Yakɔ́ɓɔ 1:27 - Ɔngana á Kɛ̌kɛ

²⁷ Kanisa ánjá na á kanga ɓɔjɔɔkiɔ k'íso á Abɛ Mokonga, ande amba á ɓaniki á jiga, na ɓake á kekusa suɓi á tambaga nɛɓɔ. Goto, teani ɓojeɗe á ka mokonda.

Yakɔ́ɓɔ 1:27 Iomraidhean Croise

Matáyɔ 12:32

Nkpa nde aɔyɔnga ájeɗe ka phɔa á Muna-Nkpa, Mokonga aímande ɓojeɗe nɛkɛ. Nkpa nde a gǎkɛ ɔyɔnga ájeɗe ka phɔa á Měma á kanga ɓojeɗe, Mokonga káímɛku ɓojeɗe nɛkɛ, nanga áɓá ka mokonda nde, nanga ka mokonda índɔ aobika.

Matáyɔ 5:8

Maseye ka ɓato á měma ánjá, ka nyɔngɔ nde ɓámɔnande Mokonga.

Lóka 1:6

Ɓɔbu ɓaɓɛ ɗáɓátú ɓato á koɗoni k'íso á Mokonga. Ɗáɓáotambea ɓíndɔ ɛɔphi bui ndea Mɔkɔta ayɔngi, na tɔtɔkisa á kema bui nde Mokonga ɗáososea kángá kisɛki.

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓalɔ́ma 2:13

Cɔ, nna gǎkɛ ɓakpa nde ɓá tɔ ɔɔ́ka ɛɔphi ɓáunge Mokonga aǒtanga ɓato á koɗoni. A ndiu ɓakpa nde ɓáotambea ɓíndɔ ɛɔphi asosi.

Ɓagalatía 1:4

Kiísito yɛ sisakɛ aámbé ɗábiki osókuia ka amisa asu ka ɓojeɗe ka gea, ásophúiɛ ka ɓojeɗe á ka mokonda nde á kɛ̌kɛ ɓíndɔ Abasu Mokonga ɗákondi.

Ɓagalatía 3:11

Ande base gea, Mokonga nnaomɓeekea nkpa gea, ande nto á koɗoni ka nyɔngɔ á amba ɛɔphi. Nga, ɓáɗundu suɓi á Ɓuku á Mokonga gea: «Ɓato á koɗoni ɓáendande ka nyɔngɔ á ɓeekea.»

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓagalatía 6:14

K'eme gǎkɛ, kéebebeku ka kema nɛngbo na nna tɔndɔ ka nyɔngɔ á moyangɔ ndea Mɔkɔta nɛsu Yéso Kiísito. Ka nyɔngɔ índɔ unge mokonda aku ka nyɔngɔ ani n'eme néokuwa ka nyɔngɔ í.

Ɓaɛphɛ́sɔ 2:2

Ɗóɓooenda suɓi á ɓojeɗe na ɓeá nyɔngɔ á mokonda ndee. Ɗɔ́ɓɔɔmɔ́ka mɔkɔta á ɓansombo á ɓukpɛkpɛ ájeɗe mmbé amamei nji sɔsɔɓɛ á mokonda na koba, měma ndɔ aɔbɛɗanaga suɓi á ɓakpa nde ɓákáɔmɔ́ka Mokonga.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

1 Timɔtɛ́ɔ 5:4

A gǎkɛ oɓá nke á kekusa n'ana ɓaniki na ɓasuko, akeni ɓato á k'ékombo nɛkɛ ɓágoɛgɛ tɔtɔkisa á ɓeekea ndea Mokonga ka nyɛ́nyɛa ekuma nɛɓɔ ka phɔa ɓato á k'ékombo nɛɓɔ sasaɓɔ. Ɓáejisiɛ phɔtɔ ɓaɓɔkɔti aɓɔ na ɓatataɓɔ ɓonjánja nde ɗáɓěgi ně nga, nndɔ unge amɓɔngɛi Mokonga.

Títɔ 2:12

Ɓonjánja-ékondi ndɔ unge, asóphangisi yá á kema ájeɗe, na mɔphɛ á ka mokonda ndee, ɓétambeɛ ka mbenɔ nde na kɔɓɔɔngɛ, na koɗoni na ɓánga á Mokonga.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

Yakɔ́ɓɔ 3:9

Ɓeombeba Mɔkɔta nɛsu na Abasu n'eɗáka, ɓe phɔtɔ ɔ̌sɛmɛaga ɓakpa nde Mokonga ɗáeconji ka keongi akɛ n'eɗáka.

Yakɔ́ɓɔ 4:4

Ɓato á kanga ɓeekea nde ca! Ɓókóoúba gea, aoɓá nkpa n'abisi mɔphɛ akɛ ka nyɔngɔ á ka mokonda, ande mɓiɓia ndea Mokonga? Mmbé akondi bisa mɔphɛ akɛ ka kema á ka mokonda ande mɓiɓia ndea Mokonga.

2 Pɛ́tɛɛ 1:4

Ka nyɔngɔ índɔ unge, asophi mɔkɔ ánjá phɛɛ na ángbó ka gea, ɓókongiɛmbɛ ka otúkɔtúkɔ nde mɔphɛ ájeɗe á ka mokonda aobika ně na ɓójukanɛ na Mokonga sasakɛ.

2 Pɛ́tɛɛ 2:20

Cɔ, ɓakpa nde ɓá ye múbi Yéso Kiísito Mɔkɔta na Namisi nɛsu, ɗáɓáɗeketi ɓojeɗe á ka mokonda. Ɓá ye gǎkɛ kosikia goto ka kɔkɔɓɛ í, ɓojeɗe nɛɓɔ á kɛ̌kɛ anyɛ́nyande nnde á kala.

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.

1 Yoáni 5:18

Ɓeoúba gea, ɓana-Mokonga ɓɔbu ɓáná ye ogea ɓojeɗe nga, Miki-mǒko ndea Mokonga aǒamba. Nto-ajeɗe nnaɔtɔka n'égi na ka kema.