Yakɔ́ɓɔ 4:5 - Ɔngana á Kɛ̌kɛ

⁵ Ɓomá ndiu okanisia te, nyɔngɔ nde a suɓi á Ɓuku á Mokonga ande á jǎi-jǎi ɓî agi te: «Mokonga nna phɔ́ na nsengo ka phɔa Měma akɛ nnde ɗábisi suɓi asu?»

Yakɔ́ɓɔ 4:5 Iomraidhean Croise

Yoáni 10:35

Cɔ, nna na nkpa nde aɔtɔka n'aɓúni nyɔngɔ nde a suɓi á Ɓuku á Mokonga. Ande gea, Mokonga ɗáɛɓɔphani ɓamokonga á mbɛa ɓundɔ ɗáɓěngoɗi nyɔngɔ á Mokonga.

Yoáni 19:37

Ɓáɗundu goto suɓi á ɓuku gea: «Ɓámɔnande mmbé ɗáɓántúmi.»

Yoáni 7:42

Ɓáɗundu suɓi á Ɓuku á Mokonga gea, Kiísito aɓáeka mosuko á moamɛ Daúdi. Atókande na Bɛtɛlɛɛ́mu, ka nji ndɔ Daúdi ɗáɓɔkɔtɛani kau.»

Ekuma á ɓateki 7:9

Ka ɓatataɓɔ, moci ɗátú Yɔsɛ́phu. Ɓana-amakɛ nkama na moci (11), ɓáoɓá na nsengo gǔ akɛ. Kaɓondɔ, ɓáonsombisa, áoɓá nkɔɓɛ na Mísii. Nanga ɓó, Mokonga áoɓá kimoci na yɛ.

Ɓalɔ́ma 1:29

Ɓátúmi n'etéte á kanga koɗoni bui, ɓojeɗe, kokae, mɔphɛ ájeɗe, kuma, ɓátúmi na nsengo, moaga á ɓakpa, sani, maibe, ɓɔ ɓánde ɓato á tɔngana.

Ɓalɔ́ma 9:17

Mokonga áongoɗea Phaláɔ suɓi á Ɓuku gea: «Netókobisi tɔ moamɛ ka gea k'óɓɛ unge neúbisande ɓukpɛkpɛ ani na ka gea ina ani ɓáɛmbisɛ ka mokonda bui.»

1 Ɓakɔlítɔ 6:19

Ɓókó gǎkɛ oúba gea, nyama anu ande endu ndea Měma á kanga ɓojeɗe? Na Měma nde ɓoně Mokonga aámbé anophi? Ɓókó ɓamɛna-nyama anu sasanu.

2 Ɓakɔlítɔ 6:16

Endu ndea Mokonga n'endu ésomba á ɓaketi a kimoci? Nga, ɓende endu ndea Mokonga mmbé aoenda. A ɓíndɔ Mokonga ayɔngi gea: «Neikande sɔsɔɓɛ aɓɔ na netambande kimoci na ɓɔ, Neɓande Mokonga nɛɓɔ, ɓáoɓá ɓakpa nɛmɔ.»

Ɓagalatía 3:8

Ɓuku á Mokonga ɗáangi mosá gea, Mokonga aebisande ɓunde ɓáná Ɓayúda ka ɓá ɓato á koɗoni ka nyɔngɔ á ɓeekea nɛɓɔ. Kaɓondɔ unge, Ɓuku á Mokonga ɗátɔ̌migi ka Abalaámu Mbino Ánjá ndee: «Mokonga abisande njaga k'ékuna bubui ka nyɔngɔ akɔ.»

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.