Yakɔ́ɓɔ 1:25 - Ɔngana á Kɛ̌kɛ

²⁵ Cɔ, mmbé aoúba cɔca ánjá ɛɔphi á kanga ɓojeɗe ndea Mokonga, nnde ɗásotókisi ka kɔkɔɓɛ, na tétemisa í, nnaoɓosea nnde aɔɔ́ka, a ndiu ɔtɔtɔkisa ú ɓíndɔ ɛɔphi asosi. Kaɓondɔ, aɓande na maseye ka kema bui nde aɔtɔtɔkisa.

Yakɔ́ɓɔ 1:25 Iomraidhean Croise

Lóka 11:28

Yéso â gǎkɛ ǒsikisia gea: «Maseye a ndiu ka ɓundɔ ɓáɔɔ́ka nyɔngɔ á Mokonga na tɔtɔkisa í.»

Yoáni 13:17

Ɓî ɓoúbi ye nyɔngɔ ndɔ, ɓoɓande na maseye, aoɓá na ɓɔtɔtɔkisi ú.

Yoáni 8:36

Aoɓá Muna-Mokonga n'anótókisi ka kɔkɔɓɛ, ɓotókande ka kɔkɔɓɛ ɗoni.

Ekuma á ɓateki 13:43

Ka phanjekanaga á ɓakpa, Ɓayúda ɓásii na ɓato á k'ékuna nɛngbo ɓunde ɗáɓáɓeeki esomba ndea Ɓayúda, ɓáomɓea Pɔ́lɔ na Baanába. Ɓɔ, ɓáɔyɔngaga na ɓɔ, ɓáǒgbagisaga měma gea, ɓáikɛ ka ɓonjánja-ékondi ndea Mokonga.

Ekuma á ɓateki 2:42

Ɓaɓêki ndɔ ɗáɓátú na moíngi ka ɔ́ka ɓɔphɛi ndea ɓateki, ɓáoika ka komunamema, ɓáoeaga kimoci, na mɛma á Mokonga phɔtɔ kimoci.

Ekuma á ɓateki 26:22

Na ka kesande, nemame wani nga, Mokonga ɗámoambi ka gea te, néɓɛ nɗigimisi á nyɔngɔ nɛkɛ mosá á ɓundɔ ɓána ɓoombia, na ɓundɔ ɓáná na ɓoombia. Kɛ́ɔyɔnga nyɔngɔ nde atingani n'índe á ɓaɔtu-nyɔngɔ ndea Mokonga na Mósa ɗáɓáɔtu gea,

Ɓalɔ́ma 11:22

Cɔ, ianagani phɔ́ ɓonjánja ndea Mokonga na kokae nɛkɛ. Mokonga aákae ka ɓundɔ ɗáɓágu. Yɛ, a gǎkɛ anjánjá k'óɓɛ aoɓá n'oomɓeekea ka ɓonjánja nɛkɛ. Aoɓá na kógi ɓó, ámbé ɓákotenande phɔtɔ.

Ɓalɔ́ma 2:13

Cɔ, nna gǎkɛ ɓakpa nde ɓá tɔ ɔɔ́ka ɛɔphi ɓáunge Mokonga aǒtanga ɓato á koɗoni. A ndiu ɓakpa nde ɓáotambea ɓíndɔ ɛɔphi asosi.

Ɓalɔ́ma 7:12

Kaɓondɔ, ɛɔphi ndea Mokonga nna na ɓojeɗe, moangɔ ɛ́ɔphi ndɔ, ande á kanga ɓojeɗe, á koɗoni na aánjá.

Ɓalɔ́ma 8:15

Cɔ, Měma á Mokonga nnde ɓɔtɔí mɔtɛ á Mokonga, nna měma índɔ á ngisa anu ka kɔkɔɓɛ na túmisa goto kɔɓɔɓɔkɔ suɓi anu, a ndiu Měma nde anobisi ɓóɓɛ ɓana-Mokonga. Ka nyɔngɔ á Měma ndɔ aunge ɓɛɔtɔka ɔphana á Mokonga «Abɛ.»

Ɓalɔ́ma 8:2

Nga, akoɓá nkpa n'asuɓi á Kiísito Yéso, Měma á kanga ɓojeɗe nnde aoendisa, aunge ande ɛɔphi nɛkɛ. Ɛɔphi ndɔ unge ɗámotókisi kusi á kɔkɔta á ɓojeɗe na kukuwa.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

2 Ɓakɔlítɔ 13:5

Cɔ, óengani sasanu ka ɗigimisa gea, ɓonde ɓaɓêki á ɗoni. Ɓooúba gea, Kiísito a sɔsɔɓɛ anu. Nna ɓo? Kaɓɛ na nna ɓó, ámbé ɓotugbanigi suɓi á ɓeekea.

Ɓagalatía 2:4

nanga ɓî ɓana-ayi ɓájeɗe ɓáunge ɗáɓáonsosea. Ɓɔ, ɗáɓáengisi sɔsɔɓɛ asu ka ɓɔsɔmɛa ka bika sɔna ɓî ɓeoenda ánjá ka ɔngana asu na Kiísito. Ɗáɓátú na mɔphɛ á bisa asu ɓea ɓakɔɓɛ nɛɓɔ.

Ɓagalatía 5:1

Kiísito asotókisi ka kɔkɔɓɛ ka gea te, ɓékéikɛmbɛ ye ka kɔkɔɓɛ. Kaɓondɔ, ókakamisani ka gea, ɓókosikianɛgɛ mɔnɔ ye goto ka kɔkɔɓɛ.

Ɓagalatía 6:2

Ɓî a ɓó, ambe nkpa na nkpa ákumbɛ ɓoɗoko á dakɛ. K'aphe ndɔ unge, ɓoɓeande ɛɔphi ndea Kiísito.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

1 Timɔtɛ́ɔ 2:15

Cɔ, ɓake ɓáamande ka měma ka nyɔngɔ á ɛɓɔkɔti, aoɓá na ɓátútuisi ɓeekea, ekondani, na měma á ɓonjánja.

1 Timɔtɛ́ɔ 4:16

Cɔ, oɓɛ óenga sasakɔ, ka tambea akɔ na ɓɔphɛi nɛkɔ, ótétemanɛ kau. Nga, oogea ɓó, ǒamisande sasakɔ na amisa á ɓundɔ ɓáɔkɔɔ́ka.

Ɓaɛbulanía 12:15

Ɛ́ngɛphani gea, ka ɓenu kaeúkisɛmbɛ ɓonjánja-ékondi ndea Mokonga. Ka ɓenu kaɓɛmbɛ phɔtɔ ɓea mǐgi ájiá nde áɔtɛa, áoyombokisa na ndandisa á ɓojia ndɔ ka ɓakpa ɓásii.

Yakɔ́ɓɔ 2:12

Ambe yɔngɛa anu na tambea anu áɓɛ ɓea ɓakpa nde ɓátenande nyɔngɔ nɛɓɔ ka ɓeana n'ɛɔphi nde aotókisa ka kɔkɔɓɛ.

1 Pɛ́tɛɛ 2:16

Tambeani ɓea ɓakpa nde ɓátóki ka kɔkɔɓɛ, a gǎkɛ oɓá n'a ɓó, nndɔ kaɓɛmbɛ aphe á gbukumia á ɓojeɗe. Tambeani ndiu ɓíndɔ akeni ka ɓabɛɗanigi ndea Mokonga.

1 Yoáni 2:24

Aoɓá nyɔngɔ nde ɗɔ́ɓɔɔ́ki kpanga nkpangeɔ n'aiki suɓi anu, ɓɔɔnganande phɔtɔ n'Anakɛ n'Abakɛ.

Mphaniɔ 14:13

Mpɔ, nê goto ɔɔ́ka ɛsɔ n'atóki na koba, áogea: «Cɔ, ɗundua ɓe: Maseye áɓɛ kpanga á kɛ̌kɛnde ka ɓunde ɓáku k'ína á Mɔkɔta!» Měma á Mokonga agi: «Eya, ɓáumbiɛ mbusa ékuma nɛɓɔ akpɛ nga, ekuma nɛɓɔ aeɓeande.»

Mphaniɔ 22:14

Maseye ka ɓundɔ ɓásokosi bɔngɔ nɛɓɔ ka gea te, ɓáesoseɛ ea á mbuka á me á enda na ngia ka kǐo suɓi á ntanga-nji.