Yakɔ́ɓɔ 4:4 - Ɔngana á Kɛ̌kɛ

⁴ Ɓato á kanga ɓeekea nde ca! Ɓókóoúba gea, aoɓá nkpa n'abisi mɔphɛ akɛ ka nyɔngɔ á ka mokonda, ande mɓiɓia ndea Mokonga? Mmbé akondi bisa mɔphɛ akɛ ka kema á ka mokonda ande mɓiɓia ndea Mokonga.

Yakɔ́ɓɔ 4:4 Iomraidhean Croise

Matáyɔ 12:39

Yéso áǒsikisia te: «Ɓato á k'ɛɓɔkɔti ájeɗe nde na ɓato á kanga ɓeekea á Mokonga nde, ɓáokaɓa mphangiɔ á ketangaɔ! Mphangiɔ nɛngbo kátɔtɔkɛanɛku ka ɓenu, na nna tɔ nndɔ á Yɔ́na mɔtu-nyɔngɔ ndea Mokonga.

Matáyɔ 16:4

Ɓato á ɛɓɔkɔti nde ɓánde ɓato á ɓojeɗe, ɓato á kanga ɓeekea á Mokonga! Ɓɔ, ɓáɔmɛma ɔna á mphangiɔ á ketangaɔ. Cɔ, ɓákáɔnɛku gǎkɛ mphangiɔ nɛngbo na nna tɔndɔ nndɔ á Yɔ́na.» Mpɔ Yéso áǒɗeketa, áoga nɛkɛ.

Matáyɔ 6:24

Nna na nkpa nde aɔtɔka bɛɗaneaga á ɓakɔta ɓaɓɛ. Nga, ankangeande moci, áonkonda ɓaangbo. Kaɓɛ na nna ɓó, ajúkanande na moci, áomɓɛnjiaga ɓaangbo. Kɔ́ɔtɔka bɛɗaneaga á Mokonga na bɛɗaneaga á imɔna mɔngɔ moci.

Lóka 19:27

Cɔ, ɓaɓiɓia ani, ɓundɔ ɓánáokonda néɓɛ moamɛ gǔ aɓɔ, obikani ně koni, ɓóótenɛ mosá ani.›»

Yoáni 15:19

Ɓotúoɓá ɓato á ka mokonda, ámbé ɓánokondigi. Ɓato á ka mokonda ɓánokangei gǎkɛ ka nyɔngɔ nde, nɛnɔsɔmbu, néonotokisa sɔsɔɓɛ aɓɔ.

Yoáni 17:14

Eme aámbé ɗéɓophi nyɔngɔ nɛkɔ, ɓato á ka mokonda ɓáǒkangea ka nyɔngɔ nde, ɓáná ɓato á ka mokonda ɓíndɔ eme ké nto á ka mokonda.

Yoáni 7:7

Ɓato á ka mokonda ɓánáɔtɔka na ɓánokangei. Ɓámokangei ndiu eme nga, nɛɔtɔmiaga gea, ekuma nɛɓɔ aájeɗe.

Ɓalɔ́ma 5:10

Nga, mbenɔ nde ɗéɓetú ɓaɓiɓia ndea Mokonga, ɗásɔɔnganisi na yɛ ka nyɔngɔ á kukuwa á Anakɛ. Nndɔ aphangisi base gea, ɔngana asu na yɛ, ɓeamande ka nyɔngɔ á enda á Kiísito.

Ɓalɔ́ma 8:7

Nga, ɓakpa nde ɓáoɓea tambea nɛɓɔ á kokpa, ɓánde ɓaɓiɓia á Mokonga. Ɓɔ, ɓákáotambea ɓíndɔ ɛɔphi ndea Mokonga asosi nga, ɓáká tanda ɔtɔka ú.

1 Ɓakɔlítɔ 1:20

Cɔ, nto á kɔɓɔɔngɛ awani? Ngoisigi-ɛɔphi awani? Nto á úbapha á ka mokonda awani? Mokonga kákěti phɔ́ kɔɓɔɔngɛ ndea ka mokonda nde ka kobóbó?

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

Ɓagalatía 1:10

Cɔ, ka yɔnga ani kɛ̌kɛnde ɓó, ande gea te neokáɓa gea, ɓakpa ɓámoɓeekeɛ? Ɓɛɛndɔ! Ne ndiu okáɓa gea Mokonga ámbé ámoɓeekeɛ. Ande gea te, neokáɓa ékondisaga na ɓakpa? Atú oɓá na neokáɓa ékondisaga na ɓakpa, ámbé kétóɓɛku mbɛɗanigi ndea Kiísito.

Yakɔ́ɓɔ 1:27

Kanisa ánjá na á kanga ɓɔjɔɔkiɔ k'íso á Abɛ Mokonga, ande amba á ɓaniki á jiga, na ɓake á kekusa suɓi á tambaga nɛɓɔ. Goto, teani ɓojeɗe á ka mokonda.