Yakɔ́ɓɔ 4:6 - Ɔngana á Kɛ̌kɛ

⁶ Yɛ gǎkɛ, asophi ɓonjánja-ékondi nɛkɛ ángbó phɛɛ, ɓíndɔ Ɓuku á Mokonga ayɔngi phɔtɔ gea: «Mokonga nnaɔɔ́kana na ɓato á ɓemboko, a ndiu ǒɓopha ɓato á édidisa, ɓonjánja-ékondi nɛkɛ.»

Yakɔ́ɓɔ 4:6 Iomraidhean Croise

Matáyɔ 13:12

Nga, nkpa nde ana kema, ɓámophande nengbo, áoɓá ně ásii. Mmbé gǎkɛ nna na kau, ɓámutande n'índɔ aně.

Matáyɔ 23:12

Mmbé aǒtáisa, ɓándidisande. Mmbé a gǎkɛ ǒdidisa, ɓántáisande.

Lóka 1:52

Ětókisi ɓaamɛ ka kankaanga á kɔkɔta, áǒsamboa ɓakusi.

Lóka 14:11

Nga, nkpa buakɛ mmbé aǒɗokomisa, ɓándidisande. Nkpa nde a ndiu ǒdidisa aámbé ɓánɗokomisande.»

Lóka 18:14

Mpɔ, Yéso áǒngoɗea: «Cɔ, negie, mphendisigi-manjanja ɗáji mɔtɛ-akɛ, na ye tɔ nto á koɗoni k'íso á Mokonga, nna Mophaisáyɔ. Nga, nkpa buakɛ mmbé aǒɗokomisa, aámbé ɓándidisande. Nkpa nde a gǎkɛ ǒdidisa, aámbé ɓánɗokomisande.»

Yakɔ́ɓɔ 4:10

Ódidisani mosá á Mɔkɔta, na yɛ anotáisande.

1 Pɛ́tɛɛ 5:5

A phɔtɔ ɓó ka ɓenu ɓaganda na ɓaseka, ɔ́ɓɔ́kani ɓagbɛga á kanisa. Ɓenu ɓɔbu ka tambea anu, ódidisani nkpa moci ka dakɛ nga, Ɓuku á Mokonga ayɔngi gea: «Mokonga nnaogamana na ɓato á ɓemboko, a ndiu ǒɓopha ɓato á édidisa ɓonjánja-ékondi nɛkɛ.»