Yakɔ́ɓɔ 5:16 - Ɔngana á Kɛ̌kɛ

¹⁶ Cɔ, Phúiani kaɓu nde nkpa na nkpa atú ně ka dakɛ. Nkpa na nkpa ámɛmɛ phɔtɔ Mokonga ka phɔa dakɛ ka gea ɓóamɛ. Nga, ɛmɛmi á nto á koɗoni ana ɓukpɛkpɛ phɛɛ.

Yakɔ́ɓɔ 5:16 Iomraidhean Croise

Matáyɔ 21:22

Aoɓá na ɓona ɓeekea, Mokonga anóphande kema bui nde ɓɔɔmɛma suɓi á ɛmɛmi.»

Matáyɔ 3:6

Ɓáoɓeekea ɓojeɗe nɛɓɔ, mpɔ Yoáni áǒɓatisa ɓɔbu ka iɓo Yɔɔdáni.

Málikɔ 1:5

Ɓakpa ɓɔbu á ka ntanga-nji á Yudɛ́a na ɓunde á ntanga-nji á Yɛusalɛ́ma, ɓáondonda, ɓáɔyɔnga nyɔngɔ á ɓojeɗe nɛɓɔ. Mpɔ, Yoáni áǒɓatisa ka iɓo Yɔɔdáni.

Lóka 9:6

Mpɔ, ɓateki ɓáoga na ɓáɔtɔmiaga Mbino-Ánjá ndea Mokonga nji ka nji, ɓâ phɔtɔ ǒamisa ɓato á esambɔ k'ɔ́ma bui.

Yoáni 9:31

Ɓeoúba gea, Mokonga nnaɔ̌ɓɔ́ka ɓato á ɓojeɗe. A ndiu tɔ ɔmɔ́ka mmbé aomɓánga, phɔtɔ mmbé aɔtɔtɔkisa mɔphɛ akɛ.

Ekuma á ɓateki 10:38

Ɓo phɔtɔ oúba ɓî Mokonga ɗátúmisi ɓukpɛkpɛ á Měma akɛ ka Yéso ɓa Najalɛ́ti. Ɓo phɔtɔ oúba ɓî Yéso ɗátambi ásii ka nji bui n'aogea ánjá, na aǒamisa ɓakpa ka měma, ɓunde ɗáɓátú ka kɔkɔɓɛ á Nketi. Nga, Mokonga ɗátú kimoci na yɛ.

Ekuma á ɓateki 19:18

Ɓakpa ɓásii, ɓunde ɗáɓámɓeeki Mɔkɔta Yéso, ɓáobika ɔɓɔngisiaga nyɔngɔ nɛɓɔ na yɔnga í mosá á ɓakpa.

Ekuma á ɓateki 8:24

Simɔ́ni áonsikisia Pɛ́tɛɛ na Yoáni te: «Mɛmani Mɔkɔta sasanu ka phɔani gea, ɓojeɗe ndɔ ɓɔmɔyɔngɛí, kau kaɓɛ́mbɛ gǔ ani.»

Ɓalɔ́ma 3:10

A tɔ ɓíndɔ ɗáɓáɗundu suɓi á Ɓuku á Mokonga gea: «Nna tanda na nkpa moci mmbé ande nto á koɗoni.

Ɓalɔ́ma 5:19

Cɔ, ɓî ka nyɔngɔ á ɓojeɗe ndea nkpa moci tɔ unge ɓakpa ɓásii ɓángí ka ɓojeɗe, a phɔtɔ ɓó unge ka nyɔngɔ á ɔ́kapha á nkpa moci tɔ, Mokonga aétangande ɓakpa ɓásii ɓato á koɗoni mosá akɛ.

Ɓakɔlɔsái 1:9

Kaɓondɔ unge, kpanga á ɓî ɗɛ́ɓɛɔ́ki nyɔngɔ anu, ɓékéoɗeketa mɛma á Mokonga ka phɔa anu. Ɓɛɔmmɛma ka gea, ánoúbisɛ mɔphɛ akɛ na opha anu kɔɓɔɔngɛ na úbapha ásii nde Měma akɛ aobikisa.

1 Ɓatɛsalɔníka 5:17

mɛmani Mokonga kángá ɗeketa,

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

1 Ɓatɛsalɔníka 5:25

Ɓaya, mɛmani Mokonga ka phɔasu.

Ɓaɛbulanía 11:4

Ka nyɔngɔ á ɓeekea, Abɛ́li ɗáphúi phɛ́a ánjá phɛɛ ka Mokonga kɔnyɛ́nya nnde á Kaína. Ka nyɔngɔ á ɓeekea ndɔ unge Mokonga ayɔngi gea Abɛ́li ande nto á ɗoni nga, Mokonga yɛ sasakɛ ɗáɓeeki ɛkɔmi ka Mokonga nɛkɛ. Nanga ɓî Abɛ́li aku ye, ɓeekea nɛkɛ a phɔ́tɔ n'aosóphɛa.

Ɓaɛbulanía 11:7

Ka nyɔngɔ á ɓeekea ndea Nɔ́a, Mokonga ɗántɔ̌migi nyɔngɔ á kema nde ɗákáɔnimbɛ, áoɓeekea nyɔngɔ nde Mokonga ayɔngi kángá á ngǎka, áɔsɛka koko ángbó ka amisa akɛ n'ékombo nɛkɛ bui. Kaɓondɔ unge ɗáteni nyɔngɔ á ɓato á ka mokonda akpɛ. Ka nyɔngɔ á ɓeekea, Mokonga áontanga nto á ɗoni.

Ɓaɛbulanía 12:13

Bisani ecinji anu k'aphe n'ěcumi dɛ! Ka gea te, ɓato á kiɗɔti ɓákaguɛmbɛ, ecinji aɓɔ áamɛ ndiu.

Ɓaɛbulanía 13:18

Mɛmani ka phɔa asu. Ɓeoúba ɗoni gea ɓékégi kema ájeɗe ka sɛka asu nga, ɓekondi ɓétambɛ ánjá k'aphe bui.

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.

1 Yoáni 3:22

Yɛ aosopha kema bui nde ɓɛɔmɛma, ka nyɔngɔ nde, ɓeoamba ɛɔphi nɛkɛ, na tɔtɔkisa á kema nde amɓɔngɛi.