Yakɔ́ɓɔ 4:11 - Ɔngana á Kɛ̌kɛ

¹¹ Ɓaya, ɓókoyɔngɛanɛmbɛ ájeɗe. Mmbé aɔn'yɔngɛa dakɛ ájeɗe, kaɓɛ tena á nyɔngɔ nɛkɛ, ayɔngɛi ɛɔphi ájeɗe na tena á nyɔngɔ í. O ye gǎkɛ otena nyɔngɔ ɛ́ɔphi mmbe ǒbisi ye tɔ nteni-nyɔngɔ. Kó ye nto á amba ɛ́ɔphi.

Yakɔ́ɓɔ 4:11 Iomraidhean Croise

Lóka 6:37

Ɓókotenɛmbɛ nyɔngɔ á nkpa ka gea, ɓákatenɛmbɛ nyɔngɔ ínɛnu. Ɓókotenɛmbɛ nyɔngɔ á ɓakpa ka gea, ɓákatenembɛ nyɔngɔ ínɛnu akpɛ. Ímani ɓojeɗe nde ɓakpa ɓági ka phɔanu ka gea, ɓáímɛ ɓojeɗe ínɛnu.

Ɓalɔ́ma 2:1

Cɔ, oɓɛ ímbe ootena nyɔngɔ á ɓakpa ɓunɛngbo akpɛ, nanga oɓá ani, ɓákáúkɛku phɔtɔ tena á nyɔngɔ ínɛkɔ akpɛ nga, ootena nyɔngɔ ndea ɓadakɔ akpɛ n'ɔ phɔtɔ otambea ɓea ɓɔ. Kaɓondɔ, o tɔ otena nyɔngɔ nɛkɔ akpɛ oɓɛ sasakɔ.

Ɓalɔ́ma 2:13

Cɔ, nna gǎkɛ ɓakpa nde ɓá tɔ ɔɔ́ka ɛɔphi ɓáunge Mokonga aǒtanga ɓato á koɗoni. A ndiu ɓakpa nde ɓáotambea ɓíndɔ ɛɔphi asosi.

Ɓalɔ́ma 7:7

Cɔ, ɓɛ́yɔngɛ ɓo? Ɛɔphi ande ɓojeɗe? Aoɓóɓóa! Ɗéúbi tɔ ɓojeɗe ka nyɔngɔ ɛ́ɔphi nga, atuoɓá na ɓákáɗundu k'ɛ́ɔphi gea: «Kóɓɛmbɛ na mɔphɛ ájeɗe» ámbé keúbi gea mɔphɛ ájeɗea ɓei.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

Ɓaɛphɛ́sɔ 4:31

Ɓókóbisɛmbɛ suɓi á měma anu ɓojeɗe bui nde ɓánogǐí. Ɓókóɓɛmbɛ na esúia, ɓɛí, ntaɓo na mbóma. Sagani ɓojeɗe bui.

1 Timɔtɛ́ɔ 3:11

A phɔtɔ ɓó ka ɓake, ɓáɓɛ ɓakpa nde ɓákeni na ɔ́ka aɓɔ, ɓákáɓɛmbɛ n'ɛsɔ ájeɗe-jeɗe, ɓáambɛ tambea aɓɔ ánjá sasaɓɔ na ɓáɓɛ ɓato á ɗoni ka kema bui.

2 Timɔtɛ́ɔ 3:3

ɓato á kanga ekondi, kángá á ngomi, ɓatɔngi á mbɛa, ɓato á tondea ɓakpa, ɓato á kanga éamba, ɓakae, ɓayé-ɓonjánja,

Títɔ 2:3

Óngoɗeaga phɔtɔ ɓaphomi á ɓake gea, ɓáɓɛ na tambea nde akeni mosá á Mokonga. Ɓákaɓɛmbɛ ɓato á yɔngaga ájeɗe-jeɗe ka phɔa á ɓakpa ɓunɛngbo, ɓákáɓɛ mɔnɔ ɓakɔɓɛ á makana, ɓáɓɛ ndiu ɓagoisigi á ɓɔphɛi á ɗoni

Yakɔ́ɓɔ 1:16

Cɔ, ɓaya, ɓókǒdemisɛmbɛ.

Yakɔ́ɓɔ 1:19

Ɓadani ékondi, kanisiani phɔ́ nyɔngɔ ndee: Ambe nkpa buakɛ, áɓɛ aphǒ ka ɔ́kapha. Áɓɛ gǎkɛ aɗǒ ka yɔnga na ka ɓɛá.

Yakɔ́ɓɔ 1:25

Cɔ, mmbé aoúba cɔca ánjá ɛɔphi á kanga ɓojeɗe ndea Mokonga, nnde ɗásotókisi ka kɔkɔɓɛ, na tétemisa í, nnaoɓosea nnde aɔɔ́ka, a ndiu ɔtɔtɔkisa ú ɓíndɔ ɛɔphi asosi. Kaɓondɔ, aɓande na maseye ka kema bui nde aɔtɔtɔkisa.

Yakɔ́ɓɔ 2:8

Cɔ, a gǎkɛ oɓá na ɓɔtɔtɔkisi ɛɔphi á ka koɓoamɛ ndea Mokonga, ámbé ɓogi ánjá. Nga ɓáɗundu suɓi á Ɓuku gea: «Nkonda dakɔ ɓíndɔ ǒkondi sasakɔ.»

Yakɔ́ɓɔ 5:10

Ɓaya, ókanisiani phɔ́ ɓaɔtu-nyɔngɔ ndea Mokonga ɓunde ɗáɓáɔyɔnga k'ína á Mɔkɔta, ɓî ɗáɓáphiphíí suɓi á tambaga. Ɓenu, ɓáni phɔtɔ ɓó.

Yakɔ́ɓɔ 5:7

Cɔ, ɓaya, phiphiani na ka ɓî Mɔkɔta abikande. Bisani kanisia anu ka ngubi ɓî aɔɔ́kanɛaga ɗúngú á mbó á ka ciko nɛkɛ. Yɛ aɔɔ́kanea ɔká á mbua á k'ama mosá-mosá na nnde á ka sungiaga.

Yakɔ́ɓɔ 5:9

Ɓaya, ɓɔ́kɔngɔngɔnɛanɛgɛmbɛ ka gea ɓákátenɛmbɛ nyɔngɔ nɛnu nga, nteni-nyɔngɔ a ye tɔ k'íso á mpume.

1 Pɛ́tɛɛ 2:1

Cɔ, ɓî aɓó, ɗeketani etéte á ɓojeɗe bui: mbɛa, maibe, nsengo na maca.