Matáyɔ 1:16 - Ɔngana á Kɛ̌kɛ

¹⁶ Yakɔ́ɓɔ áɔmɓɔkɔta Yɔsɛ́phu, munyakɛ na Malía, mmbé ɗámɓɔkɔti Yéso mmbɔ ɓáɔmɔphana Kiísito.

Matáyɔ 1:16 Iomraidhean Croise

Matáyɔ 1:15

Ɛliúdi áɔmɓɔkɔta Ɛlɛajái. Ɛlɛajái áɔmɓɔkɔta Matáni. Matáni áɔmɓɔkɔta Yakɔ́ɓɔ.

Matáyɔ 16:16

Simɔ́ni-Pɛ́tɛɛ áonsikisia: «Oɓɛ, onde Kiísito, Muna-Mokonga mmbé aoenda.»

Matáyɔ 16:20

Mpɔ áǒimisia ɓagoigi nɛkɛ akpɛ gea, ɓákangoɗeɛmbɛ mɔnɔ nkpa gea te, ande Kiísito.

Matáyɔ 2:13

Mbenɔ nde ɓaúbaphi ɓájí, Malaéka ndea Mɔkɔta Mokonga áondonda Yɔsɛ́phu ka njeki, áongea te: «Ma, ómbɛɗɛ miki n'amakɛ ɓóteɛ na Mísii. Ɓóikɛ kó na ka ɓî nekongoɗeande mbenɔ á sikianaga anu. Nga, Ɛlɔ́dɛ aokaɓa mowa á miki.»

Matáyɔ 27:17

Ɓî ɓakpa ɗáɓádondanigi, Pilátɔ áǒɓúsia: «Ɓokondi nénkoɗɛ kanu nkpa sina, Yéso Balába, kaɓɛ Yéso mmbɔ ɓáɔmɔphana Kiísito ndɔ?»

Matáyɔ 27:22

Mpɔ, Pilátɔ â goto kǒúsia: «Cɔ, nengeande Yéso mmbɔ ɓáɔmɔphana Kiísito n'eke?» Ɓáonsikisia ɓɔbu gea: «Nkɔkɛagani gǔ á moyangɔ!»

Málikɔ 6:3

Nna phɔ́ nto á ɓɔi á mɔphɛkɔ aámbé? Muna Malía, muna-amakɛ na Yakɔ́ɓɔ, Yɔ́sɛ, Yúda na Simɔ́ni? Cɔ, ɓáwákɛ ɓáná ka ɔlɔ asu?» Kaɓondɔ unge, ɗáɓákámɓeeki.

Lóka 1:27

Áoga mɔtɛ á nseka moci ina akɛ Malía, mmbé mǒko moci k'ékombo ndea moamɛ Daúdi, ina akɛ Yɔsɛ́phu aámbé ɗántɔ́mi.

Lóka 2:48

Cɔ, ɓî ɓaɓɔkɔti akɛ ɓámɔni ye, ɓáoianaga! Mpɔ amakɛ áongoɗea ɓe: «Hoo, miki nɛmɔ! Ekende osogi ně ɓende? Nga, eme n'abakɔ, měma asu atɔ́phɛngɛmani ka nkaɓɔ akɔ.»

Lóka 2:7

áɔmɓɔkɔta ánge nɛkɛ, miki-mǒko, áonkombea na ngɔ́mbɛ, áɔmɔyia suɓi á ɔma á isa á ɓanyama. Nga, ɗáɓákátú n'ɔ́ma, k'éndu á ɓakɛni.

Lóka 3:23

Yéso ɗátú na ɓasaga ɓea nkama isaɔ (30) ɓî akpangi ekuma nɛkɛ. Ɓakpa ɗáɓáoúba te, ande Muna Yɔsɛ́phu, mmbɔ muna Ɛlí,

Lóka 4:22

Nyɔngɔ nɛkɛ áɔ̌ɓɔngɛa ɓakpa ɓɔbu ɓunde ɗáɓáɔmɔ́ka nga, ɓoabi ndɔ ɗátú á ketangaɔ. Ɓáoúsianaga: «Nna phɔ́ muna Yɔsɛ́phu aámbé?»

Yoáni 4:25

Nke ndɔ áongea te: «Neoúba gea Masíya, mmbé ɓáɔmɔphana Kiísito, aobika. Mbenɔ nde yɛ abikande, asóúbisande kema bui.»