Yakɔ́ɓɔ 3:17 - Ɔngana á Kɛ̌kɛ

¹⁷ Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

Yakɔ́ɓɔ 3:17 Iomraidhean Croise

Matáyɔ 23:28

Ɓo phɔtɔ ɓó nga, ɓíndɔ ɓakpa ɓáɔnɔɔna gǔ-gǔ ɓáokanisia te ɓonde ɓato á ɗoni, suɓi anu n'atúmi ndiu na maibe na ɓojeɗe.

Matáyɔ 5:8

Maseye ka ɓato á měma ánjá, ka nyɔngɔ nde ɓámɔnande Mokonga.

Matáyɔ 5:9

Maseye ka ɓunde ɓáobikisa ɓujɛjɛ, ka nyɔngɔ nde Mokonga aɛɓɔphanande ɓɔ, ɓ'anakɛ.

Lóka 21:15

Nga, eme sisani aámbé nenophande nyɔngɔ á kɔɓɔɔngɛ nnde ɓaɓiɓia anu ɓɔbu ɓákásikiɛku ye kau.

Lóka 6:36

Cɔ, ókuiani ɓakpa ngomi ɓíndɔ Abanu aǒkuia ɓakpa ngomi.

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 1:47

Mbusa, Yéso áɔmɔna Natanaɛ́li n'aobika mɔtɛ-akɛ. Áɔyɔnga ka phɔakɛ te: «Mɔ́nani Moisilaɛ́li á ɗoni, mmbé nna n'odemayɔ suɓi akɛ.»

Ekuma á ɓateki 11:24

Baanába ɗátú nkpa anjánjá, mmbé atúmi na Měma á kanga ɓojeɗe phɔtɔ na ɓeekea. Kaɓondɔ, ɓakpa ɓásii ɓáǒyamea ka ɓeekea Mɔkɔta Yéso.

Ekuma á ɓateki 9:36

Nke ngoigi moci ɗáoikaga ka Yɔ́pa, ina akɛ Tabíta mmbé ɓáɔmɔphana ka Kigiíki «Dɔlíka», ka Kikomo ande gea te: «Cɔcɔɗɛ». Ɗáogea ekuma ánjánja, na gabea á ɓaúki.

Ɓalɔ́ma 12:18

Aoɓá n'atɔtɔkɛani, na nndɔ atókani na ɓenu, endani ka ɓujɛjɛ na ɓakpa ɓɔbu.

Ɓalɔ́ma 12:9

Ambe ekondi nɛnu áɓɛ kángá maibe. Kángeani ɓojeɗe, ɓóoyameɛ ka ɓonjánja.

Ɓalɔ́ma 15:14

Ɓaya, eme ne engekisi ka phɔanu gea ɓenu sasanu ɓotúmi na mɔphɛ ánjá na úbapha ásii na ɓɔtɔki phɛana ngǔngu anu.

1 Ɓakɔlítɔ 12:8

Měma á kanga ɓojeɗe aomopha nkpa egabɔ á yɔnga na kɔɓɔɔngɛ. Měma ndɔ tɔ, aomopha nkpa egabɔ á yɔnga nyɔngɔ á úbapha phɛɛ.

2 Ɓakɔlítɔ 10:1

Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

2 Ɓakɔlítɔ 7:11

Cɔ, ɔ́nani phɔ́ kema nde esúia nde ande á mɔphɛ á Mokonga aobikisa: Ɓá na moíngí phɛɛ, ɛ́yɔngɛa, kangea ɓojeɗe, ɓá na ɔ́kapha, ɓá na mɔphɛ á ɔna ani, ɓá na mɔphɛ á bɛɗaneaga ani, keea ɓojeɗe. Kaɓondɔ, ɓɔɔnisi gea, ɓókótú suɓi á nyɔngɔ ndɔɔ.

2 Ɓakɔlítɔ 9:10

Mokonga aámbé aomopha ngubi mbó na eea nde aoea. Mokonga anóphande phɔtɔ mbó bui nde ɓona siki í na mɔtisa í mpɔ ɓonjánja nɛnu áɔgɔmbisa mbuka ásii.

Ɓaɛphɛ́sɔ 5:9

Nga, owanga aobikisa ɓonjánja bui, koɗoni na ɗoni.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

1 Ɓatɛsalɔníka 2:7

Nanga ɓî ɗéɓetú na ɓukpɛkpɛ éɗokomisa mɔtɛ-anu ɓea ɓateki ndea Kiísito, ɓê ndiu oɓá na měma aphɔngɔ. Ɗéɓetú ɓea ɓama-ɓaniki, ɓunde ɓáotambea nyɔngɔ á ɓ'anaɓɔ.

1 Timɔtɛ́ɔ 5:21

Nekososi base mosá á Mokonga na mosá á Kiísito Yéso, na ɓamalaéka á kanga ɓojeɗe gea, amba ɓɔphɛi ndee: Mbenɔ nde ɔɔbɛɗanaga, bɛɗanaga kángá oɓayɔ, phɔtɔ kángá egami ka nkpa.

2 Timɔtɛ́ɔ 2:24

Cɔ, kákeni mbɛɗanigi ndea Mɔkɔta ásanɛ. Akeni ndiu áɓɛ nto á aphɔngɔ ka ɓakpa ɓɔbu, mmbé aɔtɔka goisaga na phiphia á tambaga.

Títɔ 1:15

Cɔ, kema bui nnde kájɔɔkani a ka phɔa ɓunde ɓákájɔɔkani, nna gǎkɛ na ka kema nde kájɔɔkani nnde a ka phɔa ɓunde ɓájɔɔkani na ɓunde ɓákámɓeeki Mokonga nga, úbapha aɓɔ, na měma aɓɔ ajɔɔkani.

Títɔ 3:2

Ɓákáyɔngɛmbɛ ájeɗe ka phɔa á nkpa, ɓákásanɛmbɛ. Ɓáɓɛ ndiu ɓato-aphɔngɔ, ɓakpa ɓánjá, ɓunde ɓáokáɓa ɓujɛjɛ ka ɓakpa ɓɔbu.

Ɓaɛbulanía 12:11

Mbenɔ nde ɓáɔsɔ́sɛ́ka áoɓá ka ɓesu cina á ɓɛí, kaɓɛ cina á maseye. Mbusa í gǎkɛ, ɓundɔ ɓáegoisigi k'índɔ ɓáoɓá na ɓujɛjɛ na koɗoni ka enda aɓɔ.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

Yakɔ́ɓɔ 1:17

Nga, nkɛɓɛa bui, n'egabɔ ánjá bui aotóka na koba mɔtɛ á Mokonga, Nconji á owanga á na koba. Yɛ nnaǒketia ɓea iii á kema n'aǒgaiaga.

Yakɔ́ɓɔ 1:5

Cɔ, kaɓɛ ka ɓenu n'aúki kɔɓɔɔngɛ, ámmɛmɛ Mokonga na amophande ú. Nga, Mokonga aámbé aóɓopha ɓakpa ɓɔbu na měma mo kángá á oɓayɔ.

Yakɔ́ɓɔ 2:13

Kaɓɔndɔ, ɓátenande nyɔngɔ á ɓunde ɓáná na ngomi á ɓadaɓɔ kángá á ngomi. Nkui-ɓakpa ngomi káɓɛku gǎkɛ na kɔɓɔɓɔkɔ ka tena á nyɔngɔ.

Yakɔ́ɓɔ 2:4

Cɔ, nndɔ ɓogi ka ɓenu sisanu nna phɔ́ oɓayɔ ungɔ? Ɓókóteni phɔ́ nyɔngɔ na mɔphɛ ájeɗe?

Yakɔ́ɓɔ 3:15

Nga, kɔɓɔɔngɛ ɓíndɔ, nnaotóka na koba. A ndiu á ka mokonda, á kokpa phɛɛ na á koketi.

Yakɔ́ɓɔ 4:8

Mbîmisiani Mokonga, yɛ anóbîmisiande phɔtɔ. Ɓato á ɓojeɗe, sokoseani njaga anu. Ɓato á mɔphɛ ɗanga-ɗanga, sokoseani měma anu.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Pɛ́tɛɛ 2:1

Cɔ, ɓî aɓó, ɗeketani etéte á ɓojeɗe bui: mbɛa, maibe, nsengo na maca.

1 Pɛ́tɛɛ 2:18

Ɓenu ɓabɛɗanigi, ɔ́ɓɔ́kani ɓakɔta nɛnu na ɓánga aɓɔ. Nna tɔndɔ ɓunde ɓá ɓánjá na ɓá aphɔngɔ, phɔtɔ na ɓunde ɓá akae.

1 Yoáni 3:18

Ɓaniki amɔ, ekondi nɛsu kaɓɛ mɔnɔ tɔndɔ á k'aphenɔkɔ na yɔngaga á jǎi-jǎi. Akeni gǎkɛ ekondi nɛsu áɓɛ á ɗoni, nnde aoúbikana ka tambea asu.

1 Yoáni 3:3

Nkpa buakɛ mmbé ana nseɓeɔ ndɔ ka Kiísito, ěsokosei ɓíndɔ Kiísito a kau.