Matáyɔ 10:7 - Ɔngana á Kɛ̌kɛ

⁷ Ɔ́tɔ̌miagani ɓakpa k'aphe gea: ‹Koɓoamɛ á na koba a ye tɔ bíbí.›

Matáyɔ 10:7 Iomraidhean Croise

Matáyɔ 10:8

Óamisani ɓasambi, ójujúkisani ɓasí, ósokoseani ɓato á sǔ, óɓeagani ɓansombo. Ɓɔtɔi k'écici, gabani phɔtɔ k'écici.

Matáyɔ 11:1

Ɓî Yéso ɗágɔɓi phɛá á ɓagoigi nɛkɛ nkama na ɓaɓɛ (12), áɔmɛɛa wa, áoga ɔphɛa na goisaga á ɓakpa ka ntanga-nji ɗanga-ɗanga á kekanga ndɔɔ.

Matáyɔ 21:31

Cɔ, sɔsɔɓɛ á ɓaniki ndɔ ɓaɓɛ, ani mmbé ɗátɔtɔkisi mɔphɛ á abakɛ?» Ɓáonsikisia te: «Mmbɔ ɓa mosá.» Mpɔ Yéso áǒsikisia te: «Nenóngoɗi ɗoni gea, ɓaphendisigi-manjanja na ɓake á mambɔ, ɓángiande ka koɓoamɛ ndea Mokonga mosá anu.

Matáyɔ 21:43

Kaɓondɔ unge nenógie: Ɓánoútande koɓoamɛ ndea Mokonga na opha á ɓunde ɓágɔmbisande mbuka nde akenani. [

Matáyɔ 23:13

Ngomi anu ɓaɗundu-ɛɔphi na Ɓaphaisáyɔ. Ɓona maibe! Ɓǒɗakea ɓakpa aphe á ngia ka koɓoamɛ ndea na koba na ɓenu ɓókóongia sasanu kau. Ɓókóokonda gea ɓunde ɓána mɔphɛ á ngia ɓángiɛ. [

Matáyɔ 3:2

«Kětiani tambea anu ájeɗe, ka nyɔngɔ nde koɓoamɛ ndea Mokonga a bíbí!»

Matáyɔ 4:17

Ka mbenɔ ndɔ tɔ, Yéso áokpanga phɛá ɓe: «Kětiani tambea anu ájeɗe nga, koɓoamɛ ndea na koba a bíbí!»

Málikɔ 6:12

Mbusa í, ɓateki ɓáoga, ɓáɔ̌tɔmia ɓakpa te: «Kětiani tambea anu ájeɗe.»

Lóka 16:16

Matú ɛ́ɔphi ndea Mósa na ɓuku á ɓaɔtu-nyɔngɔ ndea Mokonga ɗáge osungiaga ka saga ndea Yoáni-Mɓatisi. Kpangea esa ndɔ unge Mbino-Ánjá á koɓoamɛ ndea Mokonga aúbikani, mpɔ nkpa buakɛ a tɔ ǒkukumisa ka gea ángiɛ kau.

Lóka 9:2

Mpɔ áǒteka ka tɔ̌miaga á nyɔngɔ á koɓoamɛ ndea Mokonga na amisa á ɓasambi.

Lóka 9:6

Mpɔ, ɓateki ɓáoga na ɓáɔtɔmiaga Mbino-Ánjá ndea Mokonga nji ka nji, ɓâ phɔtɔ ǒamisa ɓato á esambɔ k'ɔ́ma bui.

Lóka 9:60

Yéso áongoɗea: «Óɗeketa ɓakpa nde ɓáku ɓéúmbɛ ɓakpa nɛɓɔ íɓundɔ ɓáku. Oɓɛ gǎkɛ, gǎ ɔ́tɔ̌miɛgɛ nyɔngɔ á koɓoamɛ ndea Mokonga.»

Yoáni 3:2

Cɔ, yɛ áombikia Yéso kǐpha áongoɗea: «Ngoisigi, ɓeoúba gea, Mokonga aámbé ɗáoteki k'aphe á goisaga asu ka nyɔngɔ nde, nkpa nnaɔtɔka n'atɔtɔkisi ketangaɔ ɓíndɔ ɔɔtɔtɔkisa, kaɓɛ Mokonga na nna kimoci na yɛ.»

Ekuma á ɓateki 10:25

Ɓî Kɔɔnɛlíɔ ɗámɔni Pɛ́tɛɛ na ɓáobika mosá éndu, áojuana k'aphe á sesea akɛ. Áogbúka muanku, éndóndó akɛ áogbondoa oɗo mosá á Pɛ́tɛɛ ka nyɔngɔ á ɗokomisa akɛ.

Ekuma á ɓateki 28:31

n'aɔ́phɛa nyɔngɔ á koɓoamɛ ndea Mokonga, na goisaga á nyɔngɔ ndea Mɔkɔta Yéso Kiísito. Â phɔtɔ ɔɔ̌phɛa kángá kɔɓɔɓɔkɔ na kángá á kema nde áonimisia.

Ekuma á ɓateki 4:2

Ɓáɔɓɛa phɛɛ nga, Pɛ́tɛɛ na Yoáni ɗáɓáǒgoisaga ɓakpa nyɔngɔ á jujúka á Yéso ka kukuwa. Nga, jujúka akɛ ka kukuwa, aunge aengekisi gea ɓasí ɓájujukande ka kukuwa.