Yakɔ́ɓɔ 1:19 - Ɔngana á Kɛ̌kɛ

¹⁹ Ɓadani ékondi, kanisiani phɔ́ nyɔngɔ ndee: Ambe nkpa buakɛ, áɓɛ aphǒ ka ɔ́kapha. Áɓɛ gǎkɛ aɗǒ ka yɔnga na ka ɓɛá.

Yakɔ́ɓɔ 1:19 Iomraidhean Croise

Matáyɔ 5:22

Cɔ, eme nenóngoɗi ɓe: Nkpa buakɛ mmbé aɔmɓɛɛa dakɛ, akeni ɓánjusɛ ka ntua á tena á nyɔngɔ. Mmbé aombóma dakɛ te: ‹Kóúbapha!›, akeni júsa akɛ ka ntua ángbó á tena á nyɔngɔ ndea Ɓayúda. Mmbé aongea dakɛ te: ‹Ona ganja!›, akeni ɓámmakeɛ k'ɛɛmbɛ á nsa nnde nnaoimika.

Málikɔ 12:37

Daúdi sasakɛ, ansǔ ‹Mɔkɔta.› Cɔ, Kiísito aɓande mosuko akɛ ɓo?» Usɛsɛ á ɓakpa ɗáɓáɔɔ́ka ɓɔphɛi nɛkɛ na maseye.

Málikɔ 2:2

Kaɓondɔ, ɓakpa ɓásii ɓáodondanaga wa, na ka ɓî ɓakpa ɗáɓáɓɔkani suɓi éndu phɔtɔ k'íso á mpume, Yéso n'aɔ̌phɛa nyɔngɔ á Mokonga.

Lóka 15:1

Ɓaphendisigi-manjanja na ɓato á ɓojeɗe ɓásii, ɗáɓáombîmisiaga Yéso ka ɔ́ka nyɔngɔ nɛkɛ.

Lóka 19:48

Cɔ, ɓɔ gǎkɛ, ɗáɓákáúbi moangɔ á tɔtɔkisa í nga, ɓakpa ɓɔbu ɗáɓá na mɔphɛ á ɔ́ka akɛ phɛɛ.

Ekuma á ɓateki 1:15

K'ésa ndɔ, ɓaɓêki nde ɗáɓádondanigi, ɗáɓátú ɓea ɓakpa mia moci nkama-iɓɛ (120). Mpɔ, Pɛ́tɛɛ áoma sɔsɔɓɛ aɓɔ, áǒgeae:

Ekuma á ɓateki 10:33

Mongɔ moci, ɗěteki ɓakpa ka ɔphana akɔ. Cɔ, ogi ánjá ka kiɗia. Kɛ̌kɛnde, ɓesu ɓɔbu ɓe ye tɔ mosá á Mokonga ka ɔ́ka á nyɔngɔ bui nde Mɔkɔta aoteki ně ka ngoɗea asu.»

Ekuma á ɓateki 13:48

Ɓî ɓundɔ ɓáná Ɓayúda ɓáɔ́ki tɔ nyɔngɔ ndɔ, ɓáoɓá na maseye phɛɛ. Ɓáobeba nyɔngɔ á Mɔkɔta Yéso, na ɓakpa ɓɔbu ɓunde Mokonga ɗáɛsɔmbu ka ɓá na enda á mɛyɔ, ɓáoɓeekea.

Ekuma á ɓateki 17:11

Bayúda á ka Bɛlɔ́ya, ɗáɓátú na měma ánjá kɔ̌nyɛ́nya Ɓayúda á ka Tɛsalɔníka. Ɗáɓáokonda phɛɛ ɔ́ka á nyɔngɔ á Mokonga. Esa bui, ɗáɓáokáɓa koɗoni suɓi á Ɓuku á Mokonga ka engekisa ɓɔphɛi ndea Pɔ́lɔ.

Ekuma á ɓateki 2:42

Ɓaɓêki ndɔ ɗáɓátú na moíngi ka ɔ́ka ɓɔphɛi ndea ɓateki, ɓáoika ka komunamema, ɓáoeaga kimoci, na mɛma á Mokonga phɔtɔ kimoci.

Ɓaɛphɛ́sɔ 4:26

Kaɓɛ na ɓɔɓɛí, ɓɛí ndɔ kanóngisɛmbɛ mɔnɔ ka ɓojeɗe na ɓókómakɛmbɛ esa suɓi á ɓɛí kau.

Ɓaɛphɛ́sɔ 4:31

Ɓókóbisɛmbɛ suɓi á měma anu ɓojeɗe bui nde ɓánogǐí. Ɓókóɓɛmbɛ na esúia, ɓɛí, ntaɓo na mbóma. Sagani ɓojeɗe bui.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

Ɓakɔlɔsái 3:8

Kɛ̌kɛnde ye gǎkɛ, sagani nndɔ bui kaɓɛ: ɓɛí, oyombɔ, kokae. Mbóma, kaɓɛ ɛphɔ́ti, kajúanɛmbɛ k'aphenɔkɔ anu.

1 Ɓatɛsalɔníka 2:13

Ɓe phɔtɔ onsega Mokonga esa bui, ka nyɔngɔ nde, ɓî ɗéɓenɔ́tɔ̌migi Mbino-Ánjá ndea Mokonga, ɓɔ́ɔɔ́ka, ɓóoɓeekea gea: «Ande nyɔngɔ á Mokonga. Nna nyɔngɔ á kokpa.» Cɔ, ande ɗoni anu. Nga, nyɔngɔ á Mokonga angí ka mɛngɛ anu, ɓenu ɓaɓêki.

Yakɔ́ɓɔ 1:16

Cɔ, ɓaya, ɓókǒdemisɛmbɛ.

Yakɔ́ɓɔ 1:2

Ɓaya, ɓáni na maseye phɛɛ mbenɔ nde ɓoongia ka tombaga ɗanga-ɗanga.

Yakɔ́ɓɔ 1:26

Kaɓɛ nkpa n'agi te ande mokiísito á ɗoni, na nna gǎkɛ koamba yɔngɛa akɛ, ědemi sasakɛ, kanisa nɛkɛ a tɔ á jǎi.

Yakɔ́ɓɔ 2:1

Cɔ, ɓaya, ɓenu íɓundɔ ɓomɓeeki Mɔkɔta nɛsu Yéso Kiísito, mɛna-ɓoombia, ɓókoɓɛmbɛ ǒɓaya ɓakpa ɓunɛngbo suɓi á ɓeekea nɛnu.

Yakɔ́ɓɔ 2:5

Cɔ, ɓadani ékondi, ɔ́kani phɔ́! Nna phɔ́ Mokonga aámbé ɗáɛsɔmbu ɓaúki á ka mokonda gea, ɓáɓɛ ɓatɔi suɓi á ɓeekea na ɓátɔɛ phɔtɔ koɓoamɛ nde ɗáɛɓɔku ɓunde ɓánkondi?

Yakɔ́ɓɔ 3:10

Obebɔ, na sɛmɛaga, a tɔ otóka k'aphenɔkɔ ndɔ tɔ. Ɓaya, kákeni áɓɛ ɓó.

Yakɔ́ɓɔ 4:11

Ɓaya, ɓókoyɔngɛanɛmbɛ ájeɗe. Mmbé aɔn'yɔngɛa dakɛ ájeɗe, kaɓɛ tena á nyɔngɔ nɛkɛ, ayɔngɛi ɛɔphi ájeɗe na tena á nyɔngɔ í. O ye gǎkɛ otena nyɔngɔ ɛ́ɔphi mmbe ǒbisi ye tɔ nteni-nyɔngɔ. Kó ye nto á amba ɛ́ɔphi.

Yakɔ́ɓɔ 5:12

Cɔ, ɓaya, mosá á kema bui, ɓɔ́kɔɔphɛmbɛ k'ína á mokonda, kaɓɛ nnde á na koba, kaɓɛ ka kema moci. Aoɓá na ɓoɓeeki, ɓeekeani tɔ ɗoni á ɗoni. A gǎkɛ oɓá na ɓoyé, yáni tɔ ɗoni á ɗoni ka gea te, Mokonga katenɛmbɛ nyɔngɔ nɛnu akpɛ.

Yakɔ́ɓɔ 5:19

Ɓaya, aoɓá ka ɓenu n'aɓúngigi k'aphe ájeɗe, nkpa ɓaangbo â gǎkɛ onkiɗianisa k'aphe ánjá.

1 Yoáni 2:21

Ɓî nenóɗundui, nna ka nyɔngɔ nde ɓókóoúba ɗoni, a ndiu ka nyɔngɔ nde ɓooúba gea, mbɛa nnaotóka ka ɗoni.