Matáyɔ 1:23 - Ɔngana á Kɛ̌kɛ

²³ «Nseka akumbande éme. Amɓɔkɔtande miki-mǒko, ɓámɔphanande Ɛmanuɛ́li.» Ande gea te: «Mokonga a kimoci na ɓesu.»

Matáyɔ 1:23 Iomraidhean Croise

Matáyɔ 1:24

Ka jujúka á Yɔsɛ́phu, áogea ɓíndɔ Malaéka ndea Mɔkɔta ɗánsosi. Áomɓoa nkakɛ Malía.

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Lóka 20:44

Daúdi aɔmɔphana gǎkɛ Mɔkɔta. Cɔ, Kiísito aɓande gǎkɛ mosuko á Daúdi ka ɓo?»

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Ekuma á ɓateki 18:9

Kǐpha moci, Pɔ́lɔ áɔɔna mphaniɔ, Mɔkɔta Yéso n'aongoɗea te: «Koɓángɛ mɔnɔ, kodakanɛ mɔnɔ, tútuisa ndiu ɓɔphɛi

Ɓalɔ́ma 8:31

Cɔ, ka nyɔngɔ índɔ, ɓɛ́yɔngɛ goto ɓo? Kaɓɛ Mokonga n'asógami, ani mmbé aɓande na ɓukpɛkpɛ gǔ asu?

Ɓalɔ́ma 9:5

Ɓá k'ɛ́ɓɔkɔti ndea ɓatatasu. K'ɛ́ɓɔkɔti ndɔ tɔ unge Yéso ɗáɓɔkɔtɛani na nyama á kokpa. Yɛ gǎkɛ, a gǔ á ɓakpa ɓɔbu. Obebɔ áɓɛ ka Mokonga esa bui, áɓɛ ɓó!

2 Ɓakɔlítɔ 5:19

Yéso aámbé ɗáɛɔnganisi ɓakpa na Mokonga kángá ɛnjia ye ɓojeɗe nɛɓɔ. Ɗásóphi ekuma á tɔ̌miaga nyɔngɔ á ɔnganisa á ɓakpa na yɛ.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

2 Timɔtɛ́ɔ 4:22

Cɔ, Mɔkɔta áɓɛ n'oɓɛ. Ɓonjánja-ékondi nɛkɛ áɓɛ na ɓenu.