, Yéso áoga ka ntanga-nji na ka nji nɛngbo abɔbɔa. Kó, áɔ̌tɔmiaga ɓakpa na phɛá aɓɔ, Mbino-Ánjá á koɓoamɛ ndea Mokonga. Ɓagoigi nkama na ɓaɓɛ (12) ɓáotamba kimoci na yɛ.

Yoáni 15:10

Aoɓá na ɓoambi ɛɔphi nɛmɔ, ɓoikande k'ékondi nɛmɔ, ɓíndɔ ɗéambi ɛɔphi ndea Abɛ na ika k'ékondi nɛkɛ.

Yoáni 15:14

Ɓenu, ɓonde ɓadani, aoɓá na ɓogi nnde nenósosi.

Ekuma á ɓateki 1:2

na ka ɓî age osungiaga k'ésa ndɔ Mokonga ɗantáisi na koba. Mosá á táia akɛ, ɗáɛsɔmbu ɓateki nɛkɛ, áɔ̌ɔkusaga ka ɓukpɛkpɛ á Měma á kanga ɓojeɗe.

Ekuma á ɓateki 10:38

Ɓo phɔtɔ oúba ɓî Mokonga ɗátúmisi ɓukpɛkpɛ á Měma akɛ ka Yéso ɓa Najalɛ́ti. Ɓo phɔtɔ oúba ɓî Yéso ɗátambi ásii ka nji bui n'aogea ánjá, na aǒamisa ɓakpa ka měma, ɓunde ɗáɓátú ka kɔkɔɓɛ á Nketi. Nga, Mokonga ɗátú kimoci na yɛ.

Ekuma á ɓateki 10:42

Ɗásososi tɔ̌mia á Mbino-Ánjá ka ɓakpa na engekisa gea, ande mmbɔ aámbé Mokonga amamisi ka tena á nyɔngɔ ndea ɓakpa nde ɓaoenda na ɓunde ɓasí.

1 Ɓatɛsalɔníka 4:2

Cɔ, ɓoúbi ye ɓɔphɛi nde ɗéɓenóngoɗi k'ína á Mɔkɔta Yéso.

2 Ɓatɛsalɔníka 3:10

Eya, ɓî ɗéɓetú mɔtɛ-anu, ɗéɓenóngoɗi nyɔngɔ ndee: «Mmbé ayé bɛɗanaga, káɛgɛ mɔnɔ.»

2 Ɓatɛsalɔníka 3:6

Cɔ, ɓaya, ɓenósósi k'ína á Mɔkɔta nɛsu Yéso Kiísito gea, katanani na ɓana-amanu ɓɔbu íɓundɔ ɓakusi na ɓundɔ ɓáyé ɓɔphɛi nde ɗɛ́ɓɛ̌phɛí.

1 Timɔtɛ́ɔ 6:14

amba ɛɔphi nde ɗɔ́ɔ́ki, ɓá nto á koɗoni, kángá kisɛki na ka ɓî Mɔkɔta nɛsu Yéso Kiísito asɛnɛkaeka.