Yakɔ́ɓɔ 2:23 - Ɔngana á Kɛ̌kɛ

²³ A tɔ ɓíndɔ ɗágeani suɓi á Ɓuku á Mokonga gea: Abalaámu ɗámɓeeki Mokonga, áoɓá nto á koɗoni k'íso akɛ. Ka nyɔngɔ índɔ unge, Mokonga ɗámɔphani dakɛ.

Yakɔ́ɓɔ 2:23 Iomraidhean Croise

Málikɔ 12:10

Ande gea te, ɓókótangimbɛ mɔnɔ suɓi á Ɓuku á Mokonga nyɔngɔ nde ɓáɗundu gea: «Etae nde ɓaphɛki ɗáɓáyé ka mɔphɛkɔ, aunge a ye tɔ etae á kantíti ka mɔphɛkɔ.

Málikɔ 15:27

Ɗáɓɛ̌kɔkɛigi phɔtɔ ka moyangɔ kimoci na yɛ, ɓakukuɓa ɓaɓɛ, moci njaga á mǔku, moci njaga á nkei. [

Lóka 4:21

Yéso áǒngoɗea ɓe: «Kesande nyɔngɔ ndɔ ɓɔɔ́ki atɔtɔkɛani.»

Ekuma á ɓateki 1:16

«Ɓaya, atókeni nyɔngɔ nde Měma á kanga ɓojeɗe ɗáyɔngi suɓi á Ɓuku á Mokonga átɔtɔkɛanɛ. Měma ndɔ ɗáyɔngi phɔ́ mosá suɓi á moamɛ Daúdi ka phɔa Yúda. Yúda ɗátú nsɔndɔi ndea ɓakpa ndɔ ɗáɓándungi Yéso.

Ɓalɔ́ma 11:2

Mokonga ɗákáeyé ɓakpa nɛkɛ ɓundɔ ɗáɛsɔmbu mosá. Ɓókóoúba nyɔngɔ nde Ɓuku á Mokonga ayɔngi k'ɔ́ma nde Elía ɗáge na ntaɓo mɔtɛ á Mokonga ka phɔa á Ɓaisilaɛ́li?

Ɓalɔ́ma 9:17

Mokonga áongoɗea Phaláɔ suɓi á Ɓuku gea: «Netókobisi tɔ moamɛ ka gea k'óɓɛ unge neúbisande ɓukpɛkpɛ ani na ka gea ina ani ɓáɛmbisɛ ka mokonda bui.»

Ɓagalatía 3:22

Ɓuku á Mokonga ayɔngi gǎkɛ gea, mokonda bui a kusi á ɓukpɛkpɛ á ɓojeɗe. Kaɓondɔ, ɓakpa nde ɓánde ɓaɓêki, ambe ɓáɓɛ na ɓotukɔ nde Mokonga ɗáɛɓɔku ka nyɔngɔ á ɓeekea Yéso Kiísito.

Ɓagalatía 3:6

A tɔ ɓíndɔ ɗáɓáyɔngi ka phɔa á Abalaámu gea: «Ɗámɓeeki Mokonga, ka ɓondɔ, Mokonga áonseɓea ɓea nto á koɗoni ka nyɔngɔ á ɓeekea nɛkɛ.»

2 Timɔtɛ́ɔ 3:16

Nyɔngɔ bui nnde ɓáɗundu suɓi á Ɓuku ndea Mokonga, ɓáɗundu ú na ɓukpɛkpɛ á Mokonga, n'akeni ka phangiaga, sɛka á ɓɔphɛi á mbɛa, ka kea, na úbisa á aphe á ɗoni,

Yakɔ́ɓɔ 2:24

Nga, nkpa buakɛ ande nto á koɗoni mosá á Mokonga ka nyɔngɔ á tɔtɔkisa ekuma, nna tɔndɔ ka nyɔngɔ á ɓeekea.

1 Pɛ́tɛɛ 2:6

Ka nyɔngɔ nde Ɓuku á Mokonga ayɔngi ɓe: «Ɗɛ́sɔmbu ɛtɛ á kantíti phɛɛ, nnde nebisande suɓi á Sayúni ɓea ɛtɛ nde aosúkia mɔphɛkɔ. Mmbé aomɓeekea, kákuwɛeka tanda na soni.»