Yakɔ́ɓɔ 3:2 - Ɔngana á Kɛ̌kɛ

² Nga, ɓesu ɓɔbu ɓeogea nyɔngɔ ájeɗe-jeɗe. A gǎkɛ oɓá nkpa na nnaɔyɔngaga nyɔngɔ ájeɗe-jeɗe ande nkpa nde akeni, mmbé aɔtɔka amba nyama akɛ bui.

Yakɔ́ɓɔ 3:2 Iomraidhean Croise

Matáyɔ 12:34

Cɔ, benu ɛɓɔkɔti á kaɓokosa nde ca! Ɓɔ́kɔ́ɔtɔka na ɓɔyɔngi nyɔngɔ nde aánjá nga, ɓo ɓakpa ɓájeɗe. Nga, nyɔngɔ nde atúmi ka měma á nkpa, aunge aɔyɔnga ú.

Matáyɔ 12:37

Nga, ka yɔnga akɔ sasakɔ tɔ unge ɓákotangande nto á kanga ɓojeɗe, na ka yɔnga nɛkɔ tɔ unge ɓátenande nyɔngɔ nɛkɔ akpɛ.»

Ɓalɔ́ma 3:10

A tɔ ɓíndɔ ɗáɓáɗundu suɓi á Ɓuku á Mokonga gea: «Nna tanda na nkpa moci mmbé ande nto á koɗoni.

Ɓalɔ́ma 7:21

Cɔ, nɛɔni gea, kema nde aɔnyɛ́nyɛ́kana ka phɔa ani a ɓe: Mbenɔ nde neokonda tɔtɔkisa á kema ánjá, nɛ tɔ ɔtɔtɔkisa kema ájeɗe.

1 Ɓakɔlítɔ 9:27

Ne gǎkɛ otambisaga nyama ani phɛɛ ka gea, nena kɔkɔta gǔ í. Ande ka gea, mbusa á phɛá á ɓakpa ɓuangbo, ɓákámoyɛgɛ mɔnɔ.

Ɓagalatía 3:22

Ɓuku á Mokonga ayɔngi gǎkɛ gea, mokonda bui a kusi á ɓukpɛkpɛ á ɓojeɗe. Kaɓondɔ, ɓakpa nde ɓánde ɓaɓêki, ambe ɓáɓɛ na ɓotukɔ nde Mokonga ɗáɛɓɔku ka nyɔngɔ á ɓeekea Yéso Kiísito.

Ɓagalatía 5:17

Nga, nyama á nkpa ana mɔphɛ nde atingani na nnde á Měma. Měma gǎkɛ ana mɔphɛ ínɛkɛ nde atingani na nnde á nyama. Ɓɔ, ɓákáingimiani, ka gea kɔ́ɔtɔka gea kema nde otókondi gea í.

Ɓakɔlɔsái 1:28

Ɓesu gǎkɛ, ɓɛɔ́tɔmiaga ɓakpa ɓɔbu, nyɔngɔ á Kiísito. Ɓɛɔphɛa na goisaga nkpa buakɛ na kɔɓɔɔngɛ bui ka gea ɓéengɛ ɓakpa ɓɔbu ka gea ɓámɔtɛ ka měma ka jukanisa aɓɔ na Kiísito.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

Yakɔ́ɓɔ 1:26

Kaɓɛ nkpa n'agi te ande mokiísito á ɗoni, na nna gǎkɛ koamba yɔngɛa akɛ, ědemi sasakɛ, kanisa nɛkɛ a tɔ á jǎi.

Yakɔ́ɓɔ 1:4

Ambe moíngí ndɔ áɓɛ base ka gea, ɓɔ́mɔtɛ ka měma, ɓóɓɛ na ɓukpɛkpɛ kángá á kisɛki moci na kángá úka ka kema.

Yakɔ́ɓɔ 2:10

Nga, aoɓá nkpa n'aɓúni ɛɔphi moci nanga áamba nndɔ nɛngbo, ande mɓuni-ɛɔphi bubui.

1 Pɛ́tɛɛ 3:10

Nga, ɗáɓáɗundu suɓi á Ɓuku á Mokonga ɓe: «Mmbé akondi enda ánjá na ɔna esa á ɓɔjɛmɛ, akeni áambɛ eɗáka akɛ na ɓojeɗe, aphenɔkɔ akɛ kayɔngɛmbɛ mbɛa.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.