Matáyɔ 10:6 - Ɔngana á Kɛ̌kɛ

⁶ Gǎni ndiu ka Ɓaisilaɛ́li ɓunde ɓá ɓea ɓamɔgɔgɔ na ɓáɓungigi.

Matáyɔ 10:6 Iomraidhean Croise

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

Matáyɔ 18:11

Ka nyɔngɔ nde Muna-Nkpa ɗábiki kǒamisa ka měma ɓunde ɗáɓáɓúngigi.]

Lóka 24:47

Goto ka ina akɛ unge ɓɛ̌phɛande ɓato á ka ekuna bui, kpanga ka Yɛusalɛ́ma gea te, ɓákětiɛ tambea aɓɔ, mpɔ Mokonga áímɛ ɓojeɗe nɛɓɔ.

Ekuma á ɓateki 13:46

Pɔ́lɔ na Baanába, ɓâ gǎkɛ ǒsikisia nyɔngɔ na nténdé ɓe: «Ɓenu ɓáunge ɓátókeni phɔ́ ɓánɔphɛɛ Nyɔngɔ á Mokonga mosá! Cɔ, ɓî ɓoyé, na ɔna gea te, ɓókókeni ɓá na enda á mɛyɔ, ɓegande k'ékuna nɛngbo.

Ekuma á ɓateki 18:6

Ɓayúda ɓâ ndiu oya nyɔngɔ ndea Pɔ́lɔ na bóma akɛ. Kaɓondɔ, Pɔ́lɔ áǒciciia bɔngɔ nɛkɛ, áǒngoɗea te: «Magia anu, áɓɛ ye tɔ ka mɔ̌ anu sasanu. Nna yé nyɔngɔ nɛmɔ. Kɛ̌kɛnde negande k'ékuna nɛngbo.»

Ekuma á ɓateki 26:20

Cɔ, ɗɛ́phɛí phɔ́ gǎkɛ ɓato á ka Damasíki, mpɔ ɓato á ka Yɛusalɛ́ma, na ɓato á ka nji á Yudɛ́a ɓɔbu, na ɓakpa nde ɓáná Ɓayúda. Ɓɔphɛi ndɔ ɗátú ka gea, ɓákětiɛ tambea aɓɔ ájeɗe, ɓéphaiɛ ka Mokonga, mpɔ ɓáúbisɛ gea, ɓá ye ěkěti.

Ekuma á ɓateki 3:26

Kaɓondɔ, Mokonga ammesi phɔ́ mbɛɗanigi nɛkɛ Yéso ka phɔanu mosá á ɓato á ekuna nɛngbo, ka nyɔngɔ á bisia anu njaga, gea te, ɓóɓɛ na ngɔwa ka kětia á tambea anu, nkpa moci-moci, ka ɓojeɗe nɛnu.»

1 Pɛ́tɛɛ 2:25

Cɔ, ɗóɓotú ɓea ɓamɔgɔgɔ na ɓáɓúngigi, kɛ̌kɛnde gǎkɛ, ɓosikianigi ka mɓondigi nɛnu, n'ande nambi á měma anu.