Lóka 1:2 - Ɔngana á Kɛ̌kɛ

² Ɗáɓáúsigi nyɔngɔ ndɔ ka ɓaɗigimisi ɓundɔ ɗáɓáɔni kema bui ka nkpangeɔ í, ɓáoɓá ɓabɛɗanigi á tɔ̌miaga nyɔngɔ á Mokonga.

Lóka 1:2 Iomraidhean Croise

Málikɔ 1:1

Wani ande nkpangeɔ á Mbino-Ánjá á Yéso Kiísito, Muna-Mokonga.

Málikɔ 16:20

Ɓagoigi gǎkɛ, ɓáoga ɔtɔmiaga Mbino-Ánjá k'ɔ́ma bui. Mɔkɔta Yéso áoɓá na ɓɔ k'ékuma bui. Áoɗokomisa ɓɔphɛi nɛɓɔ ka ketangaɔ nde ɗáɓátú ɔtɔtɔkisa.]

Málikɔ 4:14

Mbó nde nkpa ndɔ ɗátú omisia, ande Nyɔngɔ á Mokonga.

Lóka 24:48

Ɓenu gǎkɛ ɓonde ɓaɗigimisi á nyɔngɔ ndee.

Yoáni 15:27

Ɓenu phɔtɔ, ɓomoɗigimisande nga, ɗóɓotú kimoci n'eme ka nkpangeɔ.

Yoáni 16:4

Ɗénongoɗi gǎkɛ nndɔ ka gea, mbenɔ ndɔ a ye okiɗia, ɓokanisiande gea, ɗénóngoɗi ye. Ɗékénongoɗi nndɔ mosá nga, ɗétú na ɓenu.

Ekuma á ɓateki 1:3

Mbusa á kukuwa akɛ, yɛ sasakɛ áɔ̌sɛnɛkɛa na mphangiɔ ɗanga-ɗanga ka engekisa te, a phɔ́tɔ koenda. Ɗáɛsɛnɛkɛi k'ésa nkama gena (40), áǒngoɗeaga nyɔngɔ á koɓoamɛ ndea Mokonga.

Ekuma á ɓateki 1:8

Ɓoɓande ndiu na ɓukpɛkpɛ mbenɔ nde Měma á kanga ɓojeɗe adidande gǔ anu. Ɓoɓande phɔtɔ ɓaɗigimisi á nyɔngɔ nɛmɔ ka Yɛusalɛ́ma, Yudɛ́a bui, Samalía na ka sungiaga á mokonda.»

Ekuma á ɓateki 14:25

Mbusa, ɓáɔphɛa nyɔngɔ á Mokonga ka Pɛ́ɛga. Mpɔ, ɓáɔtɔnganaga na Atalía.

Ekuma á ɓateki 16:6

Pɔ́lɔ na ɓadakɛ ɓáɔnyɛ́nya ka nji bui á Phuigía na Galatía nga, Měma á kanga ɓojeɗe ɗáéimisíí tɔ̌miaga á nyɔngɔ á Mokonga ka nji á ka Asía.

Ekuma á ɓateki 17:11

Bayúda á ka Bɛlɔ́ya, ɗáɓátú na měma ánjá kɔ̌nyɛ́nya Ɓayúda á ka Tɛsalɔníka. Ɗáɓáokonda phɛɛ ɔ́ka á nyɔngɔ á Mokonga. Esa bui, ɗáɓáokáɓa koɗoni suɓi á Ɓuku á Mokonga ka engekisa ɓɔphɛi ndea Pɔ́lɔ.

Ekuma á ɓateki 26:16

Cɔ, ómesia gǎkɛ, ómamɛgɛ dɛ! Neokiɗianei ka gea, óɓɛ mbɛɗanigi nɛmɔ, óɓɛ phɔtɔ nɗigimisi nɛmɔ ka tɔ̌mia á ɓakpa nengbo kema nde otóki ka ɔna í kesande, na kema nde nekophangiande mbusa.

Ekuma á ɓateki 4:20

Nga, ɓesu ɓékéɔtɔka ɗeketa á yɔnga á kema nde ɗɛ́ɓɛɔni, na nnde ɗɛ́ɓɛɔ́ki.»

Ekuma á ɓateki 8:4

Ɓaɓêki ɓunde ɗáɓáphanjekani, ɗáɓáge na ɓáɔtɔmiaga Mbino-Ánjá.

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

1 Ɓakɔlítɔ 4:1

Kaɓondɔ, ósobɛɗani ɓea ɓabɛɗanigi ndea Yéso Kiísito, ɓɛɔbɛɗanaga ka tɔ̌mia nyɔngɔ á ɓɔsɔmɛa ndea Mokonga.

Ɓaɛbulanía 2:3

Cɔ, ɓeúkande tena á nyɔngɔ ndeasu akpɛ ɓo, kaɓɛ na ɓɛɓɛnjigi nyɔngɔ ángbó á ɓoamia ɓínde? Nga, nyɔngɔ ndɔ Mɔkɔta aámbé ɗákpangi tɔ̌mia í, mpɔ ɓunde ɗáɓáɔ́ki ɓáoengekisa ka ɓesu.

1 Pɛ́tɛɛ 5:1

Cɔ, kɛ̌kɛnde nɛɔ̌phɛa ɓadani ɓagbɛga á kanisa nde ɓá ka ɔlɔ anu. Eme nende phɔtɔ ngbɛga ɓea ɓɔ. Nende nɗigimisi á tambaga ndea Kiísito, neɓande na ka ɓoombia nde asɛnɛkande.

2 Pɛ́tɛɛ 1:16

Cɔ, mbenɔ nde ɗéɓenóúbisi nyɔngɔ á ja á Mɔkɔta nɛsu Yéso Kiísito na ɓukpɛkpɛ nɛkɛ, ɗéɓékébɛɗaneigi egani á jǎi-jǎi, nnde ɓakpa ɓáophusiaga. Ɗɛ́ɓɛɔni ndiu na iso asu sasasu ɓongbóngbó akɛ.