Matáyɔ 10:4 - Ɔngana á Kɛ̌kɛ

⁴ Simɔ́ni manei-nji na Yúda-Isikaliɔ́ta, mmbɔ ɗántɔngi Yéso.

Matáyɔ 10:4 Iomraidhean Croise

Matáyɔ 26:14

Cɔ, Yúda Isikaliɔ́ta mmbɔ ɗátú ka ɓagoigi nkama na ɓaɓɛ (12) ndea Yéso, áoga mɔtɛ á ɓagbɛga á ɓatobeigi-phɛ́a.

Matáyɔ 26:15

Áǒɓúsia te: «Aoɓá na nɛntɔngi Yéso mɔtɛ-anu ekende ɓomopande?» Mpɔ ɓɔ, ɓáontagea Yúda imɔna nkama isaɔ (30), ɓáɔmbɛɗekisa.

Matáyɔ 26:2

«Ɓooúba gea te, mbusa ésa iɓɛ, aɓande jaí á Pasáka. Wa, ɓántɔngande Muna-Nkpa ka gǎ kɔkɛaga akɛ ka moyangɔ.»

Matáyɔ 26:47

Mbenɔ nde Yéso ɗá phɔ́tɔ ɔyɔnga, Yúda mmbé ɗátú ka ɓagoigi nkama na ɓaɓɛ (12) ndea Yéso, áokiɗiana cɛɗɛ! Usɛsɛ á ɓakpa ɗáɓáomɓea. Ɓuangbo ɗáɓábɛɗi píndí, ɓuangbo gbutu. Ɓagbɛga á ɓatoɓeigi-phɛ́a na ɓagbɛga á ka nji ndea Ɓayúda ɓáunge ɗáɓáeteki.

Matáyɔ 27:3

Cɔ, Yúda, mmbɔ ɗántɔngi Yéso aɔni ye na ɓáteni nyɔngɔ ndea Yéso akpɛ, áɔ̌ɓɛia ka měma. Áǒsikisia ɓagbɛga á ɓatoɓeigi-phɛ́a na ɓagbɛga á ka nji, imɔna nkama isaɔ (30) ndɔɔ.

Málikɔ 14:10

Mbusa á wa, Yúda Isikaliɔ́ta, mmbɔ ɗátú ka ɓagoigi nkama na ɓaɓɛ (12), áoga ǒdonda ɓaamɛ á ɓagbɛga á ɓatoɓeigi-phɛ́a ka phangia aɓɔ aphe á dunga á Yéso.

Málikɔ 14:43

Yéso n'a phɔ́tɔ ɔyɔnga, Yúda, mmbé ɗátú ka ɓagoigi nkama na ɓaɓɛ (12), áɔsɛnɛka. Ɗábiki na ɓakpa ɓásii ɓunde ɗáɓátú na mɓɛngɛ na gbútu. Ɓagbɛga á ɓatoɓeigi-phɛ́a, ɓaɗundu-ɛɔphi, na ɓagbɛga ndea Ɓayúda, ɓáunge ɗáɓěteki.

Lóka 22:3

Ɓî Sɛtáni angí ka měma á Yúda mmbɔ ɓáɔmɔphana Isikaliɔ́ta, mmbé ɗátú ka ɓagoigi nkama na ɓaɓɛ (12),

Lóka 22:47

N'a phɔ́tɔ kɔyɔnga, usɛsɛ á ɓakpa áɔsɛnɛka. Nsɔndɔi n'ande ka ɓagoigi nkama na ɓaɓɛ (12) mmbé ɓáɔmɔphana Yúda, áɔsɛkɛɗa bíbí á Yéso, áomumbia.

Yoáni 13:2

Mbenɔ nde Yéso na ɓagoigi nɛkɛ ɗáɓátú oeaga ɔgɔgɔ, Nketi ɗábisi ka měma á Yúda, muna Simɔ́ni Isikaliɔ́ta, mɔphɛ á tɔnga á Yéso.

Yoáni 6:64

Nyɔngɔ ndɔ gǎkɛ ungɔ ɓunɛngbo sɔsɔɓɛ anu ɓánáoɓeekea.» Nga, Yéso ɗáeɓúbi kpanga á kala ɓunde ɗáɓákáɓeeki, na mmbé antɔngande.

Yoáni 6:71

Ɗáɔyɔnga ka phɔa á Yúda muna Simɔ́ni Isikaliɔ́ta. Nanga ɗátú sɔsɔɓɛ á ɓagoigi nkama na ɓaɓɛ (12), yɛ aámbé antɔngaeka.

Ekuma á ɓateki 1:13

Ɓî ɓájú ye ka Yɛusalɛ́ma, ɓáoɗápha suɓi éndu á gǔ ɔma nde ɗáɓáodondanaga. Ɓunde ɗáɓátú wa, ɓáungee: «Pɛ́tɛɛ, Yoáni, Yakɔ́ɓɔ na Andeé. Philípɔ na Tɔmá. Batɔlɔmáyɔ na Matáyɔ. Yakɔ́ɓɔ muna Alpháyɔ, Simɔ́ni mmbé ɗáokáɓa tokisa á nji nɛɓɔ ka kɔkɔɓɛ, na Yúda muna Yakɔ́ɓɔ.»

Ekuma á ɓateki 1:25

Yɛ, áɓɛ nteki nɛkɔ, phɔtɔ mpɛnɛ á Yúda mmbé age k'ɔ́ma nɛkɛ nnde ankeni.»