Matáyɔ 10:16 - Ɔngana á Kɛ̌kɛ

¹⁶ «Cɔ, ɔ́kani phɔ́! Nenóteki ɓea ɓamɔgɔgɔ ka ɔlɔ á ɓanyama ɓea ɓamabianga. Ɛ́ngɛphani ɓea njɔka, ɓóɓɛ ɓaphɔngɔ ɓea mboe.

Matáyɔ 10:16 Iomraidhean Croise

Matáyɔ 24:25

Cɔ, ɔ́kani phɔ́! Ɗégɔɓi ye na nenóngoɗi nyɔngɔ nde bui mosá.

Matáyɔ 24:45

Cɔ, mbɛɗanigi sina mmbé aanjánjá n'aoúbapha mmbé mɔkɔta nɛkɛ amophi ophangɔ gǔ á ɓabɛɗanigi ɓuangbo ka gabea ɓɔ eea ka mbenɔ nde ɓákondi?

Matáyɔ 25:2

Sɔsɔɓɛ aɓɔ, ɓɔku ɓabóbó, ɓɔku ɓâ gǎkɛ ɔɛngɛpha.

Matáyɔ 25:4

Ɓundɔ ɗáɓáɛngɛphi, ɓáɔbɛɗa ngbanda á gamba n'ɔbɛa nɛɓɔ.

Matáyɔ 25:9

Ɓaɛngɛphi ɓáǒsikisia te: ‹Ɓɛɛndɔ! Kákpeengeanɛku ka ɓesu na ɓenu, gǎni k'aphe á somba nɛnu mɔtɛ á ɓasombisigi.›

Lóka 10:3

Cɔ, gǎni! Nenóteki ɓea ɓaniki á ɓamɔgɔgɔ ka nkíndí á ɓangbee.

Lóka 21:15

Nga, eme sisani aámbé nenophande nyɔngɔ á kɔɓɔɔngɛ nnde ɓaɓiɓia anu ɓɔbu ɓákásikiɛku ye kau.

Ekuma á ɓateki 20:29

Nga, neoúba gea, mbusa á gǎ ani, ɓakpa ɓakae ɓea ɓamabianga ɓáengisande ka ɔlɔ anu, ɓákáekuiɛku ɓaɓêki ngomi.

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 11:14

Kema ndɔ nna á tangaaga í nga, Sɛtáni aǒgaia sasakɛ ka gea te, ande malaéka nde aojuanisa owanga.

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

2 Ɓakɔlítɔ 8:20

Ɓékékóndi gea, ɓásoyeyɛ k'ékuma nde ɓásóphi ka bɛɗaneaga na imɔna ásii ndɔɔ.

Ɓaphilípi 2:15

ka gea, ɓóɓɛ kángá oyeyɔ na kángá ɓojeɗe, ɓóɓɛ ɓana-Mokonga kángá kisɛki ka ɔlɔ á ɓato á odemayɔ na ɓakpa ɓájeɗe á ka mokonda ndee. Akeni ɓɔ́bɛnyɛ ka ɔlɔ aɓɔ ɓea ɓasɛɛngɔa á na koba,

Ɓakɔlɔsái 1:9

Kaɓondɔ unge, kpanga á ɓî ɗɛ́ɓɛɔ́ki nyɔngɔ anu, ɓékéoɗeketa mɛma á Mokonga ka phɔa anu. Ɓɛɔmmɛma ka gea, ánoúbisɛ mɔphɛ akɛ na opha anu kɔɓɔɔngɛ na úbapha ásii nde Měma akɛ aobikisa.

Ɓakɔlɔsái 4:5

Mbenɔ bui nde ɓoodondana na ɓakpa íɓunde ɓáná ɓaɓêki, ɛ́ɓɔnisani ɓɔ tambea nde akeni.

1 Ɓatɛsalɔníka 2:10

Ɓonde ɓaɗigimisi nɛsu, na Mokonga phɔtɔ, ɓî tambea asu mosá anu ɓenu ɓaɓêki, ɗátú ánjá, kángá á ɓojeɗe, na kángá á kisɛki.

1 Ɓatɛsalɔníka 5:22

Téani ɓojeɗe bui.