Yakɔ́ɓɔ 5:10 - Ɔngana á Kɛ̌kɛ

¹⁰ Ɓaya, ókanisiani phɔ́ ɓaɔtu-nyɔngɔ ndea Mokonga ɓunde ɗáɓáɔyɔnga k'ína á Mɔkɔta, ɓî ɗáɓáphiphíí suɓi á tambaga. Ɓenu, ɓáni phɔtɔ ɓó.

Yakɔ́ɓɔ 5:10 Iomraidhean Croise

Lóka 13:34

Hoo! Yɛusalɛ́ma, hoo! Yɛusalɛ́ma, oɓɛ ímbe ǒmowa ɓaɔtu-nyɔngɔ ndea Mokonga, kusa aɓɔ ka makeaga ɛtɛ ɓunde Mokonga aǒteka mɔtɛ-akɔ! Mɔngɔ kǔngaáni ɗékondi dondanisa á ɓakpa nɛkɔ bíbí ani ɓea ama-gbɔ̌kɔ n'aódondanisa ɓ'anakɛ kusi á kepupe akɛ. Cɔ, ɓenu ɗóɓokókóndi gǎkɛ!

Lóka 6:23

Gúani jaí k'ésa ndɔ, ɓɛ́kágáni na maseye nga, ɓoɓande n'ophendɔ ángbó na koba. Nga, ɓondɔ unge ɓatataɓɔ ɗáɓěsoni ɓaɔtu-nyɔngɔ ndea Mokonga.

Ekuma á ɓateki 3:21

Kɛ̌kɛnde gǎkɛ, akeni Kiísito áikɛ na koba ka sungiaga ɓî Mokonga aɓɔngisiande goto kema bui, ɓíndɔ ɗéengoɗi ɓaɔtu-nyɔngɔ nɛkɛ á kala, ɓato á kanga á ɓojeɗe.

Ekuma á ɓateki 7:52

Ka ɓaɔtu-nyɔngɔ ndea Mokonga sina mmbé ɓatatanu ɗáɓákántambisigi? Eya, ɗáɓáemowe ɓundɔ ɗáɓáɔtu kiɗia á mbɛɗanigi nɛkɛ, Nto á koɗoni. Ɓenu gǎkɛ, ɓɔ́ɔntɔnga, ɓóommowa.

Ɓaɛbulanía 13:7

Ókanisiani ɓakɔta nɛnu á k'ama mosá-mosá ɓunde ɗáɓánoúbisi nyɔngɔ ndea Mokonga. Ianagani ka phɔa á kema nde ɗáɓátɔtɔkisi ka enda aɓɔ. Mɓeekeani Mokonga ɓea ɓɔ.

Yakɔ́ɓɔ 4:11

Ɓaya, ɓókoyɔngɛanɛmbɛ ájeɗe. Mmbé aɔn'yɔngɛa dakɛ ájeɗe, kaɓɛ tena á nyɔngɔ nɛkɛ, ayɔngɛi ɛɔphi ájeɗe na tena á nyɔngɔ í. O ye gǎkɛ otena nyɔngɔ ɛ́ɔphi mmbe ǒbisi ye tɔ nteni-nyɔngɔ. Kó ye nto á amba ɛ́ɔphi.

Yakɔ́ɓɔ 5:13

Aoɓá ka ɓɛnu moci n'aotambaga, ámɛmɛ Mokonga. Aoɓá n'ana maseye, ánnembeɛ embɔ óbebɔ.

Yakɔ́ɓɔ 5:7

Cɔ, ɓaya, phiphiani na ka ɓî Mɔkɔta abikande. Bisani kanisia anu ka ngubi ɓî aɔɔ́kanɛaga ɗúngú á mbó á ka ciko nɛkɛ. Yɛ aɔɔ́kanea ɔká á mbua á k'ama mosá-mosá na nnde á ka sungiaga.

Yakɔ́ɓɔ 5:9

Ɓaya, ɓɔ́kɔngɔngɔnɛanɛgɛmbɛ ka gea ɓákátenɛmbɛ nyɔngɔ nɛnu nga, nteni-nyɔngɔ a ye tɔ k'íso á mpume.