Yakɔ́ɓɔ 2:5 - Ɔngana á Kɛ̌kɛ

⁵ Cɔ, ɓadani ékondi, ɔ́kani phɔ́! Nna phɔ́ Mokonga aámbé ɗáɛsɔmbu ɓaúki á ka mokonda gea, ɓáɓɛ ɓatɔi suɓi á ɓeekea na ɓátɔɛ phɔtɔ koɓoamɛ nde ɗáɛɓɔku ɓunde ɓánkondi?

Yakɔ́ɓɔ 2:5 Iomraidhean Croise

Matáyɔ 11:5

Ɓakeíme-íme ɓáɔnaphi, ɓaɗɔti ɓátambi ánjá, ɓato á sǔ ɓáesokosei, ɓaɗakekanigi-kecue ɓáɔ́kaphi, ɓasí ɓájujúki ka kukuwa, ɓato á ɓuyɛnɛ ɓáɔ́ki Mbino-Ánjá.

Matáyɔ 25:34

Cɔ, Mɔkɔta aengoɗeande ɓundɔ ɓáɓande ka njaga akɛ á mǔku te: ‹Bikani, ɓenu íɓundɔ Abɛ anóbisíí njaga, tɔani koɓoamɛ nde ɗáɓáɓɔngisigi ka ɓenu, kpanga á ɓî ɗáɓáconji mokonda.

Matáyɔ 5:3

«Maseye ka ɓundɔ ɓá na ɓuyɛnɛ á ka měma ka nyɔngɔ nde koɓoamɛ á na koba ande aɓɔ!

Málikɔ 7:14

Mbusa á wa, Yéso â goto kɔ ɔphana usɛsɛ á ɓakpa, áǒgea te: «Ɔ́mɔɔ́kani ánjá ɓenu ɓɔbu, engekisani ɓoabi ndee:

Lóka 12:21

Yéso aogea: «Ɓondɔ unge aɓande ka nkpa nde aodondanisaga nkumba ásii ka phɔakɛ sasakɛ na nna n'ɛtɔi k'íso á Mokonga.»

Lóka 12:32

Miki á nsamba á ɓamɔgɔgɔ nɛmɔ, ɓókoɓɛmbɛ na kɔɓɔɓɔkɔ! Nga Abanu ana siki á opha anu koɓoamɛ nɛkɛ.

Lóka 16:22

Esa ímoci, nto á ɓuyɛnɛ ndɔ ɗáku. Ɓamalaéka ɓáombisa ka kɛbɛ á Abalaámu. Ntɔi ndɔ â phɔtɔ okuwa, ɓáomúmba.

Lóka 16:25

Abalaámu â ndiu ongoɗea te: «Miki amɔ, kanisia gea te, ɗɔ́tɔi kema ánjánja ka enda akɔ, Lajáɔ â gǎkɛ ɔtɔa kema ájeɗe-jeɗe. Kɛ̌kɛnde gǎkɛ, aphɔngi tɔ wani phio! Oɓɛ aámbé o ndiu ká tambaga.

Lóka 22:29

Eme gǎkɛ nenóbisíí koɓoamɛ ɓíndɔ abɛ amobisíí.

Lóka 6:20

Yéso áɔ̌ɔnjia ɓagoigi nɛkɛ áǒngoɗea: «Maseye ka ɓenu ɓato á ɓuyɛnɛ nga, koɓoamɛ ndea Mokonga ande anu.

Yoáni 7:48

Ɓɔɔ́kimbɛmɔnɔ, ka ɓakɔta nɛsu, kaɓɛ ka Ɓaphaisáyɔ, n'amɓeeki?

Ekuma á ɓateki 7:2

Sɛtɛphánɔ áǒsikisia ɓe: «Ɓabɛ na ɓana-ayi, ɔ́kani phɔ́! Mokonga, mɛna-ɓoombia ɗánkiɗianei tatasu Abalaámu n'aphɔ́tɔ ka nji á Mɛsɔpɔtamía, na káikimbɛ ka ntanga-nji á Aláni.

Ɓalɔ́ma 8:17

Cɔ, kaɓɛ na ɓende ɓaniki, ɓeɓande phɔtɔ na ka ɓotukɔ nde Mokonga aɛɓɔku ɓakpa nɛkɛ. Ɓɛtɔande ɓotukɔ ndɔ kimoci na Kiísito nga, ɓî ɓeotambaga kimoci na yɛ, ɓeɓande phɔtɔ kimoci na yɛ ka ɓoombia nɛkɛ.

1 Ɓakɔlítɔ 2:9

Cɔ, a gǎkɛ tɔ ɓíndɔ Ɓuku á Mokonga ayɔngi gea: «Kema nde nkpa káɔnimbɛ mɔnɔ na ɔ́ka í nnde ka nkpa kákanisimbɛ mɔnɔ ú aunge Mokonga ɗáɓɔngisigi ka ɓakpa nde ɓánkondi.»

2 Ɓakɔlítɔ 4:15

Tambaga asu bui a tɔ ka nyɔngɔ anu. Kaɓondɔ unge, ɓonjánja-ékondi ndea Mokonga aódonda ɓakpa ɓásii phɛɛ, ka sega akɛ k'ɛ́mɛmi na beba akɛ ka ɓophómbia akɛ.

2 Ɓakɔlítɔ 6:10

Ɓáɔsɔ́ɓɛisa na ɓe gǎkɛ na maseye esa bui. Ɓáokanisia te ɓende ɓaúki, na ɓendiu ɔ̌tɔisa ɓakpa ɓunɛngbo. Ɓáokanisia te ɓéké na ka kema, na ɓe ndiu na kema bubui.

2 Ɓakɔlítɔ 8:9

Nga, ɓo ye oúba ɓonjánja-ékondi ndea Mɔkɔta nɛsu Yéso Kiísito: Yɛ, ɗátú ntɔi, áǒbisa nto á ɓuyɛnɛ ka nyɔngɔ anu, ka gea te, ɓóɓɛ ɓatɔi ka ɓeana na ɓuyɛnɛ nɛkɛ.

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

1 Ɓatɛsalɔníka 2:12

Nga ɗéɓenógbagisigi ka měma, na phɔngisa anu, na phɛá anu gea, ɓótambeɛ ɓíndɔ amɓɔngɛi Mokonga. Yɛ aámbé anɔɔphani gea, ɓóɓɛ ɓato á ka koɓoamɛ á ɓoombia nɛkɛ.

2 Ɓatɛsalɔníka 1:5

Tambaga ndɔ aoúbisa base gea, Mokonga ande nteni-nyɔngɔ kángá oɓayɔ. Nga, ka nyɔngɔ á phiphia anu tambaga ndɔ unge ɓokeni na ngia ka koɓoamɛ nɛkɛ nnde ɓootambaga ka nyɔngɔ í.

1 Timɔtɛ́ɔ 6:18

Óngoɗea phɔtɔ ɓágeɛ ɓonjánja, ɓábɛ ɓatɔi ka tɔtɔkisa á kema ánjánja, ɓágabɛ na měma ánjá, na ɓábɛɗaneɛgɛ nkumba nɛɓɔ kimoci na ɓakpa ɓuangbo.

2 Timɔtɛ́ɔ 4:18

Amoamisande ka ɓojeɗe bui á ɓaɓiɓia ani. Amoamisande ka ɓojeɗe bui, áomoenga ka ngisa ani ka koɓoamɛ nɛkɛ na koba. Cɔ, obebɔ áɓɛ ka yɛ ka saga na saga! Áɓɛ ɓó.

2 Timɔtɛ́ɔ 4:8

Kpangá á Kɛ̌kɛnde, Mokonga amobisíí kekombó á koɗoni, nnde Mɔkɔta mmbé ande nteni nyɔngɔ á ɗoni amopande esa nde abikande goto. Nna tɔndɔ eme, a ndiu phɔtɔ ka ɓakpa ɓɔbu íɓunde ɓákondi ɔna akɛ esa nde asɛnɛkande.

Ɓaɛbulanía 11:26

Ɗáúbi gea, tóndea akɛ ɓíndɔ ɗáɓántóndei Kiísito, ana ɓokambia ángbó phɛɛ kɔnyɛ́nya ɛtɔi bubui nde ɗátú ka Mísii nga, ɗáobisa mɔphɛ akɛ k'ophendɔ nde Mokonga amphendande.

Yakɔ́ɓɔ 1:12

Maseye ka nkpa nde aophiphia tombaga nga, a ye ɔtɔka, atɔande kekombó nde Mokonga ɛ̌ɔku ɓunde ɓánkondi, n'ande enda á mɛyɔ.

Yakɔ́ɓɔ 1:16

Cɔ, ɓaya, ɓókǒdemisɛmbɛ.

Yakɔ́ɓɔ 1:19

Ɓadani ékondi, kanisiani phɔ́ nyɔngɔ ndee: Ambe nkpa buakɛ, áɓɛ aphǒ ka ɔ́kapha. Áɓɛ gǎkɛ aɗǒ ka yɔnga na ka ɓɛá.

Yakɔ́ɓɔ 1:9

Múki áɓɛ na maseye nga, Mokonga anɗokomisi.

1 Pɛ́tɛɛ 1:4

na ɓondea á ɓotukɔ nde Mokonga anóbisíí na koba nnde nnaoújukana, nnaɔjɔɔkana, nnaoɓuɓia.

2 Pɛ́tɛɛ 1:11

Kaɓondɔ, ɓánokoɗeande phɛɛ aphe á ngia ka koɓoamɛ á mɛyɔ ndea Mɔkɔta na Namisi nɛsu Yéso Kiísito.

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.

Mphaniɔ 21:7

Mmbé akíndande, nenkɔmande, neɓande Mokonga nɛkɛ, yɛ áoɓá miki-mǒko nɛmɔ.

Mphaniɔ 3:18

Kaɓondɔ unge, nɛɔphɛí gea, Somba láté mɔtɛ-amɔ, nnde ɓáɓɔngisigi ka nsa étombe, ka gea, óɓɛ ye tɔ ntɔi á ɗoni. Somba phɔtɔ bɔngɔ ábu ka gea, ɔ́ɔ́lɛ, ɔ́sɔmɛɛ soni á ndúmbú akɔ. Somba goto manga á siá k'íso akɔ ka gea, ɔ́ɔnaphɛ.