Matáyɔ 1:22 - Ɔngana á Kɛ̌kɛ

²² Nyɔngɔ ndɔ bui ɗátɔtɔkɛani ka tɔtɔkisa á nyɔngɔ nde Mɔkɔta ɗán'yɔngisi Mɔtu-nyɔngɔ ndea Mokonga gea:

Matáyɔ 1:22 Iomraidhean Croise

Matáyɔ 12:17

Ɗáyɔngi ɓó ka gea, nyɔngɔ nde Isáya mɔtu-nyɔngɔ ndea Mokonga ɗáyɔngi átɔtɔkɛanɛ:

Matáyɔ 13:21

Nyɔngɔ kau kaɓɛ gǎkɛ na mǐgi suɓi aɓɔ. Ɓá tɔ ǒyamea ka Nyɔngɔ ndɔ ka mbenɔ ábɔa. Aoɓá ka mbenɔ á tambaga na ea á minyɔ ka phɔa Nyɔngɔ á Mokonga, ɓáogua mɔngɔ ímoci.

Matáyɔ 13:35

Ɗági ɓondɔ ka gea, nyɔngɔ ndɔ mɔtu-nyɔngɔ ndea Mokonga ɗáyɔngi, átɔtɔkɛanɛ gea: «Neyɔngande ka mɛní, néongoɗa nyɔngɔ á ɓɔsɔmɛa, kpanga ɓî ɗáɓáconji mokonda.»

Matáyɔ 2:15

Ɓáoika kó na ka ɓî Ɛlɔ́dɛ ɗáku. Nyɔngɔ ndɔ áɔtɔtɔkɛana ɓíndɔ Mɔkɔta ɗán'yɔngisi mɔtu-nyɔngɔ nɛkɛ gea: «Nɛmɔphani mukuamɔ ka toka na Mísii.»

Matáyɔ 2:23

Yɔsɛ́phu áoga oika na Najalɛ́ti ka gea nyɔngɔ ndea ɓaɔtu-nyɔngɔ ndea Mokonga átɔtɔkɛanɛ gea: «Ɓámɔphanande nto á ka Najalɛ́ti.»

Matáyɔ 5:17

Ɓókokanisiɛmbɛ gea nebiki ɔngbɔa ɛɔphi ndea Mósa na ɓɔphɛi ndea ɓaɔtu-nyɔngɔ ndea Mokonga. Kébiki k'aphe á ngbɔa í. Nebiki ndiu k'aphe á kpeengeanisa í.

Matáyɔ 8:17

Cɔ, nyɔngɔ ndɔ ɗátɔtɔkɛani ɓíndɔ Isáya mɔtu-nyɔngɔ ndea Mokonga ɗáyɔngi: «Yɛ ɗákumbi ɓoɗoko á tambaga asu na áokumba esambɔ nɛsu.»

Lóka 21:22

Nga, esa ndɔ aɓáeka esa nde Mokonga agisiande na tɔtɔkisa nyɔngɔ bui nde a suɓi á Ɓuku á Mokonga.

Lóka 24:44

Mpɔ Yéso áǒngoɗea ɓagoigi nɛkɛ te: «Ɓɔɔni nyɔngɔ nde ɗénóngoɗi na ne phɔ́tɔ na ɓenu gea: Ambe kema bui nde ɗáɓáɗundu ka phɔani suɓi á ɓuku ndea Mósa, nnde á ɓaɔtu-nyɔngɔ ndea Mokonga na nnde á Jabúi átɔtɔkɛanɛ.»

Yoáni 10:35

Cɔ, nna na nkpa nde aɔtɔka n'aɓúni nyɔngɔ nde a suɓi á Ɓuku á Mokonga. Ande gea, Mokonga ɗáɛɓɔphani ɓamokonga á mbɛa ɓundɔ ɗáɓěngoɗi nyɔngɔ á Mokonga.

Yoáni 15:25

Ɓági gǎkɛ ɓó ka gea, nyɔngɔ nde ɓáɗundu suɓi ɛ́ɔphi nɛɓɔ átɔtɔkɛanɛ: ‹Ɓámokangei ecici.›

Yoáni 17:12

Ɓî ɗétú kimoci na ɓɔ, ɗéǒamba ka ɓukpɛkpɛ á ina akɔ, ina ndɔ ɗómopi. Ɗéambi phɛɛ, ka ɓɔ kaɓúngɛgɛ, tɔndɔ mmbé ɗákeni áɓungɛgɛ, ka gea te, moangɔ á Ɓuku á Mokonga átɔtɔkɛanɛ.

Yoáni 18:9

Yéso ɗáyɔngi ɓó ka gea, nyɔngɔ nde ɗáyɔngi mosá, átɔtɔkɛanɛ. Nyɔngɔ ndɔ aungee: «Ɗékémɓungisi ka ɓakpa nde ɗómopi.»

Ekuma á ɓateki 3:18

A gǎkɛ ɓe: Mokonga atɔtɔkisi nyɔngɔ nde ɗáúbisi kala ka moyo á ɓaɔtu-nyɔngɔ nɛkɛ gea, ɓántambisagande Kiísito.

Ɓalɔ́ma 1:2

Mbino-Ánjá ndɔ, Mokonga ɗáɔku ú kala suɓi á Ɓuku ndea ɓaɔtu-nyɔngɔ nɛkɛ.

Mphaniɔ 17:17

Nga, Mokonga ɗáeɓophi měma á tɔtɔkisa á mɔphɛ nɛkɛ kimoci na bisa á kɔkɔta nɛɓɔ ka bɛɗaneaga á nyama na ka ɓî nyɔngɔ ndea Mokonga atɔtɔkɛanande.