Yakɔ́ɓɔ 2:25 - Ɔngana á Kɛ̌kɛ

²⁵ Ɗátú phɔtɔ ɓó ka nke-íɛɓɛ Laába k'ékuma nde ɗági ka ɓakpa nde Mokonga ɗáeteki ka sɔna á nji na nyɛ́nyisa á ɓɔ k'aphe nɛngbo ka tisa á ɓɔ. Kaɓondɔ, Mokonga áɔmɔphana nto á koɗoni.

Yakɔ́ɓɔ 2:25 Iomraidhean Croise

Matáyɔ 1:5

Salɔmɔ́ni áɔmɓɔkɔta Bɔási, amakɛ na Bɔási ɗátú Laába. Bɔási áɔmɓɔkɔta Ɔbɛ́di, amakɛ na Ɔbɛ́di ɗátú Lúta. Ɔbɛ́di áɔmɓɔkɔta Yɛ́sɛ.

Matáyɔ 21:31

Cɔ, sɔsɔɓɛ á ɓaniki ndɔ ɓaɓɛ, ani mmbé ɗátɔtɔkisi mɔphɛ á abakɛ?» Ɓáonsikisia te: «Mmbɔ ɓa mosá.» Mpɔ Yéso áǒsikisia te: «Nenóngoɗi ɗoni gea, ɓaphendisigi-manjanja na ɓake á mambɔ, ɓángiande ka koɓoamɛ ndea Mokonga mosá anu.

Ekuma á ɓateki 17:7

Yasɔ́ni aesesi gǎkɛ mɔtɛ-akɛ. Ɓagáa ndɔ ɓɔbu ɓákáoɓea ɛɔphi ndea Moamɛ á Ɓalɔ́ma nga, ɓági te moamɛ ɓaangbo aɓei, ina akɛ Yéso.»

Ɓaɛbulanía 11:31

Ka nyɔngɔ á ɓeekea, Laába nke á iɛɓɛ ɗákáku kimoci na ɓaɓiɓia ndea Mokonga nga, ɗéěsesi ánjá ɓasɔni-emani.

Yakɔ́ɓɔ 2:18

Cɔ, aoɓá nkpa n'ayɔngande gǎkɛ te: «Oɓɛ, omɓeeki Mokonga, eme gǎkɛ nɛɔtɔtɔkisa ekuma ánjá.» Eme, nensikisiande ɓe: «Ɔ́mɔɔnisa phɔ́ ɓeekea nɛkɔ á kanga tɔtɔkisa ekuma ánjá. N'eme nɛkɔɔnisande ɓeekea nɛmɔ k'ékuma ánjá nde nɛɔtɔtɔkisa.

Yakɔ́ɓɔ 2:22

Nga, ɔɔni ɓî ɓeekea nɛkɛ ɗáojúkana na tɔtɔkisa á ekuma. Kaɓondɔ, ekuma áokpengeanisa ɓeekea.

Yakɔ́ɓɔ 2:24

Nga, nkpa buakɛ ande nto á koɗoni mosá á Mokonga ka nyɔngɔ á tɔtɔkisa ekuma, nna tɔndɔ ka nyɔngɔ á ɓeekea.