Yakɔ́ɓɔ 5:20 - Ɔngana á Kɛ̌kɛ

²⁰ Úbani gea: Mmbé ankiɗianisi nto á ɓojede k'aphe ánjá, anamisande ka kukuwa na ɓáímande ɓojeɗe nɛkɛ ásii.

Yakɔ́ɓɔ 5:20 Iomraidhean Croise

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Ɓalɔ́ma 11:14

Neseɓei bisisa á ɓato á k'ékuna nɛmɔ na nsengo ka amisa ka ɓɔ.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 9:22

Mbenɔ nde nɛɔbɛɗanaga sɔsɔɓɛ á ɓakpa nde ɓákámɔtimbɛ ka ɓeekea, tambea ani aokengeana na nndɛaɓɔ ka gea, ɓámɓeekeɛ Kiísito. Eya, neǒyamea ka ɓakpa ɓɔbu ka gea, ɓakpa ɓunɛngbo sɔsɔɓɛ aɓɔ ɓáamɛ ka měma.

1 Timɔtɛ́ɔ 4:16

Cɔ, oɓɛ óenga sasakɔ, ka tambea akɔ na ɓɔphɛi nɛkɔ, ótétemanɛ kau. Nga, oogea ɓó, ǒamisande sasakɔ na amisa á ɓundɔ ɓáɔkɔɔ́ka.

Philɛmɔ́nɔ 1:19

Eme Pɔ́lɔ aámbé neɗundu nyɔngɔ nde na njaga ani sasani gea: nekophendande. Oɓɛ gǎkɛ, kanisia gea, ona nyɔngɔ nɛmɔ nga, ɗékobikíí na mbino á ɓoamia.

Yakɔ́ɓɔ 1:15

Mɔphɛ ájeɗe ndɔ a ye ɔmɔta áɔɓɔkɔta ɓojeɗe. Ɓojeɗe a ye ɔmɔta áɔɓɔkɔta kukuwa.

Yakɔ́ɓɔ 1:21

Kaɓondɔ, tókisani kema nde aɔjɔɔkisa měma na kokae ásii bui nnde ɓoně. Ɓeekeani ndiu na édidisa nyɔngɔ nde Mokonga akoni ka měma anu nga, nndɔ ana ɓukpɛkpɛ á amisa anu ka měma.

Yakɔ́ɓɔ 5:15

Mɛma á Mokonga suɓi á ɓeekea anamisande nsambi na Mɔkɔta ammamisande na íma ɓojeɗe nɛkɛ kaɓɛ n'atógi ú.

Yakɔ́ɓɔ 5:19

Ɓaya, aoɓá ka ɓenu n'aɓúngigi k'aphe ájeɗe, nkpa ɓaangbo â gǎkɛ onkiɗianisa k'aphe ánjá.

1 Pɛ́tɛɛ 4:8

Mosá á kema bui, ɓáni n'ekondi sɔsɔɓɛ anu phɛɛ nga, ekondi aogbukumia ɓojeɗe ásii.

Mphaniɔ 20:6

Maseye phɛɛ ka ɓunde ɓáɓande ka mɔɔmba á jujúka á k'ama mosá-mosá ka kukuwa. Kukuwa á ko iɓɛ nna na ɓukpɛkpɛ gǔ aɓɔ. Ɓáɓande ndiu ɓatoɓeigi-phɛ́a na Kiísito. Ɓámameande nji kimoci na yɛ suɓi á ɓasaga ɛlɛphu moci (1.000).