Yakɔ́ɓɔ 5:8 - Ɔngana á Kɛ̌kɛ

⁸ Ɓáni phɔtɔ na měma áɗoko ka ɔ́kanea. Ɓáni na nténdé nga, Mɔkɔta a ye tɔ bíbí á bika.

Yakɔ́ɓɔ 5:8 Iomraidhean Croise

Lóka 21:19

Cɔ, bisani měma anu, nga ka gea anu ɓó aunge ɓoamisande měma anu.»

Yoáni 21:22

Yéso áonsikisia: «Kaɓɛ na nekondi gea áendɛ na ka ɓî nebikande, nɛkɔ kau ande eke? Oɓɛ, ómoɓeá!»

Ɓalɔ́ma 8:25

Cɔ, kaɓɛ na ɓeseɓei kema nde ɓékékɔɔna, ɓe gǎkɛ oɓondea ú na měma á phiphia.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaphilípi 4:5

Akeni ɓakpa ɓɔbu ɓáúbɛ ɓɔphɔngɔ anu. Nga, Mɔkɔta asóobika.

1 Ɓatɛsalɔníka 1:10

Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

1 Ɓatɛsalɔníka 2:19

Cɔ, mbenɔ á ja á Mɔkɔta nɛsu Yéso Kiísito, ani mmbé aɓande nseɓeɔ na maseye nɛsu, kaɓɛ na nna tɔndɔ ɓenu? Eya, ɓenu ɓáunge ɓoɓande kekombó nɛsu k'ébeba ně mosá akɛ.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

2 Ɓatɛsalɔníka 3:5

Ambe Mɔkɔta ánɔsɔndɔɛ ka měma k'ékondi nde ɓoně ka Mokonga na ka phiphia nde Kiísito aosópha.

Yakɔ́ɓɔ 5:3

Láté na imɔna nɛnu ana ɓánkɛngɛɔ. Ɓánkɛngɛɔ ndɔ, ande mphangiɔ á uja á nyama anu n'akɛkɛtande nyama anu ɓea nsa. Nga, ɓɔtɔi ásii k'ésa á sungiaga á mokonda.

Yakɔ́ɓɔ 5:9

Ɓaya, ɓɔ́kɔngɔngɔnɛanɛgɛmbɛ ka gea ɓákátenɛmbɛ nyɔngɔ nɛnu nga, nteni-nyɔngɔ a ye tɔ k'íso á mpume.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

Mphaniɔ 22:20

Mmbé amamei nyɔngɔ á suɓi á ɓuku ndee, ayɔngi ɓe: «Eya, neobika kɛ̌kɛnde.» Áɓɛ ɓó, Mɔkɔta Yéso, bika!