Yakɔ́ɓɔ 1:9 - Ɔngana á Kɛ̌kɛ

⁹ Múki áɓɛ na maseye nga, Mokonga anɗokomisi.

Yakɔ́ɓɔ 1:9 Iomraidhean Croise

Lóka 1:52

Ětókisi ɓaamɛ ka kankaanga á kɔkɔta, áǒsamboa ɓakusi.

Lóka 10:20

Ɓî aɓó, ɓókóɓɛmbɛ na maseye ka nyɔngɔ á ɓeaga á ɓansombo. Ɓáni ndiu na maseye ka nyɔngɔ nde ɓáɗundu ina anu na koba.»

Lóka 14:11

Nga, nkpa buakɛ mmbé aǒɗokomisa, ɓándidisande. Nkpa nde a ndiu ǒdidisa aámbé ɓánɗokomisande.»

Lóka 9:48

Aǒgea te: «Nkpa nde ansesi miki nde k'ína ani, amosesi phɔtɔ. Nkpa nde amosesi, ansesi phɔtɔ mmbé amoteki. Nga, nkpa nde aǒdidisa sɔsɔɓɛ anu aámbé ande mɔkɔta.»

Ɓalɔ́ma 8:17

Cɔ, kaɓɛ na ɓende ɓaniki, ɓeɓande phɔtɔ na ka ɓotukɔ nde Mokonga aɛɓɔku ɓakpa nɛkɛ. Ɓɛtɔande ɓotukɔ ndɔ kimoci na Kiísito nga, ɓî ɓeotambaga kimoci na yɛ, ɓeɓande phɔtɔ kimoci na yɛ ka ɓoombia nɛkɛ.

2 Ɓakɔlítɔ 6:10

Ɓáɔsɔ́ɓɛisa na ɓe gǎkɛ na maseye esa bui. Ɓáokanisia te ɓende ɓaúki, na ɓendiu ɔ̌tɔisa ɓakpa ɓunɛngbo. Ɓáokanisia te ɓéké na ka kema, na ɓe ndiu na kema bubui.

Ɓaphilípi 3:14

Cɔ, neoga mbangɔ na ka ɓî nejúande na nsungɔ ka gea, nɛ́tɔɛ ɛkɔmi nde Mokonga asɔɔphanei na koba k'aphe ndea Kiísito Yéso.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.