Matáyɔ 10:5 - Ɔngana á Kɛ̌kɛ

⁵ Yéso áǒteka ɓateki ndɔ nkama na ɓaɓɛ (12). Âkɔ̌ɔkusaga ɓe: «Ɓókóngiɛ mɔnɔ ka nji á ɓato á ɓojeɗe. Goto ɓókongiɛ mɔnɔ ka ntanga-nji moci ndea Ɓasamalía.

Matáyɔ 10:5 Iomraidhean Croise

Matáyɔ 22:3

Áǒteka ɓabɛɗanigi nɛkɛ k'aphe á ɔphana á ɓakpa ɓunde ɗáɓáeɓɔphani ka jaí ndɔ. Ɓakpa ndɔ ɓákakondɛ gǎkɛ bika.

Matáyɔ 4:15

«Nji á Jabulúni na Naphutáli, k'aphe nde age n'oɓenge, kubi á Yɔɔdáni. Nji á Galiláya ɔma nde ɓakpa nde ɓáná Ɓayúda ɓáiki ɓei!

Málikɔ 6:7

Áɔ̌ɓɔphana ɓateki nɛkɛ nkama na ɓaɓɛ (12), áǒteka ɓaɓɛ-ɓaɓɛ, áǒɓopha kɔkɔta gǔ á ɓansombo.

Lóka 10:1

Mbusa índɔ, Mɔkɔta áɔ̌sɔmbɔa ɓakpa ɓunɛngbo nkama ngianjaga iɓɛ na ɓaɓɛ (72), áǒteka ɓaɓɛ-ɓaɓɛ mosá akɛ ka nji na ka ntanga-nji bui nde yɛ sasakɛ ɗáogea ágɛ kau.

Lóka 10:33

Ɓî Mosamalía ɗátú ɔnyɛ́nya k'aphe ndɔ, áojua bíbí akɛ. Áɔmɔna, â gǎkɛ onkuia ngomi phɛɛ.

Lóka 17:16

Áobika, áokpúngbumana k'écinji á Yéso, endóndó akɛ áogbondoa oɗo, áonsega. Nkpa ndɔ, ɗátú gǎkɛ Mosamalía.

Lóka 9:1

Mbusa, Yéso áǒdondanisa ɓateki nkama na ɓaɓɛ (12), áǒɓopha kɔkɔta na ɓukpɛkpɛ á ɓeaga á ɓansombo ɓɔbu na amisa á ɓasambi.

Lóka 9:2

Mpɔ áǒteka ka tɔ̌miaga á nyɔngɔ á koɓoamɛ ndea Mokonga na amisa á ɓasambi.

Yoáni 17:18

Ɓíndɔ ɗómoteki ka mokonda, eme ɗěteki phɔtɔ ka mokonda.

Yoáni 20:21

Yéso â goto ǒngoɗea: «Ɓáni na ɓujɛjɛ! Eme nenoteki phɔtɔ ɓíndɔ Abɛ ɗámoteki.»

Yoáni 4:20

Negie, ɓatatasu Ɓasamalía ɗáɓáonɗokomisa Mokonga ka mamba ndee. Cɔ, ɓenu Ɓayúda, ɓogi gea, oma nde akeni ka ɗokomisa á Mokonga ande Yɛusalɛ́ma.»

Yoáni 4:5

Kaɓondɔ unge, Yéso áojúa ka nji á ka Samalía moci nnde ɓáɔɔphana Sikái. Sikái ɗátú bíbí á oɗo nde Yakɔ́ɓɔ ɗámophi anakɛ Yosɛ́phu.

Yoáni 4:9

Nke Mosamalía ndɔ, áongoɗea Yéso: «Ama ɓo? Oɓɛ Moyúda, ɔmɔmɛmi eme nke Mosamalía iɓo á onoa?» (Nga, Ɓayúda, na Ɓasamalía, ɗáɓákáɔɔ́kana.)

Yoáni 7:35

Ɓayúda ɓâ gǎkɛ ɔyɔngaga sɔsɔɓɛ aɓɔ te: «Nkpa nde agande ɔma sina, ka gea ɓɛ́kɛmɔnɛ? Aoga mɔtɛ á ɓadasu íɓunde ɓáphanjekani ka nji á Ɓagiíki gea, áégoisɛgɛ Ɓagiíki?

Yoáni 8:48

Ɓayúda ɓáonsikisia Yéso gea: «Nna phɔ́tɔ ɗoni unge ɓeogea, onde Mosamalía n'ona ɓansombo?»

Ekuma á ɓateki 1:8

Ɓoɓande ndiu na ɓukpɛkpɛ mbenɔ nde Měma á kanga ɓojeɗe adidande gǔ anu. Ɓoɓande phɔtɔ ɓaɗigimisi á nyɔngɔ nɛmɔ ka Yɛusalɛ́ma, Yudɛ́a bui, Samalía na ka sungiaga á mokonda.»

Ekuma á ɓateki 10:45

Ɓaɓêki ɓunde ɓánde Ɓayúda ɓundɔ ɗáɓábiki na Pɛ́tɛɛ, ɓáotangaaga ka ɓî Měma á kanga ɓojeɗe nnde Mokonga ɗátekisi, ɗáɛmbi phɔtɔ ka ɓakpa nde ɓáná Ɓayúda.

Ekuma á ɓateki 8:1

Cɔ, Saúlɔ ɗáɓeeki mowa á Sɛtɛphánɔ. Esa ndɔ tɔ, Ɓayúda ɓáokpanga sona á kanisa á ka Yɛusalɛ́ma akpɛ. Kaɓondɔ, ɓaɓêki ɓɔbu ɓáophanjekana ka nji á Yudɛ́a na Samalía. Ɓateki ɓáunge ɓâ tɔ ojiga ka Yɛusalɛ́ma.

1 Ɓatɛsalɔníka 2:16

Ɓáokáɓa imisia asu geae, ɓékětɔ̌miɛgɛ mɔnɔ ɓakpa nde ɓáná Ɓayúda nyɔngɔ á ɓoamia á ka měma. Ande gea te, ɓojeɗe nɛɓɔ, nnde á kala, n'índe á kɛ̌kɛ, aɓiki phɛɛ. Cɔ, kɛ̌kɛnde gǎkɛ, esúia ndea Mokonga ědondi.