Yakɔ́ɓɔ 4:7 - Ɔngana á Kɛ̌kɛ

⁷ Kaɓondɔ, ódidisani mosá á Mokonga, ɓón'yegɛ nketi na ateande áoga ɗanga.

Yakɔ́ɓɔ 4:7 Iomraidhean Croise

Matáyɔ 11:29

Kumbani nkumba áɗoko nɛmɔ na ɓógoɛgɛ ɓɔphɛi nɛmɔ nga, eme neaphɔngɔ na měma édidisa. Kaɓondɔ, ɓenu sasanu ɓoúmbiande.

Ekuma á ɓateki 26:19

«Moamɛ Agiípa, ka nyɔngɔ índɔ unge kɛ́ɓɛnjigi mphaniɔ nde ɗátóki na koba.

Ekuma á ɓateki 9:6

Cɔ, má, ógɛ ka ntanga-nji á Damasíki. Kó, ɓáongoɗeande kema nde akeni ógeɛ ú.»

Ɓalɔ́ma 10:3

Nga, ɗáɓákáoúba moangɔ ndea Mokonga ka bisa ɓakpa ɓato á koɗoni mosá akɛ, ɓâ ndiu okáɓa bisa á koɗoni nɛɓɔ sasaɓɔ, ɓákákondɛ ɓeá aphe á koɗoni ndea Mokonga.

Ɓalɔ́ma 14:11

Ka nyɔngɔ nde ɓáɗundu suɓi á Ɓuku á Mokonga gea: «Eme Mɔkɔta mmbé neoenda nɛyɔngi gea, nkpa na nkpa agbukande muanku akɛ mosá ani na ɓɔbu ɓámbebande Mokonga.»

Ɓaɛphɛ́sɔ 4:27

Ɓókómophɛmbɛ nketi ɔma.

Ɓaɛphɛ́sɔ 5:21

Ɔ́kanani na ɗokomisanani ka nyɔngɔ á ika kusi á kɔkɔta ndea Kiísito.

Ɓaɛphɛ́sɔ 6:13

Ɓî a ɓó, bɛɗani nkumba émani bui ndea Mokonga ka gea, ɓóubɛ kǒsimbia ka mana na mɓiɓia k'ésa ájeɗe nde aobika. Mbusa á gɔɓɛa emani unge ɓomamande akpɛ.

Ɓaɛbulanía 12:9

Goto ɓena ɓabasu íɓunde ɓásɔɓɔkɔti, ɓunde ɓáosogoisaga, ɓɛ́ɔɓɔ́ka. Cɔ, akeni ɓɛmɔ́kɛ phɛɛ Abasu á ka měma ka gea te, ɓéɓɛ na enda á mɛyɔ.

1 Pɛ́tɛɛ 2:13

Ɔ́ɓɔ́kani ɓakɔta ɓɔbu á ka mokonda ka nyɔngɔ nde, ɓomɓeeki Mɔkɔta: Kaɓɛ moamɛ mmbé ana kɔkɔta gǔ á ɓakpa ɓɔbu,

1 Pɛ́tɛɛ 5:6

Cɔ, ódidisani kusi á njaga á ɓukpɛkpɛ ndea Mokonga ka gea ánotáisɛ ka mbenɔ nde akeni.