Yakɔ́ɓɔ 3:15 - Ɔngana á Kɛ̌kɛ

¹⁵ Nga, kɔɓɔɔngɛ ɓíndɔ, nnaotóka na koba. A ndiu á ka mokonda, á kokpa phɛɛ na á koketi.

Yakɔ́ɓɔ 3:15 Iomraidhean Croise

Lóka 16:8

Mpɔ, mɔkɔta áobeba kɔɓɔɔngɛ ndea nambi-nkumba nanga ɓî ɗátú nto á maibe. Cɔ, ɓato á ka matú nde ɓá na kɔɓɔɔngɛ sɔsɔɓɛ aɓɔ.»

Yoáni 3:17

Mokonga ɗákánteki gǎkɛ Anakɛ ka gea te, átenɛ nyɔngɔ á ɓato á ka mokonda akpɛ. A ndiu ka gea, yɛ, éamisɛ ɓato á ka mokonda.

Yoáni 8:44

Ɓonde ɓana-nketi, ɓo phɔtɔ okaɓa tɔtɔkisa á mɔphɛ á abanu. Ande nto á kaiso kpanga ka nkpangeɔ, nnaomama ka nyɔngɔ nde ande á ɗoni nga, ɗoni nna suɓi akɛ. Mbenɔ nde aɔyɔnga mbɛa, nndɔ a tɔ ebigɔ nɛkɛ ka nyɔngɔ nde yɛ, ande nto á mbɛa n'ande phɔtɔ Aba-mbɛa.

Ekuma á ɓateki 13:10

Áongea te: «Oɓɛ otúmi n'etéte bui á maibe n'odemayɔ, muna-nketi, mɓiɓia á etéte bui á koɗoni, kóɗeketɛeka túkatúka á moangɔ ndea Mɔkɔta?

Ɓalɔ́ma 1:22

Ɓáǒbeba gea ɓánde ɓato á kɔɓɔɔngɛ, na ɓá ndiu ɓabóbó.

1 Ɓakɔlítɔ 1:27

Mokonga ɗásɔmbu gǎkɛ kema á kobóbó á ka mokonda ka kusa á ɓato á kɔɓɔɔngɛ na soni. Ɗásɔmbu phɔtɔ kema á ɓɔɔlɔ á ka mokonda ka kusa á ɓato á ɓukpɛkpɛ na soni.

1 Ɓakɔlítɔ 2:14

Nkpa nde aseɓei tɔ ebigɔ nɛkɛ á kokpa, nnaɔtɔka n'aɓeeki nyɔngɔ nde atóki ka Měma á Mokonga. Nyɔngɔ ndɔ ande kobóbó ka yɛ. Nkpa ndɔ nnaɔtɔka n'aengekisi nyɔngɔ ndɔɔ. Nga, Měma á Mokonga tɔ unge aosópha aphe á tena á nyɔngɔ ánjá.

1 Ɓakɔlítɔ 3:19

Nga, kɔɓɔɔngɛ ndea ka mokonda nde, ande kobóbó mosá á Mokonga. Cɔ, ɓáɗundu suɓi á Ɓuku á Mokonga ɓe: «Mokonga aǒkoɗa ɓato á kɔɓɔɔngɛ ka mɛ̌kɔ nɛɓɔ sasaɓɔ.»

1 Ɓakɔlítɔ 3:3

nga, ɓo phɔ́tɔ otambea ɓea ɓakpa á ka mokonda ndee. Sɔsɔɓɛ anu, ɓona nsengo na sani. Cɔ, ɓókó phɔ́tɔ na tambea á ɓato á ka mokonda nde? Ɓókó phɔ́tɔ na tambea á kokpa?

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

Ɓaphilípi 3:19

Sungiaga aɓɔ ande ɓúngaga. Nga, Mokonga nɛɓɔ ande sɔphɔ aɓɔ. Ɓáǒbeba na kema nde atókeni kusa aɓɔ na soni. Ɓábisi tɔ měma aɓɔ ka kema á ka mokonda ndee.

2 Ɓatɛsalɔníka 2:9

Bika á nto á otúkɔtúkɔ aɓande ka ɓukpɛkpɛ á Sɛtáni, atɔtɔkisande etéte bubui á ketangaɔ, mphangiɔ, na kema á ɓangisa á odemayɔ.

1 Timɔtɛ́ɔ 4:1

Cɔ, Měma á Mokonga ayɔngi base gea, ka mbenɔ á sungiaga, ɓakpa ɓunɛngbo ɓáɗeketande ɓeekea, ɓáǒɓea ɓaketi na ɓɔphɛi nɛɓɔ á mbɛa.

Yakɔ́ɓɔ 1:17

Nga, nkɛɓɛa bui, n'egabɔ ánjá bui aotóka na koba mɔtɛ á Mokonga, Nconji á owanga á na koba. Yɛ nnaǒketia ɓea iii á kema n'aǒgaiaga.

Yakɔ́ɓɔ 1:5

Cɔ, kaɓɛ ka ɓenu n'aúki kɔɓɔɔngɛ, ámmɛmɛ Mokonga na amophande ú. Nga, Mokonga aámbé aóɓopha ɓakpa ɓɔbu na měma mo kángá á oɓayɔ.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

Yúda 1:19

Ɓɔ ɓáunge ɓánde cina á katanaga á ɓakpa. Ɓato á mɔphɛ á ka nyama, kángá Měma á Mokonga.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 2:24

Cɔ, ka ɓenu ɓato á ka kanisa á ka Tuatɛ́a, ɓunde ɓókótóɓeeki ɓɔphɛi ndea nke ndɔ Yɛjɛbɛ́li, na ɓókóoúba kema nde ɓakpa ndɔ ɓáɔɔphana ‹kema á ɓɔsɔmɛa ndea Sɛtáni›, nenóngoɗi gea, kénokumbisɛku nkumba nɛngbo.

Mphaniɔ 9:11

Moamɛ nɛɓɔ ande malaéka á mininga, ina akɛ ka Kiɛbulanía ande «Abidáni», ka Kigiíki, ande «Apɔliɔ́ni», n'ande gea: «Ntúkatuki».