Yakɔ́ɓɔ 1:5 - Ɔngana á Kɛ̌kɛ

⁵ Cɔ, kaɓɛ ka ɓenu n'aúki kɔɓɔɔngɛ, ámmɛmɛ Mokonga na amophande ú. Nga, Mokonga aámbé aóɓopha ɓakpa ɓɔbu na měma mo kángá á oɓayɔ.

Yakɔ́ɓɔ 1:5 Iomraidhean Croise

Matáyɔ 11:20

Mpɔ Yéso áokpanga yeya á ɓato á ka ntanga-nji ɗanga-ɗanga nde ɗági ketangaɔ ásii kau nga, ɗáɓákákěti tambea aɓɔ ájeɗe. Aogea:

Málikɔ 16:14

Ka sungiaga, Yéso áǒphangisia ka ɓagoigi nɛkɛ nkama na moci (11) na ɓáoeaga. Yéso áǒkeea ka nyɔngɔ á kanga ɓeekea nɛɓɔ. Měma aɓɔ ɗágbagi phɔtɔ nga, ɗáɓákáɓeeki ɓî ɓadaɓɔ ɗáɓěngoɗi gea, ɓámɔni Yéso mbusa á jujúka akɛ ka kukuwa.

Yoáni 14:13

Nɛtɔtɔkisande phɔtɔ kema bui nde ɓɔɔmɛma k'ína ani. Kaɓondɔ unge, ɓánɗokomisande Abɛ ka Anakɛ.

Yoáni 15:7

Aoɓá na ɓoiki suɓi ani, nyɔngɔ nɛmɔ n'aiki suɓi anu, cɔ, mɛmani kema bui nde ɓokondi, na ɓɔtɔande.

Yoáni 4:10

Cɔ, Yéso áonsikisia gea: «Otúoúba egabɔ ndea Mokonga, ô phɔtɔ omúba mmbé aongoɗi: ‹Ómopa iɓo á onoa.› Oɓɛ aámbé otú ndiu ɔmmɛma yɛ, atókophande iɓo á enda.»

2 Ɓakɔlítɔ 2:16

Ka ɓunde ɓáɓúngigi, nkoki ndɔ ande su á kukuwa nde aokusisa. Â gǎkɛ phɔtɔ oɓá su á enda nde aoendisa. Cɔ, ani mmbé aɔtɔka ekuma ɓ'índe?

Yakɔ́ɓɔ 1:17

Nga, nkɛɓɛa bui, n'egabɔ ánjá bui aotóka na koba mɔtɛ á Mokonga, Nconji á owanga á na koba. Yɛ nnaǒketia ɓea iii á kema n'aǒgaiaga.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

Yakɔ́ɓɔ 5:16

Cɔ, Phúiani kaɓu nde nkpa na nkpa atú ně ka dakɛ. Nkpa na nkpa ámɛmɛ phɔtɔ Mokonga ka phɔa dakɛ ka gea ɓóamɛ. Nga, ɛmɛmi á nto á koɗoni ana ɓukpɛkpɛ phɛɛ.

1 Yoáni 3:22

Yɛ aosopha kema bui nde ɓɛɔmɛma, ka nyɔngɔ nde, ɓeoamba ɛɔphi nɛkɛ, na tɔtɔkisa á kema nde amɓɔngɛi.