Matáyɔ 10:3 - Ɔngana á Kɛ̌kɛ

³ Philípɔ na Batɔlɔmáyɔ, Tɔmá na Matáyɔ mmbɔ mphendisigi-manjanja, Yakɔ́ɓɔ muna Alpháyɔ na Tadɛ́yɔ,

Matáyɔ 10:3 Iomraidhean Croise

Matáyɔ 18:17

Aoɓá gǎkɛ na káɛɓɔ́ki, tɔ̌mia nyɔngɔ nɛkɛ ka kanisa. Aoɓá n'ayé phɔtɔ ɔ́ka á kanisa, ntángá ɓea mphendisigi-manjanja, na nkpa nde nna mɓêki.

Matáyɔ 27:56

Sɔsɔɓɛ á ɓake ndɔ, ɗátú Malía nseka á ka nji Magadála, Malía amakɛ na Yakɔ́ɓɔ na Yɔsɛ́phu, na ama ɓana Jɛbɛdáyɔ.

Matáyɔ 9:9

Ka gǎ á Yéso, áɔmɔna nkpa moci n'aiki ka ntua á phendisaga á manjanja, ina akɛ: Matáyɔ. Yéso áongoɗea te: «Ómoɓea!» Matáyɔ áoma, áomɓea.

Málikɔ 15:40

Ɓake ɓuangbo ɗáɓá phɔtɔ wa. Ɗáɓáoenga na ɓámame ɗanga. Ina á ka ɓɔ aungee: Salɔ́mɛ, Malía ɓa Magadála na Malía ama-moganda Yakɔ́ɓɔ na Yɔ́sɛ.

Málikɔ 2:14

Cɔ, ɓî ɗátúotamba, áɔmɔna Láwi, Muna Alpháyɔ, n'aiki ka ntua á phendisaga á manjanja. Yéso áɔmɔphana, áongea: «Ómoɓea!» Kɛ̌kɛndɔ, Láwi áoma, áomɓea.

Málikɔ 3:18

Andeé, Philípɔ, Batɔlɔmáyɔ, Matáyɔ, Tɔmá, Yakɔ́ɓɔ muna Alpháyɔ, Tadɛ́yɔ, Simɔ́ni, manei ekuna nɛkɛ,

Lóka 18:10

«Ɓakpa ɓaɓɛ ɗáɓáɗáphi ka ngia k'éndu á Mokonga k'aphe á mɛma á Mokonga. Moci ɗátú Mophaisáyɔ, ɓaangbo gǎkɛ mphendisigi-manjanja.

Lóka 18:11

Mophaisáyɔ áǒmesia, áɔmɛma Mokonga ka měma akɛ sasakɛ ɓe: ‹Hoo Mokonga! Nekosikisíí ɓosegi nga, ké ɓea ɓakpa ɓuangbo ɓunde ɓánde ɓakukuɓa, ɓato á kanga koɗoni, ɓato á iɛɓɛ. Nekosikisíí phɔtɔ ɓosegi gea, ké ɓea mphendisigi-manjanja ndee.

Lóka 18:13

Mphendisigi-manjanja gǎkɛ, áomamaga ɗanga, kángá táisa iso akɛ na koba, áɔ̌ɓɛtaga k'égogo na ɓɔmbɛ, áogea te: ‹Hoo Mokonga! Ómokuia ngomi, nende nto á ɓojeɗe.›»

Lóka 19:2

Nkpa moci ina akɛ Jakáyɔ ɗáiki kó. Ɗátú mɔkɔta ndea ɓaphendisigi-manjanja, â phɔtɔ oɓá ntɔi.

Lóka 5:27

Mbusa á wa, Yéso áojuana, áɔmɔna mphendisigi-manjanja, ina akɛ Láwi, n'aiki ka ntua á phendisaga á manjanja. Yéso áongoɗea: «Ómoɓeá!»

Yoáni 1:48

Kaɓondɔ, Natanaɛ́li áomúsia Yéso: «Omoúbi ɓo?» Yéso áonsikisia gea: «Mosá á Philípɔ ɔphana akɔ, nɛkɔɔnima n'okusi á me nde ɓáɔmɔphana ka kisambaye mtini.»

Yoáni 11:16

Mpɔ, Tɔmá, mmbɔ ɓáɔmɔphana Mphase, áǒngoɗea ɓagoigi ɓunɛngbo te: «Ɓesu, ɓégɛni phɔtɔ ka gea, ɓékuwɛ na Mɔkɔta nɛsu.»

Yoáni 14:22

Mpɔ, Yúda (nna mmbɔ Isikaliɔ́ta) áongea: «Mɔkɔta, ka nyɔngɔ sina nde ɔ tɔ ǒphangia ka ɓesu, kǒphangiɛ gǎkɛ ka ɓato á ka mokonda?»

Yoáni 14:5

Tɔmá áongea: «Mɔkɔta, ɓékéoúba ɔma nde oge. Cɔ, ɓeúbande gǎkɛ aphe ɓo?»

Yoáni 14:9

Yéso áongea ɓe: «Philípɔ, esa ásii nde ɓeiki n'oɓɛ, kómoúbimbɛ mɔnɔ? Mmbé ɗámɔɔni k'eme, ɗámɔni phɔtɔ Abɛ. Cɔ, ogi, nékophangiɛ Abɛ ka ɓo?

Yoáni 21:2

Simɔ́ni-Pɛ́tɛɛ, Tɔmá mmbé ɗáɓáɔmɔphana Mphase, Natanaɛ́li nto á ka Kána á ka Galiláya, ɓana Jɛbɛdáyɔ na ɓagoigi ndea Yéso ɓuangbo ɓaɓɛ, ɗáɓátú kimoci.

Ekuma á ɓateki 1:13

Ɓî ɓájú ye ka Yɛusalɛ́ma, ɓáoɗápha suɓi éndu á gǔ ɔma nde ɗáɓáodondanaga. Ɓunde ɗáɓátú wa, ɓáungee: «Pɛ́tɛɛ, Yoáni, Yakɔ́ɓɔ na Andeé. Philípɔ na Tɔmá. Batɔlɔmáyɔ na Matáyɔ. Yakɔ́ɓɔ muna Alpháyɔ, Simɔ́ni mmbé ɗáokáɓa tokisa á nji nɛɓɔ ka kɔkɔɓɛ, na Yúda muna Yakɔ́ɓɔ.»

Ekuma á ɓateki 12:17

Pɛ́tɛɛ áǒdakanisa na njaga akɛ, áɔ̌tɔmiaga ɓî Mɔkɔta anjúanisi ka mekakɔ. Â phɔtɔ ǒgea: «Múbisani Yakɔ́ɓɔ na ɓadasu ɓaɓêki ɓunɛngbo nyɔngɔ ndee.» Mpɔ, áojuana, áoga ɔma nɛngbo.

Ekuma á ɓateki 15:13

Ɓî ɓágɔɓi ye yɔnga, Yakɔ́ɓɔ áǒngoɗea te: «Ɓaya, ɔ́mɔɔ́kani phɔ́!

Ekuma á ɓateki 21:18

Mama í, ɓéoga na Pɔ́lɔ mɔtɛ á Yakɔ́ɓɔ, ɔma nde ɓagbɛga á kanisa ɓɔbu ɗáɓádondanigi.

Ɓagalatía 1:19

Ɗékémɔni tanda ka ɓateki ɓaangbo. Ɗɛ́mɔni tɔ Yakɔ́ɓɔ, muna-amakɛ na Mɔkɔta.

Ɓagalatía 2:9

Mpɔ, Yakɔ́ɓɔ, Pɛ́tɛɛ na Yoáni, ɓî ɗáɓáeseɓei ɓea nsukiɔ á kanisa, ɓáoengekisa ebigɔ nde Mokonga amopi. Ɓáosopha njaga eme na Baanába ka ɔnisa ɔngana. Ɓɛ́ɔɔ́kana na ɓɔ ka gea, ɓesu ɓégɛ bɛɗanɛgɛ mɔtɛ á ɓakpa nde ɓáná Ɓayúda, ɓɔ gǎkɛ ɓágɛ bɛɗanɛgɛ mɔtɛ á Ɓayúda.

Yakɔ́ɓɔ 1:1

Eme Yakɔ́ɓɔ mbɛɗanigi ndea Mokonga na Mɔkɔta Yéso Kiísito nenósambei. Nenóɗundui ɓenu ɓato á k'ékuna nkama na iɓɛ (12) ɓunde ɓophanjekani ka mokonda.

Yúda 1:1

Eme Yúda nende muna-amakɛ na Yakɔ́ɓɔ, nende mbɛɗanigi nde ɓa Yéso Kiísito. Nenóɗundui ɓenu íɓunde Abɛ Mokonga anɔɔphani, áonókonda na amba anu ka phɔa Yéso Kíisito.