Yakɔ́ɓɔ 2:21 - Ɔngana á Kɛ̌kɛ

²¹ Cɔ, ɓókóokanisia ɓî Mokonga ɗámbisi Abalaámu, tatasu á ka měma áɓɛ nto á koɗoni? Ɗámbisi ɓo ka nyɔngɔ á tambea akɛ ánjá ɓî ɗámbisi anakɛ Isáka k'ɛ́tɛ-ɔ́phɛ́ɔ.

Yakɔ́ɓɔ 2:21 Iomraidhean Croise

Matáyɔ 12:37

Nga, ka yɔnga akɔ sasakɔ tɔ unge ɓákotangande nto á kanga ɓojeɗe, na ka yɔnga nɛkɔ tɔ unge ɓátenande nyɔngɔ nɛkɔ akpɛ.»

Matáyɔ 3:9

Ɓókokanisiɛmbɛ gea, nnde ɓooianaga sasanu ka měma anu gea te: ‹Abalaámu ande tatasu›, sungíi ungɔ. Nenóngoɗi gea, Mokonga aɔtɔka gaiya á ɓ'ɛtɛ nde ɓáɓɛ ɓasuko á Abalaámu.

Lóka 1:73

N'ande ɓíndɔ ɗáɔphí ka tatasu Abalaámu,

Lóka 16:24

Áontoɓea Abalaámu ɓe: «Abɛ hoo! Ómokuia ngomi. Nteka kani Lajáɔ, áubɛ́ sese á miki á njaga akɛ ka iɓo, ádɛkisɛgɛ n'eɗáka ani. Eme aámbé neotambaga k'ɛɛmbɛ á nsa ndee.»

Lóka 16:30

Ntɔi áogea: «Nna ɓó! Abɛ Abalaámu, atú oɓá nkpa n'atóki ka ɔlɔ á ɓasí, áoga mɔtɛ-aɓɔ, ɓékětiande.»

Yoáni 8:39

Ɓáonsikisia te: «Abalaámu ande tatasu.» Yéso áǒgea: «Atúoɓá na ɓonde ɓasuko á Abalaámu ɗoni, ámbé ɓɔtɔ́tɔtɔkisi ekuma nde ɗági.

Yoáni 8:53

Ande gea te, onde ngbɛga kɔnyɛ́nya tatasu Abalaámu, mmbɔ aku ndɔ, na ɓaɔtu-nyɔngɔ ndea Mokonga phɔtɔ? Cɔ, oɓɛ onde ani?»

Ekuma á ɓateki 7:2

Sɛtɛphánɔ áǒsikisia ɓe: «Ɓabɛ na ɓana-ayi, ɔ́kani phɔ́! Mokonga, mɛna-ɓoombia ɗánkiɗianei tatasu Abalaámu n'aphɔ́tɔ ka nji á Mɛsɔpɔtamía, na káikimbɛ ka ntanga-nji á Aláni.

Ɓalɔ́ma 3:20

Ka nyɔngɔ índɔ unge, nna na nkpa nde ɓántangande nto á koɗoni mosá á Mokonga ka nyɔngɔ á amba ɛɔphi. Ɛɔphi a tɔ omphangia nkpa gea, agi ɓojeɗe.

Ɓalɔ́ma 4:1

Cɔ, ɓɛyɔngande ka phɔa tatasu Abalaámu ɓo? Ekende ɗátɔí ka kokpa akɛ?

Ɓalɔ́ma 4:12

Abalaámu a phɔtɔ aba ɓakpa nde ɓágú ganja. Nna tɔndɔ ɓakpa nde ɓá na epe á gua á ganja ka nyama aɓɔ, a ndiu ɓakpa nde ɓá na ɓeekea ɓíndɔ tatasu Abalaámu ɗátú ně mosá á gua akɛ ganja.

Ɓalɔ́ma 4:16

Kaɓondɔ, ɓɛtɔí gǎkɛ tɔ ɓotukɔ ndɔ ka nyɔngɔ á ɓeekea, ka gea te, mɔkɔ ndea Mokonga áɓɛ ka nyɔngɔ á ɓonjánja-ékondi nɛkɛ. Mpɔ, áoúbikana ɗoni gea, mɔkɔ ndɔ ande ka phɔa á ɓato á k'ɛɓɔkɔti bui ndea Abalaámu. Ande gea, nna tɔndɔ ka ɓunde ɓáoamba ɛɔphi, a ndiu phɔtɔ ka ɓunde ɓá na ɓeekea ɓea Abalaámu, mmbé ande tatasu ɓesu ɓɔbu.

Ɓaɛbulanía 11:17

Cɔ, ka nyɔngɔ á ɓeekea, Abalaámu ɗámphúi Isáka ka phɛ́a mbenɔ nde Mokonga ɗántombigi ka ɗigimisa á ɓeekea nɛkɛ. Nanga ɓî ɗántɔi ngɔmu ndɔ ka mɔkɔ

Yakɔ́ɓɔ 2:18

Cɔ, aoɓá nkpa n'ayɔngande gǎkɛ te: «Oɓɛ, omɓeeki Mokonga, eme gǎkɛ nɛɔtɔtɔkisa ekuma ánjá.» Eme, nensikisiande ɓe: «Ɔ́mɔɔnisa phɔ́ ɓeekea nɛkɔ á kanga tɔtɔkisa ekuma ánjá. N'eme nɛkɔɔnisande ɓeekea nɛmɔ k'ékuma ánjá nde nɛɔtɔtɔkisa.

Yakɔ́ɓɔ 2:24

Nga, nkpa buakɛ ande nto á koɗoni mosá á Mokonga ka nyɔngɔ á tɔtɔkisa ekuma, nna tɔndɔ ka nyɔngɔ á ɓeekea.