Yakɔ́ɓɔ 1:26 - Ɔngana á Kɛ̌kɛ

²⁶ Kaɓɛ nkpa n'agi te ande mokiísito á ɗoni, na nna gǎkɛ koamba yɔngɛa akɛ, ědemi sasakɛ, kanisa nɛkɛ a tɔ á jǎi.

Yakɔ́ɓɔ 1:26 Iomraidhean Croise

Matáyɔ 15:9

Nga obebɔ nɛɓɔ mosá ani nna na kantíti, nga, nyɔngɔ nde ɓáogoisaga a tɔ á kokpa.›»

Málikɔ 7:7

Obebɔ nɛɓɔ k'éme a tɔ á jǎi nga, goisaga nde ɓáogoisaga a tɔ á kokpa.›»

Lóka 8:18

Kaɓondɔ, ɛngɛphani mbenɔ nde ɓɔɔ́ka nyɔngɔ! Nga, mmbé ana ka kema aámbé ɓáyameande k'ínɛkɛ. Mmbé nna gǎkɛ na ka kema, ɓámutande n'ǐndɔ aně.»

1 Ɓakɔlítɔ 15:15

Aoɓá ɓasí na ɓákáojujuka ɗoni ka kukuwa, ande gea te, Mokonga ɗákánjujúkisi Kiísito ka kukuwa. Aoɓá ɓó, ámbé ɓende ɓaɗigimisi á mbɛa ndea Mokonga nga, ɗéɓeɗigimisi gea te, Mokonga ɗánjujúkisi Kiísito ka kukuwa.

1 Ɓakɔlítɔ 15:2

Mbino-Ánjá ndɔ, ande phɔtɔ aphe á ɓoamia anu ka měma, aoɓá na ɓodungi ánjá ka měma ɓíndɔ ɗénɔtɔ̌mi. Kaɓɛ na nna ɓó, ámbé ɓeekea nɛnu a tɔ jǎi.

1 Ɓakɔlítɔ 3:18

Cɔ, nkpa kědemɛ mɔnɔ sasakɛ. Aoɓá ka ɓenu moci n'aokanisia te, ande mɔɔngɛ á ka mokonda nde, áɓɛ mbóbó ka gea, áɓɛ ye tɔ mɔɔngɛ ɗoni.

Ɓagalatía 2:6

Ɓakɔta á kanisa ɗáɓákáyamei gǎkɛ ka kema ka ɓɔphɛi nɛmɔ. Nanga ɓáɓá ɓakɔta, nndɔ nna kema k'éme nga, Mokonga nna n'oɓayɔ. Ɓakɔta ndɔ, ɗáɓákámososi gǎkɛ moangɔ á kɛ̌kɛ.

Ɓagalatía 2:9

Mpɔ, Yakɔ́ɓɔ, Pɛ́tɛɛ na Yoáni, ɓî ɗáɓáeseɓei ɓea nsukiɔ á kanisa, ɓáoengekisa ebigɔ nde Mokonga amopi. Ɓáosopha njaga eme na Baanába ka ɔnisa ɔngana. Ɓɛ́ɔɔ́kana na ɓɔ ka gea, ɓesu ɓégɛ bɛɗanɛgɛ mɔtɛ á ɓakpa nde ɓáná Ɓayúda, ɓɔ gǎkɛ ɓágɛ bɛɗanɛgɛ mɔtɛ á Ɓayúda.

Ɓagalatía 3:4

Ande gea te nyɔngɔ bui nde ɗátɔtɔkɛani ka phɔanu aku tɔ jǎi? Eya, ɗákáku jǎi.

Ɓagalatía 6:3

Mmbé aǒɗokomisa na nna na kantíti, aǒdema sisakɛ.

Ɓaɛphɛ́sɔ 4:29

Nyɔngɔ ájeɗe kajúanɛ mɔnɔ tanda k'aphenɔkɔ anu. Yɔngani ndiu tɔ nnde ana kantíti na akenanigi na mɔphɛ á ɓakpa na aɔtɔka na aegbagisigi ɓakpa na gea ánjá ka ɓundɔ ɓáɔnɔɔ́ka.

Ɓaɛphɛ́sɔ 5:4

Ɓókóyɔngɛgɛ mɔnɔ nyɔngɔ á soni, nyɔngɔ á kobóbó na nyɔngɔ nde ajɔɔkani. Ambe ɓónsegɛ ndiu Mokonga ka ɛmɛmi nɛnu.

Ɓakɔlɔsái 4:6

Ambe yɔnga nɛnu áɓɛ ánjá esa bui na ɛ́ɓɔngɛɛ ɓakpa na ambe ɓóɓɛoúba sikisia á yɔnga ka nkpa na nkpa ɓíndɔ akeni.

Yakɔ́ɓɔ 1:19

Ɓadani ékondi, kanisiani phɔ́ nyɔngɔ ndee: Ambe nkpa buakɛ, áɓɛ aphǒ ka ɔ́kapha. Áɓɛ gǎkɛ aɗǒ ka yɔnga na ka ɓɛá.

Yakɔ́ɓɔ 1:22

Ɓókoikiɛmbɛ tɔ ɔ́ka á nyɔngɔ ndea Mokonga, tɔtɔkisani ndiu ú ka gea, ɓókǒdemɛmbɛ sasanu.

Yakɔ́ɓɔ 2:20

Mbóbó nde ca! Okondi úba á gea te, ɓeekea á kanga tɔtɔkisa ékuma ánjá, nna na kantíti?

1 Pɛ́tɛɛ 3:10

Nga, ɗáɓáɗundu suɓi á Ɓuku á Mokonga ɓe: «Mmbé akondi enda ánjá na ɔna esa á ɓɔjɛmɛ, akeni áambɛ eɗáka akɛ na ɓojeɗe, aphenɔkɔ akɛ kayɔngɛmbɛ mbɛa.