Matáyɔ 1:1 - Ɔngana á Kɛ̌kɛ

¹ Cɔ, ɔnani ina á ɓatatakɛ na Yéso-Kiísito, mosuko á Daúdi, mosuko á Abalaámu.

Matáyɔ 1:1 Iomraidhean Croise

Matáyɔ 1:18

Cɔ, ɓɔkɔtɛana á Yéso Kiísito ɗátú ɓe: Yɔsɛ́phu ɗántɔmi Malía, amakɛ na Yéso. Yɔsɛ́phu na kádondanimbɛ na yɛ, Malía áokumba éme ka ɓukpɛkpɛ á Měma á kanga ɓojeɗe.

Matáyɔ 1:2

Abalaámu ɗámɓɔkɔti Isáka. Isáka áɔmɓɔkɔta Yakɔ́ɓɔ. Yakɔ́ɓɔ áɔmɓɔkɔta Yúda na ɓana-amakɛ.

Matáyɔ 15:22

Kó, nke moci nto á ka Kanána ɗátú wa, áombikia Yéso n'aɔyɔnga n'ɛsɔ akpɛ gea: «Mɔkɔta, Mosuko á Daúdi, ómokuia phɔ́ ngomi! Nseka nɛmɔ aotambaga phɛɛ na kukuwa á ɓansombo.»

Matáyɔ 3:16

Mbusa á ɓatisa á Yéso, áojuana ka iɓo. Mɔngɔ moci koba áokoɗokana ka phɔakɛ. Yéso áɔmɔna Měma á kanga ɓojeɗe n'aodida gǔ akɛ ɓea mboe.

Matáyɔ 9:27

Mbenɔ nde Yéso amɛi, ɓakeíme-íme ɓaɓɛ ɓáomɓea na ɓáokogaga gea: «Mosuko á Daúdi hoo, ósokuia phɔ́ ngomi ee!»

Lóka 1:33

Aɓande moamɛ ndea Ɓaisilaɛ́li esa bubui, koɓoamɛ nɛkɛ káɓɛku na sungiaga.»

Yoáni 7:42

Ɓáɗundu suɓi á Ɓuku á Mokonga gea, Kiísito aɓáeka mosuko á moamɛ Daúdi. Atókande na Bɛtɛlɛɛ́mu, ka nji ndɔ Daúdi ɗáɓɔkɔtɛani kau.»

Ekuma á ɓateki 2:30

Yɛ, ɗátú gǎkɛ mɔtu-nyɔngɔ ndea Mokonga, ɗáúbi gea, Mokonga ɗámɔku, ka nɔɛa akɛ esomba gea, ka ɓato á k'ékombo nɛkɛ moci, aɓande moamɛ ka mpɛnɛ akɛ.

Ɓalɔ́ma 1:3

Mbino ndɔ a ka phɔa anakɛ mmbé ka kokpa akɛ ɗáɓɔkɔtɛani k'ékombo ndea moamɛ Daúdi;

Ɓalɔ́ma 4:13

Cɔ, Mokonga ɗámɔku Abalaámu na ɓasuko akɛ gea aéɓophande mokonda. Mɔkɔ ndɔ nna gǎkɛ ka nyɔngɔ nde Abalaámu ɗáoamba ɛɔphi ndea Mósa. A ndiu ka nyɔngɔ nde Mokonga ɗántangi nto á koɗoni ka nyɔngɔ á ɓeekea nɛkɛ.

Ɓalɔ́ma 9:5

Ɓá k'ɛ́ɓɔkɔti ndea ɓatatasu. K'ɛ́ɓɔkɔti ndɔ tɔ unge Yéso ɗáɓɔkɔtɛani na nyama á kokpa. Yɛ gǎkɛ, a gǔ á ɓakpa ɓɔbu. Obebɔ áɓɛ ka Mokonga esa bui, áɓɛ ɓó!

Ɓagalatía 3:16

Cɔ, Mokonga ɗámɔku Abalaámu n'ɛɓɔkɔti nɛkɛ. Ɓuku á Mokonga ɗákáyɔngi: «K'ɛ́ɓɔkɔti nɛkɛ bui» ɓea ɓakpa ɓásii. Ɗáyɔngi ndiu: «K'ɛ́ɓɔkɔti nɛkɔ» ande gea te nkpa moci n'ande Kiísito.

1 Timɔtɛ́ɔ 2:5

Mokonga a tɔ mo. Mɔɔnganisi á ɓakpa na Mokonga a tɔ mo, n'ande nkpa, Kiísito Yéso,

2 Timɔtɛ́ɔ 2:8

Cɔ, nkanisia Yéso Kiísito, mosuko á moamɛ Daúdi, mmbɔ ɗájujúki ka kukuwa ɓíndɔ Mbino-Ánjá nde nɛɔphɛa ayɔngi.

Mphaniɔ 22:16

«Eme Yéso, nentekima malaéka nɛmɔ ka úbisa anu nyɔngɔ ndɔ bui ka kanisa ɗanga-ɗanga. Neɓɔkɔtɛani k'ékombo ndea Moamɛ Daúdi, Sɛɛngɔa á bɛnya á kamɓimba.»