Yakɔ́ɓɔ 3:6 - Ɔngana á Kɛ̌kɛ

⁶ Eɗáka a ɓea nsa. Aɓiki na ɓojeɗe á etéte bui. Ɓî eɗáka a suɓi á nyama asu, ɓojeɗe bui a phɔtɔ suɓi asu. Kaɓondɔ, aomúja nkpa buakɛ. Ande nsa nde aontoɓoa nkpa ka enda akɛ bui, nsa ndɔ atóki ka nji á ɓasí.

Yakɔ́ɓɔ 3:6 Iomraidhean Croise

Matáyɔ 12:24

Ɓî Ɓaphaisáyɔ ɓáɔ́ki gǎkɛ nyɔngɔ ndɔ, ɓáogea: «Mogaa nde aǒjuanisa ɓansombo ka kɔkɔta á Bɛljɛbúli, mɔkɔta á ɓansombo.»

Matáyɔ 5:22

Cɔ, eme nenóngoɗi ɓe: Nkpa buakɛ mmbé aɔmɓɛɛa dakɛ, akeni ɓánjusɛ ka ntua á tena á nyɔngɔ. Mmbé aombóma dakɛ te: ‹Kóúbapha!›, akeni júsa akɛ ka ntua ángbó á tena á nyɔngɔ ndea Ɓayúda. Mmbé aongea dakɛ te: ‹Ona ganja!›, akeni ɓámmakeɛ k'ɛɛmbɛ á nsa nnde nnaoimika.

Málikɔ 7:15

Nna kema nde nkpa aoea aunge aɔnjɔɔkisa mosá á Mokonga. A ndiu nnde aojuana suɓi akɛ aunge aɔnjɔɔkisa. [

Lóka 16:24

Áontoɓea Abalaámu ɓe: «Abɛ hoo! Ómokuia ngomi. Nteka kani Lajáɔ, áubɛ́ sese á miki á njaga akɛ ka iɓo, ádɛkisɛgɛ n'eɗáka ani. Eme aámbé neotambaga k'ɛɛmbɛ á nsa ndee.»

Ekuma á ɓateki 20:30

Sɔsɔɓɛ anu phɔtɔ, ɓademigi ɓákiɗianande ɓáɔyɔnga mbɛa na ɓootea á ɓaɓêki k'aphe nɛɓɔ.

Ekuma á ɓateki 5:3

Pɛ́tɛɛ â gǎkɛ ongoɗea te: «Ananía caa! Eke nde Sɛtáni, angí ně ka měma akɔ, na dema á Měma á kanga ɓojeɗe ɓende? Nga, ɔsɔ̌mi phaeka á imɔna nde ɔtɔí ka ciko ndɔɔ.

Ekuma á ɓateki 6:13

Ɓâ phɔtɔ ǒbika na ɓatɔngi á mbɛa. Ɓɔ, ɓáogea te: «Mogaa nde nnaoɗeketa yɔnga ájeɗe gǔ éndu á Mokonga, n'ɛɔphi nɛsu.

Títɔ 1:11

Cɔ, ambe dakanisa aɓɔ nga, ɓáotúkatúka ekombo bui na ɓɔphɛi nde kákeni, ka gea, ɓátɔɛ imɔna k'aphe ájeɗe á soni.

Yakɔ́ɓɔ 2:7

Nna phɔtɔ ɓɔ ɓáunge ɓáobóma ina ánjá nde Mokonga ɗánóphi?

Yakɔ́ɓɔ 3:7

Nkpa aɔtɔka tuga á ɓanyama ɗanga-ɗanga, ɓunde ɓáoɗaa, ɓambǔ, na ɓasú. Yɛ, ɗáetugi tɔ ɗoni.

2 Pɛ́tɛɛ 3:3

Úbani phɔtɔ gea, ka ɓ'esa á sungiaga, ɓakpa nde ɓáendande ka ɓeá á mɔphɛ nɛɓɔ sasaɓɔ ɓábikande. Ɓɔ, ɓánɔtɛbɛagande,

3 Yoáni 1:10

Kaɓondɔ, mbenɔ nde nejúande, nɛnɔtɔmiagande base kema nde aogea, nga yɛ, aɔyɔnga nyɔngɔ ájeɗe n'índe á mbɛa ka phɔa asu. Nna tɔndɔ nndɔ, yɛ nna ǒsesea ɓadasu. A phɔtɔ ǒimisia ɓunde ɓákondi sesea á ɓadasu na ɓeaga aɓɔ suɓi á kanisa.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:14

Ka nyɔngɔ á ketangaɔ ángbó nnde ɗáɓámophi ka tɔtɔkisa í k'íso á nyama ndɔ ɓa k'ama mosá-mosá, áǒdema ɓato á ka mokonda gea, ɓáɓɔngisiɛgɛ tɔnkɛngɛ ka ɗokomisa á nyama ndɔ ɗáote na píndí na áoama.

Mphaniɔ 18:23

Owanga á ɔbɛa kabɛnyɛeka ye mɔtɛ-akɔ. Ɓákáɔ́kɛeka ye mɔtɛ-akɔ, ɛsɔ á mǒko éyamani na mpakai nɛkɛ nga, ɓasombisigi nɛkɔ ɗáɓáombi ka mokonda phɛɛ. Ka nyɔngɔ á ɓiji-ɓiji nɛkɔ, ɗǒdemi ɓato á ka mokonda bui.»

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.