Lóka 1:1 - Ɔngana á Kɛ̌kɛ

¹ Mɔkɔta Tɛɔphílɔ, Ɓakpa ɗanga-ɗanga ɗáɓákengi ɗundua nyɔngɔ á Mɔkɔta, nnde ɗágeani sɔsɔɓɛ asu.

Lóka 1:1 Iomraidhean Croise

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

Yoáni 20:31

Cɔ, ɗáɓáɗundu gǎkɛ nnde ka gea, ɓóɓeekeɛ gea, Yéso ande Kiísito Muna-Mokonga. Kaɓɛ na ɓomɓeeki, ɓoɓande na enda ka yɛ.

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

Málikɔ 16:20

Ɓagoigi gǎkɛ, ɓáoga ɔtɔmiaga Mbino-Ánjá k'ɔ́ma bui. Mɔkɔta Yéso áoɓá na ɓɔ k'ékuma bui. Áoɗokomisa ɓɔphɛi nɛɓɔ ka ketangaɔ nde ɗáɓátú ɔtɔtɔkisa.]

Ɓalɔ́ma 4:21

Ɗáúbi ɗoni gea, Mokonga ana ɓukpɛkpɛ á tɔtɔkisa phɔtɔ kema nde ɗáɔku.

Ɓalɔ́ma 14:5

Ɓakpa moci-moci ɓáokanisia gea, ana esa nde anyɛ́nyi esa nɛngbo ka kantíti, ɓuangbo gǎkɛ a tɔ kimoci. Ambe nkpa na nkpa áengekisɛ ánjá nkanisiɔ nɛkɛ.

Ɓakɔlɔsái 2:2

Neokonda gbagisaga á měma aɓɔ na ɓukpɛkpɛ, ɓájukanɛ k'ékondani, ɓáúbɛ oengekisa kema ka ɓeana na úbapha ánjá. Mpɔ, ɓáúbande nyɔngɔ á ɓɔsɔmɛa ndea Mokonga, ande gea Kiísito tɔndɔ.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

1 Ɓatɛsalɔníka 1:5

A ɓó, ka nyɔngɔ nde, ɓî ɗɛ́ɓɛnɔ́tɔ̌migi Mbino-Ánjá ndea Mokonga, ɗáná tɔndɔ ka yɔnga, ɗátú ndiu ka ɓukpɛkpɛ ndea Měma á kanga ɓojeɗe. Ɗéɓebisi měma asu kau gea, ande ɗoni. Ɓoúbi phɔtɔ tambea asu ɓî ɗéɓeiki sɔsɔɓɛ anu, na ɗátú ánjá ka ɓenu.

Ɓaɛbulanía 6:11

Cɔ, mɔphɛ asu ande gea te, nkpa buakɛ sɔsɔɓɛ anu átetemisɛ ekuma na ka sungiaga ka gea te, nseɓeɔ nɛnu atɔtɔkɛanɛ.

Ɓaɛbulanía 10:22

Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.