Yakɔ́ɓɔ 1:4 - Ɔngana á Kɛ̌kɛ

⁴ Ambe moíngí ndɔ áɓɛ base ka gea, ɓɔ́mɔtɛ ka měma, ɓóɓɛ na ɓukpɛkpɛ kángá á kisɛki moci na kángá úka ka kema.

Yakɔ́ɓɔ 1:4 Iomraidhean Croise

Matáyɔ 10:22

Ɓakpa ɓɔbu ɓánokangeande ka nyɔngɔ ani. Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande.»

Matáyɔ 19:20

Moganda ndɔ áongoɗea: «Ɗékpangi ámbá ɛɔphi ndɔ bui. Cɔ, kema sina nde amojiganei goto?»

Matáyɔ 5:48

Cɔ, ɓáni ɓato á kanga kisɛki ɓea Abanu mmbé á na koba kángá kisɛki.

Málikɔ 10:21

Yéso áonenga, áonkonda phɛɛ. Áongoɗea: «Oúki tɔ kema moci: Gǎ, ósombisɛ kema bui nde oně, ɔ́bɛɗɛ imɔna í, óɓophɛ ɓato á ɓuyɛnɛ, mbusa í, oɓande n'ɛtɔi na koba. Mpɔ bika, ómoɓeɛ.»

Lóka 18:22

Yéso aɔ́ki ye nyɔngɔ ndɔ, áongoɗea: «Aojigíí goto kema moci. Sombisa nkumba nɛkɔ bui, ógabeɛ ɓato á ɓuyɛnɛ imɔna í. O ye ogea ɓó, mpɔ ôɓá na nkumba na koba. Mbusa, bika ómoɓeɛ.»

Lóka 21:19

Cɔ, bisani měma anu, nga ka gea anu ɓó aunge ɓoamisande měma anu.»

Lóka 8:15

Nndɔ agu gǎkɛ ka oɗo ánjá, a ɓea mbenɔ nde ɓakpa ɓáɔɔ́ka Nyɔngɔ á Mokonga, ɓáoamba nyɔngɔ kau ka měma ánjá na měma á ɗoni. Ɓɔ gǎkɛ, ɓáoamba Nyɔngɔ ndɔ k'ésa ásii na gɔmbisa á mbuka.

Yoáni 17:23

Nɛɔmɛma gea, néɓɛ suɓi aɓɔ, n'oɓɛ suɓi ani ka gea, ɓáɓɛ kimoci ɗoni. Ɓondɔ unge, ɓato á ka mokonda ɓáúbande gea, oɓɛ aámbé ɗómoteki, ǒkondi phɔtɔ ɓíndɔ omokondi.

1 Ɓakɔlítɔ 2:6

Cɔ, nɛ tɔ ɔphɛa kɔɓɔɔngɛ ka ɓakpa nde ɓámɔti ka ɓeekea. Kɔɓɔngɛ ndɔ nna gǎkɛ á ka mokonda ndee, nna phɔtɔ á kɔkɔta á ka mokonda nde nnde aújukanande.

Ɓagalatía 6:9

Ɓégeɛni kema ánjá kángá ɛla. Nga, aoɓá na ɓékéɛli, ɓeɗunguande ka mbenɔ ndɔ aobika.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

2 Timɔtɛ́ɔ 3:17

ka gea, nkpa ndea Mokonga ámɔtɛgɛ ka měma, áɓɛ na ɓukpɛkpɛ ka tɔtɔkisa á kema bui ánjá.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

Yakɔ́ɓɔ 1:5

Cɔ, kaɓɛ ka ɓenu n'aúki kɔɓɔɔngɛ, ámmɛmɛ Mokonga na amophande ú. Nga, Mokonga aámbé aóɓopha ɓakpa ɓɔbu na měma mo kángá á oɓayɔ.

Yakɔ́ɓɔ 3:2

Nga, ɓesu ɓɔbu ɓeogea nyɔngɔ ájeɗe-jeɗe. A gǎkɛ oɓá nkpa na nnaɔyɔngaga nyɔngɔ ájeɗe-jeɗe ande nkpa nde akeni, mmbé aɔtɔka amba nyama akɛ bui.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.

2 Pɛ́tɛɛ 1:9

A gǎkɛ oɓá nkpa na nna na kema ndɔ, ande gea, nnaɔɔnapha ánjá, a ɓea keíme-íme, aɓosei gea, ɗáɓásokosei ɓojeɗe nɛkɛ á kala.