Yakɔ́ɓɔ 5:14 - Ɔngana á Kɛ̌kɛ

¹⁴ Aoɓá ka ɓenu moci n'aosamba, áɛɓɔphanɛ ɓagbɛga á kanisa ka gea te, ɓámɛmɛ Mokonga ka phɔakɛ na siá akɛ gamba k'ína á Mɔkɔta.

Yakɔ́ɓɔ 5:14 Iomraidhean Croise

Málikɔ 16:18

Ɓáedungande ɓanjɔka. Aoɓá na ɓánu kema nde nkpa aokuwa ně, kéegeɛku kema. Ɓábisande njaga aɓɔ gǔ á ɓasambi, ɓundɔ ɓáoama.»

Málikɔ 6:13

Ɓáǒɓeaga ɓansombo ɓásii suɓi á ɓakpa, ɓáǒsia ɓato á kukuwa ɓásii gamba, ɓáoama.

Ekuma á ɓateki 11:30

Ɓagbɛga ɓáogea ɓó. Baanába na Saúlɔ ɓáotanga imɔna ndɔ ka ɓagbɛga á kanisa á ka Yudɛ́a.

Ekuma á ɓateki 14:23

Suɓi á kanisa moci-moci á ka nji ndɔ, Pɔ́lɔ na Baanába ɓáɔ̌sɔmbɔa ɓagbɛga á kanisa. Mbusa í, ɓáɔmɛma na ika kángá á eaga ka nyɔngɔ á mɛma á Mokonga. Mpɔ ɓáǒbisa ka njaga Mɔkɔta mmbé ɓámɓeeki éambɛ.

Ekuma á ɓateki 15:4

Ɓî ɓakpa nde kanisa ɗáeteki ɓájú ye na Yɛusalɛ́ma, ɓato á ka kanisa, ɓateki ndea Yéso na ɓagbɛga ɓáǒsesea. Pɔ́lɔ na Baanába ɓáɔ̌tɔmiaga kema bui nde Mokonga ɗági ka njaga aɓɔ.

Ekuma á ɓateki 28:8

Abakɛ na Publíɔ ɗááɗe gǎkɛ k'éka ka nyɔngɔ nde, ɗátú na jónga, na ephóa á magia. Pɔ́lɔ áoga ɔmɔna ka yɛ, áobisa njaga gǔ akɛ, áɔmɛma Mokonga, áonamisa.

Ekuma á ɓateki 9:40

Cɔ, Pɛ́tɛɛ áǒjuanisa ɓakpa ɓɔbu, áogbuka muanku ka mɛma á Mokonga. Mbusa, áǒpháia ka mǒnda, áogeae: «Tabíta má!» Tabíta áokoɗa iso. Amɔni ye Pɛ́tɛɛ, áǒmesia.

Títɔ 1:5

Cɔ, ɗékosagi ka kesanga á Kɛɛ́tɛ ka gea, ɔ́ɓɔngisɛgɛ nyɔngɔ bui nde ajigi, na bisa á ɓagbɛga á kanisa ka ntanga-nji bui, ɓíndɔ ɗékososi.