Yakɔ́ɓɔ 5:5 - Ɔngana á Kɛ̌kɛ

⁵ Ɓobomi kpɔngbɔ n'eɗáka ka enda anu ka mokonda. Ɓooɓondeaga kukuwa suɓi á ɓɔɛngɔ ɓea ɓanyama á etuge nde ɓánɔnigi na ɓáoɓondeaga tena aɓɔ.

Yakɔ́ɓɔ 5:5 Iomraidhean Croise

Lóka 16:19

Ntɔi moci ɗáɔɔ́laga bɔngɔ áphǒ-phǒ n'esombi í n'akpɛ phɛɛ. Ɗá phɔtɔ oenda esa bubui ánjá na eaga eea nde aotena soki.

Lóka 16:25

Abalaámu â ndiu ongoɗea te: «Miki amɔ, kanisia gea te, ɗɔ́tɔi kema ánjánja ka enda akɔ, Lajáɔ â gǎkɛ ɔtɔa kema ájeɗe-jeɗe. Kɛ̌kɛnde gǎkɛ, aphɔngi tɔ wani phio! Oɓɛ aámbé o ndiu ká tambaga.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

1 Timɔtɛ́ɔ 5:6

Nke á kekusa ímbe a gǎkɛ oenda ka tambea ájeɗe, nanga a phɔ́tɔ koenda, a yé ku.

2 Timɔtɛ́ɔ 3:4

ɓatɔngi-ɓakpa, ɓato á mɔ̌ akpɛ, ɓato étondoa, ɓato á konda nnde ɛ̌ɓɔngɛi kángá á konda gǎkɛ Mokonga.

2 Pɛ́tɛɛ 2:13

Ophendɔ nɛɓɔ aɓande tambaga ka nyɔngɔ á ɓojeɗe nde ɗáɓági. Ɓána maseye ka tɔtɔkisa base mɔphɛ nɛɓɔ ájeɗe somani. Mbenɔ nde ɓooɓá na ɓɔ ka jaí, ɓáoɓá na maseye ka dema anu, kiɗia aɓɔ ka ɔlɔ anu ande kema á soni na kema á jɔɔkisa á měma.

Yúda 1:12

Ɓánde ephiphi ájeɗe ka nkíndí anu ka mbenɔ á eaga eea á ekondani á komunamema, ɓáoeaga n'ɛphɛɛu kángá á soni na ɓá tɔ ɔɛnjia mɔphɛ nɛɓɔ sasaɓɔ. Ɓáogea ɓó kángá kɔɓɔɓɔkɔ. Ka mbenɔ á eaga, ɓá tɔ ɔnjia nyɔngɔ nɛɓɔ sasaɓɔ. Ɓákengeani n'egugu nde aoyembia ka nyɔngɔ á maphopho nde nna kɔɔkisa mbua. Ɓá tɔ ɓea me nde nna ɔgɔmbisa mbuka nanga áɓá matú á gɔmbisa í. Cɔ, ɓá ye ophúia mǐgi í, áokuwa mɔngɔ iɓɛ.

Mphaniɔ 18:7

Ɓea ɓî ntanga-nji ndɔ ɗátú na ɓoombia n'ɛtɔi, akeni ɓóntambisɛgɛ na áɓɛ n'oiɔ ɓíndɔ ɗátú na ɓoombia n'ɛtɔi. Yɛ aǒgea sisakɛ gea: Neiki ka kankaanga á koɓoamɛ ɓea moamɛ-nke. Ké nke á kekusa na kékusanɛeka tanda.