Yakɔ́ɓɔ 3:14 - Ɔngana á Kɛ̌kɛ

¹⁴ Ɓo ndiu oɓá na nsengo ájeɗe na měma á eteɓa, ɓókǒbebɛmbɛ ka mbɛa gea, ɓo na kɔɓɔɔngɛ.

Yakɔ́ɓɔ 3:14 Iomraidhean Croise

Matáyɔ 27:18

Nga, Pilátɔ ɗáúbi gea, ɗáɓántɔgi Yéso ka nyɔngɔ á nsengo.

Yoáni 16:2

Nga, ɓánoɓeagande k'éndu á madondanɔ ndea Ɓayúda ka nyɔngɔ á Mokonga. Aɓande na mbenɔ nde ɓundɔ ɓánomande, ɓákanisiande gea, ɓáɔmbɛɗaneaga Mokonga.

Ekuma á ɓateki 13:45

Ɓî Ɓayúda ɗáɓáɔni usɛsɛ á ɓakpa ndɔ, ɓáotúma na nsengo, ɓáongana ɓɔphɛi ndea Pɔ́lɔ na bóma akɛ.

Ekuma á ɓateki 26:9

Ɗoni, eme sasani ɗékanisi phɔtɔ manisa á ina á Yéso ɓa Najalɛ́ti ka kema bui.

Ekuma á ɓateki 5:17

Mpɔ, ngbɛga á ɓatoɓeigi-phɛ́a, na ɓunde ɗáɓátú kimoci na yɛ ande gea te, ɓato á k'ékombo ndea Ɓasadukáyɔ, ɓáoɓá na nsengo ka ɓateki na kanea aɓɔ.

Ekuma á ɓateki 7:9

Ka ɓatataɓɔ, moci ɗátú Yɔsɛ́phu. Ɓana-amakɛ nkama na moci (11), ɓáoɓá na nsengo gǔ akɛ. Kaɓondɔ, ɓáonsombisa, áoɓá nkɔɓɛ na Mísii. Nanga ɓó, Mokonga áoɓá kimoci na yɛ.

Ɓalɔ́ma 1:29

Ɓátúmi n'etéte á kanga koɗoni bui, ɓojeɗe, kokae, mɔphɛ ájeɗe, kuma, ɓátúmi na nsengo, moaga á ɓakpa, sani, maibe, ɓɔ ɓánde ɓato á tɔngana.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

Ɓalɔ́ma 2:17

Cɔ, oɓɛ ímbe ogi te, onde Moyúda, oseɓei ɛɔphi ndea Mósa, na ébeba na Mokonga.

Ɓalɔ́ma 2:8

Aphangiande gǎkɛ ɓɛí na esúia nɛkɛ ka ɓakpa nde ɓánde ɓaɓiɓia akɛ na ɓunde ɓáoyá ɗoni na ɓeá á ɓojeɗe.

1 Ɓakɔlítɔ 13:4

Nto ékondi ana měma á phiphia kema bui, ande nkpa nde aǒenga ɓakpa, nna na nsengo, nna ǒɗokomisa, nnaǒbeba.

1 Ɓakɔlítɔ 3:3

nga, ɓo phɔ́tɔ otambea ɓea ɓakpa á ka mokonda ndee. Sɔsɔɓɛ anu, ɓona nsengo na sani. Cɔ, ɓókó phɔ́tɔ na tambea á ɓato á ka mokonda nde? Ɓókó phɔ́tɔ na tambea á kokpa?

1 Ɓakɔlítɔ 5:2

Cɔ, ɓenu, ɓo goto ǒbeba! Atókeni ndiu ɓóɓɛ na ɓɔmbɛ na ɓómɓeɛgɛ nkpa nde atɔtɔkisi kema ndɔ sɔsɔɓɛ anu.

1 Ɓakɔlítɔ 5:6

Nna na kema nde akeni ɓóobebɛ ně. Ɓókóoúba gea, cacu ábɔa aoɓimbisa mokati bui?

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

Ɓagalatía 5:15

A gǎkɛ oɓá ɓoiki anu n'a ɓea ɓanyama á k'osaa ka kokanaga na kaɗuanaga ngǔngu anu, óambani, ámbé ɓomowanagande.

Ɓagalatía 5:20

ɗokomisa á ɓamokonga á mbɛa na eemba, ngíní, sani, nsengo, esúia, kuma, katanaga ka ketoto.

Ɓagalatía 5:21

Ɓá na mɔphɛ ájeɗe, ɓoita, osǎ, na kema nɛngbo nde akengeani ně. Nesikíí goto ngoɗea anu ɓíndɔ netónongoɗi mosá gea: Ɓunde ɓáogea ka kema ɓínde, ɓákángiɛku ka koɓoamɛ ndea Mokonga.

Ɓagalatía 5:26

Ɓékéɓɛmbɛ na ɓemboko, kaɓɛ uɓana, kaɓɛ kuina na nsengo.

Ɓagalatía 6:13

Ɓagu-ganja ndɔ, ɓɔ ɓáná koamba ɛɔphi, ɓá ndiu okonda gea, ɓóguɛ ganja ka gea ɓáeɗokomisɛ ka nyɔngɔ á epe á ka nyama anu.

Ɓaphilípi 1:15

Cɔ, ɓakpa ɓunɛngbo ɓáɔtɔmiaga nyɔngɔ á Kiísito na měma á nsengo na měma éteɓa. Ɓakpa ɓunɛngbo ɓâ gǎkɛ ɔtɔmiaga na mɔphɛ ánjá.

Ɓaphilípi 2:3

Ɓókogeɛ mɔnɔ kema na měma éteɓa, ɓókokaɓɛ mɔnɔ ɓoombia á jǎi-jǎi. Ɓáni ndiu na měma édidisa, nkpa na nkpa ámɔnɛ dakɛ gea, ana kantíti kɔnyɛ́nya yɛ.

1 Timɔtɛ́ɔ 2:4

Nga, yɛ akondi ɓakpa ɓɔbu ɓáamɛ ka měma, ɓáúbɛ ɗoni.

1 Timɔtɛ́ɔ 6:4

mmbɔ an'ěbeba phɛɛ na nna gǎkɛ koúba kema. Ande nkpa nde ana tambea ájeɗe aopúa na ɓakpa na sani ka phɔa á yɔnga. Nndɔ aobikisa ngíni, sani, mbóma na maca,

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

Yakɔ́ɓɔ 1:18

K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.

Yakɔ́ɓɔ 3:16

Nga, ɔma nde nsengo na měma á eteɓa aɓei, eongo a phɔtɔ ɓei n'etéte á ɓojeɗe bui.

Yakɔ́ɓɔ 5:19

Ɓaya, aoɓá ka ɓenu n'aɓúngigi k'aphe ájeɗe, nkpa ɓaangbo â gǎkɛ onkiɗianisa k'aphe ánjá.