Yakɔ́ɓɔ 5:15 - Ɔngana á Kɛ̌kɛ

¹⁵ Mɛma á Mokonga suɓi á ɓeekea anamisande nsambi na Mɔkɔta ammamisande na íma ɓojeɗe nɛkɛ kaɓɛ n'atógi ú.

Yakɔ́ɓɔ 5:15 Iomraidhean Croise

Matáyɔ 17:20

Yéso áǒsikisia gea: «Ka nyɔngɔ nde ɓeekea anu aábɔa phɛɛ. Nenóngoɗi ɗoni gea, atúoɓá na ɓo tɔ na ɓeekea ábɔa ɓea mbuka á aladáli, ɓotóngoɗeande mamba ndee: ‹Tówa wani, ógɛ kó!› Atógande, ka kema kátóúkɛku tɔtɔkɛana ka njaga anu. [

Yoáni 5:14

Mbusa í, Yéso â goto ondonda nami ndɔ suɓi éndu á Mokonga, áongea: «Cɔ, oami, kogeɛmbɛ ye ɓojeɗe ka ɓánga te, kema ájeɗe phɛɛ kaokiɗianeɛmbɛ.»

Yoáni 6:39

Mɔphɛ á mmbé ɗámoteki ande gea te, kémɓungisɛmbɛ mɔnɔ ka ɓunde ɗámopi. Nénjujukisɛ ndiu ka kukuwa k'ésa á sungiaga á mokonda.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

2 Ɓakɔlítɔ 4:14

Ɓeoúba gea, Mokonga ɗánjujúkisi Mɔkɔta Yéso ka kukuwa. Asójujukisaeka phɔtɔ kimoci na Yéso, áosóbisa kimoci na ɓenu bíbí akɛ.

Yakɔ́ɓɔ 1:6

Ámɛmɛ ndiu ú na měma á ɓeekea, kángá á ngǎka. Nga, mmbé ana ngǎka, ande ɓea kɛtɛmbɔ á iɓo k'óɓenge, nnde maiphianɔ aoémisaga nci gbɔgbɔ.

Yakɔ́ɓɔ 5:13

Aoɓá ka ɓɛnu moci n'aotambaga, ámɛmɛ Mokonga. Aoɓá n'ana maseye, ánnembeɛ embɔ óbebɔ.

Yakɔ́ɓɔ 5:16

Cɔ, Phúiani kaɓu nde nkpa na nkpa atú ně ka dakɛ. Nkpa na nkpa ámɛmɛ phɔtɔ Mokonga ka phɔa dakɛ ka gea ɓóamɛ. Nga, ɛmɛmi á nto á koɗoni ana ɓukpɛkpɛ phɛɛ.

Yakɔ́ɓɔ 5:20

Úbani gea: Mmbé ankiɗianisi nto á ɓojede k'aphe ánjá, anamisande ka kukuwa na ɓáímande ɓojeɗe nɛkɛ ásii.