Matáyɔ 1:21 - Ɔngana á Kɛ̌kɛ

²¹ Amɓɔkɔtande miki-mǒko, onsuande ina akɛ Yéso. Yɛ aámbé aeamisande ɓakpa nɛkɛ ka ɓojeɗe nɛɓɔ.»

Matáyɔ 1:21 Iomraidhean Croise

Matáyɔ 1:25

Ɗákádondani gǎkɛ na yɛ na ka ɓî Malía ɗámɓɔkɔti miki-mǒko, mmbɔ Yɔsɛ́phu ɗánsu Yéso.

Lóka 1:13

Malaéka áongea te: «Jakaía, koɓángɛmbɛ nga, Mokonga aɔ́ki ɛmɛmi nɛkɔ. Nkakɔ Ɛlijabɛ́ti, amɓɔkɔtande k'akɔ miki-mǒko. Onsuande Yoáni.

Lóka 1:31

Cɔ, okumbande éme, ɔmɓɔkɔtande miki-mǒko, onsuande Yéso.

Lóka 2:11

Kesande, Namisi aɓɔkɔtɛani kanu ka ntanga-nji ndea Daúdi. Ande Mɔkɔta Kiísito.

Lóka 2:21

Esa á ko ngianjaga isaɔ mbusa á ɓɔkɔtɛana akɛ, ɓáongusa ganja. Ɓáonsua ina akɛ Yéso, ɓíndɔ malaéka ɗáyɔngi, mosá á kumba á éme akɛ.

Yoáni 1:29

Mama í, Yoáni áɔmɔna Yéso n'ambikíí, áogea: «Mmbé ande Muna-Mɔgɔgɔ ndea Mokonga. Yɛ aámbé aophúia ɓojeɗe á ka mokonda.

Yoáni 4:42

Ɓaɓêki ndɔ ɓáongoɗea nke ndɔ te: «Ɓékéɓeeki tɔ ka nyɔngɔ índe ɔsɔ́tɔ̌mi. A ndiu ka nyɔngɔ nde ɓɛɔ́ki nɛsu sisasu na ɓeoúba gea, mmbé ande Namisi á ɓato á ka mokonda ɗoni.»

Ekuma á ɓateki 13:23

Cɔ, k'ɛɓɔkɔti ndea Daúdi, Mokonga aeɓophi Ɓaisilaɛ́li Namisi ɓíndɔ ɗámɔku, ina akɛ Yéso.

Ekuma á ɓateki 3:26

Kaɓondɔ, Mokonga ammesi phɔ́ mbɛɗanigi nɛkɛ Yéso ka phɔanu mosá á ɓato á ekuna nɛngbo, ka nyɔngɔ á bisia anu njaga, gea te, ɓóɓɛ na ngɔwa ka kětia á tambea anu, nkpa moci-moci, ka ɓojeɗe nɛnu.»

Ekuma á ɓateki 4:12

A tɔ yɛ aámbé aǒamisa ɓakpa ka měma. Nga, ka mokonda bui nna tanda na ina nde Mokonga aeɓophi ɓakpa n'ana ɓukpɛkpɛ á amisa á ɓɔ ka měma.»

Ekuma á ɓateki 5:31

Yɛ aámbé Mokonga anɗokomisi, áombisa nkɛkɛɔ á njaga akɛ á mǔku gea, áɓɛ moamɛ na Namisi ndea ɓato á ka Isilaɛ́li gea, ɓákětiɛ tambea nɛɓɔ na Mokonga áímɛ ɓojeɗe nɛɓɔ.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 7:25

Ka nyɔngɔ índɔ unge aɔtɔka amisa á ɓakpa ka měma na ka sungiaga ɓunde ɓáombîmisia Mokonga k'aphe ndea akɛ. Nga, Yéso aoenda mɛyɔ ka ɗengemisaga á Mokonga ka phɔa ɓɔ.

1 Yoáni 1:7

A gǎkɛ oɓá na ɓeotamba k'owanga ɓíndɔ yɛ sisakɛ a k'owanga, ɓe ka komunamema ngǔngu asu. Magia á Anakɛ Yéso, aosokosea ɓojeɗe nɛsu bui.

1 Yoáni 3:5

Ɓooúba gea, Kiísito ɗábiki ka íma á ɓojeɗe ndeasu na nna tanda na ɓojeɗe suɓi akɛ.

Mphaniɔ 7:14

Néonsikisia te: «Mɔkɔta nɛmɔ, oɓɛ aámbé ooúba.» Áomogea: «Ɓundɔ, ɓáunge ɓátóki ka tambaga ángbó. Ɓásokosi bɔngɔ éndǎ nɛɓɔ na magia á Muna-Mɔgɔgɔ, ka ɓondɔ, bɔngɔ nɛɓɔ áoɓá ábu.