Yakɔ́ɓɔ 2:14 - Ɔngana á Kɛ̌kɛ

¹⁴ Cɔ, ɓaya, ana kantíti sina kaɓɛ nkpa n'agi te, amɓeeki Mokonga na ká gǎkɛ otambea ánjá? Ɓeekea ndɔ aɔtɔka n'anamisi?

Yakɔ́ɓɔ 2:14 Iomraidhean Croise

Matáyɔ 5:20

Nenógie, akoɓá koɗoni anu na kányɛ́nyi nnde á ɓaɗundu-ɛɔphi na Ɓaphaisáyɔ, ɓókóngiɛku ka koɓoamɛ á na koba.

Lóka 3:11

Yoáni áǒsikisia: «Nkpa nde ana ngɔ́mbɛ iɓɛ, ámophɛ mmbé nna na kau. Mmbé a gǎkɛ n'eea, ágeɛ phɔtɔ ɓó.»

Lóka 6:49

Cɔ, mmbɔ aɔmɔɔ́ka, na nnaogea ɓíndɔ nensosi, akengeani na nkpa moci n'aphɛ̌ki endu, na kándǐsi etimo ánjá. Mǔku-iɓo aɓɛti ye endu ndɔ, mɔngɔ ímoci áɔngbɔɔkana! Áoújukana bubui.»

Ekuma á ɓateki 15:9

Kásótinganisi gǎkɛ na ɓɔ nga, asokosei měma á ɓɔ ka nyɔngɔ nde ɓáɓeeki.

Ekuma á ɓateki 8:13

Simɔ́ni phɔtɔ áoɓeekea sasakɛ, ɓáomɓatisa. Áonɗakatea Philípɔ, áɔɔna mphangiɔ na ketangaɔ nde ageani ka njaga akɛ, áotangaaga phɛɛ.

Ekuma á ɓateki 8:21

Kóna ka nyɔngɔ wani phɔtɔ n'ebigɔ wani. Nga, kanisia akɔ nna ánjá mosá á Mokonga.

Ɓalɔ́ma 2:25

Eya, gúa á ganja a tɔ na kantíti aoɓá n'oamba ɛɔphi. A gǎkɛ oɓá n'ootingiaga ɛɔphi, nanga ógua ganja, gúa á ganja nɛkɔ a tɔ kowó.

1 Ɓakɔlítɔ 15:2

Mbino-Ánjá ndɔ, ande phɔtɔ aphe á ɓoamia anu ka měma, aoɓá na ɓodungi ánjá ka měma ɓíndɔ ɗénɔtɔ̌mi. Kaɓɛ na nna ɓó, ámbé ɓeekea nɛnu a tɔ jǎi.

1 Ɓakɔlítɔ 16:22

Aoɓá nkpa na kánkondi Mɔkɔta, ambe ɓánsɛmɛɛgɛ! Mɔkɔta nɛsu bika!

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

1 Timɔtɛ́ɔ 4:8

Eya, ékakamisa ka kema á ka nyama, a gǎkɛ na kantíti ka kema ábɔa. Tambea ánjá mosá á Mokonga, aunge a ndiu na kantíti ka kema bui nga, k'índɔ unge ɓena mɔkɔ á enda ka matú nde na ka matú nde abikande.

Títɔ 1:16

Ɓáɔyɔnga te, ɓáomúba Mokonga, na ekuma nɛɓɔ a gǎkɛ ophangia gea, ɓáongána Mokonga. Ɓɔ, ɓáogea kema nde ɓakpa ɓáokangea ú, ɓákáɔmɔ́ka nkpa, ɓákáɔtɔka na ɓátɔtɔkisi ekuma ánjá.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

Ɓaɛbulanía 11:17

Cɔ, ka nyɔngɔ á ɓeekea, Abalaámu ɗámphúi Isáka ka phɛ́a mbenɔ nde Mokonga ɗántombigi ka ɗigimisa á ɓeekea nɛkɛ. Nanga ɓî ɗántɔi ngɔmu ndɔ ka mɔkɔ

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

Yakɔ́ɓɔ 1:16

Cɔ, ɓaya, ɓókǒdemisɛmbɛ.

Yakɔ́ɓɔ 2:16

Ana kantíti sina ka ɓenu moci ngoɗea akɛ: «Ógaye, gǎ ɔ́ɔ́lanɛgɛ ngɔ́mbɛ á tokisa phiɔ, óeɛgɛ ókutɛ!» na kómophi ka kema nde aonenga ka enda?

Yakɔ́ɓɔ 2:18

Cɔ, aoɓá nkpa n'ayɔngande gǎkɛ te: «Oɓɛ, omɓeeki Mokonga, eme gǎkɛ nɛɔtɔtɔkisa ekuma ánjá.» Eme, nensikisiande ɓe: «Ɔ́mɔɔnisa phɔ́ ɓeekea nɛkɔ á kanga tɔtɔkisa ekuma ánjá. N'eme nɛkɔɔnisande ɓeekea nɛmɔ k'ékuma ánjá nde nɛɔtɔtɔkisa.

Yakɔ́ɓɔ 2:26

Nga, ɓî nyama kángá ɛ́phɛu aku ye tɔ, ɓeekea kángá ékuma aku phɔtɔ.

2 Pɛ́tɛɛ 1:5

Kaɓondɔ, geani ɓukpɛkpɛ ka yamea á tambea ánjá gǔ á ɓeekea nɛnu na gǔ á tambea ánjá, ɓóyameɛ úba á Mokonga